Horiso 46:10 - Sơ̆p Hlabơar Nơ̆r 'Bok Kei-Dei

¹⁰ Hreh bĕ athei băt Inh boih Kră Yang 'Bok Kei-Dei. Inh đe gô pôk pơư tơ jơ̆p dêh char, kư̆m pôk pơư kơ Inh tơ kơpal teh.

Horiso 46:10 ပူးပေါင်းရင်းမြစ်များ

I Pot 18:36

Gah kơsơ̆, truh jơ pơyơ̆r tơmam soi, Êli bơngai khan lê̆ adrol năm dơ̆ng jê̆ chơnang soi 'noh păng krao khan: “Ơ Kră Yang, 'Bok Kei-Dei Abraham, Isăk păng Isơrael, năr 'nâu apinh ih ăn kơ đe băt Ih boih Kră Yang 'Bok Kei-Dei lăm khŭl bơngai Isơrael. Inh đĭch đam Ih, chu nơ̆r Ih pơm kiơ̆ tôm tơdrong Ih bơtho akhan.

II Pot 19:12

Lu yang kơ lu adrĕch adrung nai mă lu 'bok kơdră inh hlôi pơrăm bơih, noh yang char Gôsan, pơlei Haran, Rêtsep, păng lu bơngai Êđen oei tơ Pơlei Têl Asar, sư gơh dŏng pơklaih lu sư mơ̆n hă?

II Pot 6:23

Na sư hơmet ăn kơ lu đe noh et sa tih; lăp lu sư et sa đang bơih, sư achăng lu đe ei brŏk, na lu sư brŏk tơ yŏng lu sư. Iŏk đơ̆ng noh khŭl linh Aram ưh pă pơ̆n mơ̆t blah dêh char Isơrael dơ̆ng.

I Ho 29:11

Ơ Kră Yang Ih bơih, tih hloh mơsêh mơyang pran kơtang trŏ kơ hơri ư-ang, krưp rang mơnhal. Ơ Kră Yang đĭ-đăng kơpal plĕnh ala teh gah Ih ngăl. Dêh char pơtao gah Ih păng Ih boih yŏng kơ đĭ-đăng.

Horiso 100:3

Athei băt Kră Yang jơ̆ 'Bok Kei-Dei, Sư boih Tơ'ngla pơjing bơ̆n, lu bơ̆n jing tơmam Sư. Lu bơ̆n kon pơlei pơla Sư, jơ̆ kon triu lăm tơmăn 'nhĕt Sư

Horiso 21:13

Ơ Kră Yang, anăn Ih ư-ang lăm pran kơtang Ih! Lu nhôn gô hơri bơnê kơkuh tơdrong mơsêh Ih.

Horiso 37:15

Đao lu sư gô 'bet jơhngơ̆m lu sư kơdih, Păng hră lu sư gô tơgơ̆.

Horiso 57:5

Ơ Kră Yang 'Bok Kei-Dei, ăn kơ anăn Ih kơkuh pơyom hloh kơ plĕnh. Ăn tơdrong ư-ang tơ jơ̆p kơpal kơ teh!

Horiso 83:18

Wă kơ lu sư băt, lăp minh 'nu Ih đĕch, anăn Kră Yang; Kră Yang Tih Hloh pơgơ̆r kơpal teh âu.

Le 18:11

Dang ei inh băt boih Kră Yang tih hloh kơ đĭ-đăng yang, yua kơ Sư pơklaih lu iĕm đơ̆ng ti lu bơngai Êyiptơ mă pơm kơ lu iĕm kơnê̆ dêh.

Êsai 2:11

Măt kon bơngai 'maih lăng pơrŏ gô mơlâu, tơdrong pơang kon bơngai gô tơhuŏng lê̆ tơ ala, lăm năr 'noh lăp minh 'nu Kră Yang đĕch bơ̆n ư-ang.

Êsai 2:17

Lu bơngai pơang gô tơjur lê̆ tơ ala păng tơdrong kon bơngai pơrŏ kơdih akâu gô mơlâu, lăm năr 'noh kơnh pôm Kră Yang đĕch trŏ kơ bơ̆n ư-ang.

Êsai 2:4

Kră Yang gô sek tơlang sơlam tŏk-bŏk kơ đĭ-đăng teh đak păng sek ăn kơ lơ adrĕch adrung bơngai, lu sư gô iŏk đao hơjơ̆m pơm pla 'nhik iŏk tơju hơlă lu sư pơm săng kô. Teh đak âu ưh pă đei tơblah păng teh đak to dơ̆ng bơih, ưh pă đei pơhrăm wă tơblah dơ̆ng.

Êsai 5:16

Mă-lei Kră Yang Tih Hloh, gô pôk hơtŏk tơ kơpal hloh hăm tơdrong sek tơlang tơpăt hơnơ̆ng, păng Kră Yang 'Bok Kei-Dei 'lơ̆ng Rơgoh gô pơdah Sư 'lơ̆ng rơgoh lăm tơdrong 'lơ̆ng tơpăt.

Je 49:35

Kră Yang Tih Hloh khan: “'Nâu, Inh gô gơ̆ lê̆ hră char Êlam, 'Nâu boih mă tơdrong pran kơtang tơm lu sư.

Êsêkiên 30:8

Na lu sư gô băt Inh boih Kră Yang, kơplah Inh ăn ŭnh sa tơ char Êyiptơ păng lu bơngai mă tơgŭm lu sư kư̆m pơchah răm.

Êsêkiên 38:23

Na Inh gô pơm pơdah tơdrong krưp 'lơ̆ng rŏ Inh hăm 'lơ̆ng rơgoh Inh kơ lơ adrĕch adrung kon bơngai păng lu sư gô băt Inh boih Kră Yang.

Êsêkiên 39:3

Inh gô gơ̆ lê̆ hră đơ̆ng ti 'ngiĕo ih păng tơhuŏng lê̆ 'brơ̆m đơ̆ng ti gah 'ma ih.

Mi 4:3

Sư gô pơjing tơdrong sek tơlang tơ rim adrĕch adrung, sek tơbăt tơpăt kơ dôm lu dêh char pran kơtang oei tơ anih ataih; păng lu sư gô iŏk đao hơjơ̆m pơm pla 'nhik choh, iŏk hơlă pơm pla săng kô; dêh âu pă đei iung blah dêh nai păng kư̆m pă đei pơhrăm tơdrong wă tơblah dơ̆ng.

Habakuk 2:20

Mă-lei Kră Yang oei tơ lăm hnam 'lơ̆ng rơgoh Sư, 'bơ̆t anăp Sư, jơ̆p kơ lăm teh gô ngăn hreh.”

Sa 2:13

Dôm lu kon bơngai sĕch akar ngăn bĕ 'bơ̆t anăp Kră Yang; yua kơ Sư iung hơđơ̆r boih đơ̆ng anih 'lơ̆ng rơgoh Sư.”

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Jôsuê 11:9

Jôsuê blah lu sư pơm kiơ̆ kơ nơ̆r Kră Yang đei pơkă kơ sư, koh huan jon aseh păng soh gre aseh lu sư.

I Sam 17:46

Năr 'nâu Kră Yang gô pơjao ih lăm tơpang ti inh, inh gô pơlôch ih, kăt kơ̆l ih păng bơngai Philistin lôch ăn kơ sem păr păng lu sem bri sa sĕch lu linh bơngai Philistin. Jơ̆p-jang kơ teh đak gô băt kơ bơngai Isơrael đei Kră Yang 'Bok Kei-Dei;

I Sam 2:4

Hră lu bơngai kơtang tơgơ̆ bơih, mă-lei lu bơngai tơrăn oei đei jơhngơ̆m pran kơtang.