Horiso 47:8 - Sơ̆p Hlabơar Nơ̆r 'Bok Kei-Dei

⁸ Kră Yang 'Bok Kei-Dei pơgơ̆r đĭ teh đak. Kră Yang 'Bok Kei-Dei oei tơ anih Rơgoh Sư.

Horiso 47:8 ပူးပေါင်းရင်းမြစ်များ

I Ho 16:31

Ơ lu tăl plĕnh chơt hiôk bĕ, ơ teh đak 'nă hal bĕ. Ơ kon pơlei oei lăm teh đak roi pơdah bĕ. “Kră Yang tơ'ngla pơgơ̆r.”

Horiso 110:6

Sư sek tơlang kơ đĭ-đăng dêh char, pơm kơ jơ̆p-jang anih đei hơtâu bơngai lôch. Kŭm gô juă bơhlơ̆r lu yŏng mơng jơ̆p lăm teh.

Horiso 48:1

Kră Yang jơ̆ Yŏng mơng, trŏ kơ kơkuh. Lăm pơlei 'lơ̆ng Kră Yang 'Bok Kei-Dei bơ̆n, tơ kơpal kông Rơgoh Sư.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Horiso 9:4

Yua kơ Ih wei dŏng păng ăn kơ inh gơh jei; Ih oei tơ kơpal tang-dŏ pơtao sek tơlang tơpăt.

Horiso 93:1

Kră Yang pơgơ̆r; Sư hrŭk ư-ang rang mơnhal. Kră Yang hrŭk tơdrong ư-ang rang mơnhal păng tơ̆n tơdrong pran kơtang, tơpă pơjing teh đak kơjăp, ưh kơ đei pơpơ̆.

Horiso 94:20

Hăm gơh lu bơngai pơyơ̆r mă pơm kơnê̆ pơgơ̆p hăm Ih, yua khôi juăt wă pơrăm ih.

Horiso 96:10

Athei roi bĕ kơ lu dêh char: “Kră Yang pơgơ̆r. Teh đak đei pơjing kơjăp, ưh kơ đei pơpơ̆. Sư gô sek tơlang kơ kon pơlei pơla tơpăt.”

Horiso 97:1

Kră Yang pơgơ̆r, ơ teh chhôk hal bĕ; Ơ lu bŏl đaka chơt hiôk bĕ.

Horiso 99:1

Kră Yang pơgơ̆r; lu kon pơlei athei hli yom bĕ; Sư hơ-oei tơ kơpal chêrubim;a plei teh hli pơpơ̆ bĕ.

Horiso 99:2

Lăm Siôn Kră Yang tih hloh, Sư đe pơyom hloh kơ đĭ-đăng kon pơlei.

Sa 14:9

Kră Yang gô pơm Pơtao jơ̆p kơ teh đak; lăm năr noh, Kră Yang gô jing minh đĕch.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Hêbrơ 4:16

Thoi noh na bĕ bơ̆n năm jê̆ tơ anăp Sư. Huay kơ hli ôh, Sư mơnat kơ bơ̆n tơpă, Sư wă tơgŭm bơ̆n lơ̆m dôm tơdrong bơ̆n kăl yua.

Tơdrông Tơ'bôh 19:6

Đơ̆ng noh inh kơtơ̆ng 'bơ̆r bơngai tơpôl pơma jơwa thoi đak chơkơi, thoi grơ̆m glaih thoi âu: “Halêluya, ư-ang kơ 'Bok Kei-Dei Kră Yang Tih Hloh. Sư wă pơgơ̆r tôm tơdrong ngăl boih.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.