Horiso 46:9 - Sơ̆p Hlabơar Nơ̆r 'Bok Kei-Dei

⁹ Sư pơtôch tơdrong tơblah jơ̆p-jang teh đak. Gơ̆ lê̆ hră, gơ̆ lê̆? Tơju rơkhai rơkhônh. Sư soh lê̆ gre tơ lăm ŭnh.

Horiso 46:9 ပူးပေါင်းရင်းမြစ်များ

Horiso 66:5

Năm lăng, bĕ dôm tơdrong jang Kră Yang 'Bok Kei-Dei: Tơdrong jang Sư pơm kơ kon bơngai trŏ hli yom tơpă.

Êsai 10:23

Yua kơ, Kră Yang Tih Hloh đei pơkă gô pơm tơdrong pơrăm jơ̆p kơpal teh lu Sư.

Êsai 11:9

Lu sư ưh kơ gơh pơm kơnê̆ păng pơrăm băl ôh, jơ̆p kơ anih lăm kông 'lơ̆ng rơgoh Inh, yua kơ jơ̆p-jang kơ teh đak 'bĕnh blai tơdrong hlôh băt kơ Kră Yang bơih, thoi đak ro 'bĕnh dơsĭ.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 60:18

Lăm dêh char ih gô ưh pă kơtơ̆ng bơih gah tơdrong pơm kơnê̆, mă lăm hơdral teh đak ih kư̆m ưh pă đei pơchah răm dơ̆ng bơih; mă-lei ih gô krao dur ih kơdih noh tơdrong “Dŏng pơklaih” 'măng jang ih kơdih noh tơdrong “Bơnê ư-ang.

Êsêkiên 39:3

Inh gô gơ̆ lê̆ hră đơ̆ng ti 'ngiĕo ih păng tơhuŏng lê̆ 'brơ̆m đơ̆ng ti gah 'ma ih.

Mi 5:10

Inh gô pơrăm đĭ lu pơlei tih lăm char lu iĕm păng Inh gô tơlơ̆ tŭk lê̆ lu kơđông kơjăp lu iĕm.

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Jôsuê 11:9

Jôsuê blah lu sư pơm kiơ̆ kơ nơ̆r Kră Yang đei pơkă kơ sư, koh huan jon aseh păng soh gre aseh lu sư.

I Sam 2:4

Hră lu bơngai kơtang tơgơ̆ bơih, mă-lei lu bơngai tơrăn oei đei jơhngơ̆m pran kơtang.