Horiso 48:8 - Sơ̆p Hlabơar Nơ̆r 'Bok Kei-Dei

⁸ Tơdrong kiơ̆ mă lu nhôn kơtơ̆ng noh lu nhôn 'bôh boih. Lăm pơlei Kră Yang Tih Hloh. Wă khan lăm pơlei Kră Yang 'Bok Kei-Dei lu nhôn. Kră Yang 'Bok Kei-Dei pơjing boih pơlei noh. Kơjăp ling-lang, ling-lang. Sêla

Horiso 48:8 ပူးပေါင်းရင်းမြစ်များ

I Pot 22:49

Jêhôsaphat pơm duk đơ̆ng char Taris wă năm tơ dêh char Ôphir, sư chă maih mă-lei lu sư ưh kơ yĕng kơ năm, yua kơ duk sư pơchah tơ pơlei Êsiôn Gêber.

Horiso 46:5

Kră Yang 'Bok Kei-Dei oei lăm pơlei noh, pơlei ei ưh kơ đei pơpơ̆. Lăp 'brưch pơgê hrôih Kră Yang 'Bok Kei-Dei tơgŭm sư boih.

Horiso 87:5

Đe gô roi gah Siôn thoi âu: “Lu đe âu đe noh tơpŭ boih Siôn noh; Kră Yang Tih Hloh gô pơm kơ Siôn kơjăp.”

Êsai 2:2

Gô đei tơdrong truh lăm lu năr hơtuch kơnh: Kông hnam Kră Yang gô oei kơjăp tơ kơpal lu kơ̆l kông, kơjung hloh kơ đĭ-đăng lu groi. Păng rim kơ teh đak gô luh leng năm tơ noh.

Êsai 38:19

Lu bơngai arih, lu bơngai arih đĕch ư-ang kơ Ih. Thoi inh đei pơm năr âu. Lu bơngai pơm 'bă gô bơtho ăn kơ kon hơ'lơ̆p sư băt tơdrong tơpăt Ih.

Êsêkiên 27:26

Lu bơngai huơ̆r kơ ih, ba ih lăm đak dơsĭ păng kial đơ̆ng gah hơlĕch bah pơrăm ih tơ lăm tŏk-bŏk đak dơsĭ.

Mi 4:1

Tơdrong truh lăm năr đơ̆ng rŏng kơnh, hnam Kră Yang gô pơjing pơdơ̆ng pơm hơtŏk tơ rim kơ̆l kông kơjung păng đe kư̆m gô tơiung sư rai dêh hloh kơ lu kông groi. Lu kon pơlei gô jur năm luh leng tơ noh;

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.