Horiso 48:9 - Sơ̆p Hlabơar Nơ̆r 'Bok Kei-Dei

⁹ Ơ Kră Yang 'Bok Kei-Dei, lăm Hnam akŭm kơkuh kơ Ih. Lu nhôn tơtĭnh 'blŏk kơ tơdrong 'mêm mơnat đơ̆ng Ih.

Horiso 48:9 ပူးပေါင်းရင်းမြစ်များ

I Pot 10:6

Sư khan kơ pơtao Sôlômôn: “Dôm tơdrong inh kơtơ̆ng đe roi lăm char inh gah nơ̆r pơma păng tơdrong gơh hơgei ih trŏ tơpă bơih.

I Pot 10:7

Kơplah inh tam mă truh tơ âu păng măt inh ưh tam mă 'bôh inh ưh kơ lui ôh dôm tơdrong mă đe roi 'noh; tơdrong mă inh kơtơ̆ng lăp minh puăt tơdrong gơh hơgei păng tơdrong mơdrŏng ih oei hloh kơ dôm tơdrong inh kơtơ̆ng.

Horiso 104:34

Ăn tơdrong inh tơchĕng 'lơ̆ng lăp đon Sư. Inh gô chơt hiôk lăm Kră Yang.

Horiso 26:3

Yua kơ tơdrong 'mêm mơnat Ih oei 'bơ̆t anăp inh, Inh kiơ̆ boih tơdrong sĭt Ih

Horiso 40:10

Inh ưh kơ đei ôn tơdrong tơpăt Ih lăm jơhngơ̆m inh, Inh roi tơbăt boih 'lơ̆ng tơpăt păng tơdrong Ih dŏng pơklaih, Inh ưh kơ đei ôn lăm năr akŭm tih gah tơdrong Ih 'mêm păng tơdrong Ih mơnat sĭt tơpă.

Horiso 87:5

Đe gô roi gah Siôn thoi âu: “Lu đe âu đe noh tơpŭ boih Siôn noh; Kră Yang Tih Hloh gô pơm kơ Siôn kơjăp.”

Hơri Hiôk 1:4

Chông ba inh kiơ̆ ih bĕ kơdâu mă hrĕnh. Pơtao chông inh boih mơ̆t tơ anih sư.

Êsai 26:8

Ơ Kră Yang, mă Ih sek tơlang kơ nhôn lu nhôn oei chang gô lăm trong Ih sek tơlang tơpăt, bơhngol lu nhôn hơpơi kơ anăn Ih păng 'blŏk hơdơ̆r.

Je 31:40

Jơ̆p lăm thŭng atâu đe lôch păng rơnok kơting, đĭ-đăng chŭn dĭng truh tơ thong đak Kidrôn păng truh tơ mum 'Măng Jang Aseh gah hơlĕch, dôm lu 'noh gô klah 'măn lê̆ pha 'lơ̆ng rơgoh ăn kơ Kră Yang păng pơlei oei oei ling-lang ưh kơ đei bu buch lê̆ păng pơrăm dơ̆ng.”