Horiso 45:17 - Sơ̆p Hlabơar Nơ̆r 'Bok Kei-Dei

¹⁷ Inh gô tơ'blŏk kơ anăn Ih, kơ rim chăl. Yua kơ thoi noh lu kon pơlei pơla gô bơnê kơ Ih ling-lang ưh kơ tôch.

Horiso 45:17 ပူးပေါင်းရင်းမြစ်များ

Horiso 138:4

Ơ Kră Yang, ăn đĭ kơ lu pơtao lăm teh đak kơkuh bơnê kơ Ih. Mưh lu sư kơtơ̆ng nơ̆r đơ̆ng 'bơ̆r Ih.

Hơri Hiôk 6:9

Sem kơtơp inh bơngai guăng tôm tĕch, Minh 'nu sư đĕch. Kon pôm mĕ sư kơeng. Ưh kơ đei pơm kơnê̆ kiơ ôh hăm mĕ sư bơngai mă tơpŭ kơ sư. Lu adruh 'bôh sư krao sư bơngai đei pŭn hiôk; Dĭng mah akăn tơm păng akăn kơnhŏng pơtao pơư kơ sư ngăl.

Êsai 59:21

Kră Yang khan: “Gah Inh 'nâu, noh boih tơdrong Inh pơgơ̆p hăm lu sư. Yang bơhngol Inh oei tơ lăm iĕm păng lu nơ̆r Inh tah bơih lăm 'bơ̆r iĕm, gô ưh kơ weh đơ̆ng 'bơ̆r iĕm păng 'bơ̆r adrĕch adrung kon sâu iĕm đơ̆ng dang ei ling-lang truh kơ ning-mônh,” Kră Yang khan thoi noh.

Êsai 61:9

Adrĕch adrung lu sư đe gô ư-hơ-nhang ang-hơ-nhăk lăm rim kơ teh đak. Anăn kon sâu lu sư đe gô ang lăm lu kon pơlei, bơngai bu 'bôh gô băt kơ lu sư jơ̆ minh adrĕch adrung đơ̆ng Kră Yang tuh ăn tơdrong pŭn hiôk.

Êsai 62:3

Ih jing môk pơtao 'lơ̆ng rŏ lăm tơpang ti Kră Yang, pơm môk pơtao lăm tơpang ti Kră Yang 'Bok Kei-Dei ih.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Mathiơ 26:13

Inh khan kơ iĕm tơpă, jơ̆p-jang kơ teh đak, lu bơngai bơtho tơdrong 'nao 'lơ̆ng, lu sư gô roi tơdrong duch noh pơm kơ Inh, wă kơ đe ư-ang kơ tơdrong sư pơm.”

I Kor 11:26

Na đơ̆ng sơ̆ truh năr Sư jur ning-mônh rim wơ̆t bơ̆n huch sa đak păng 'bĕng 'noh, wă khan bơ̆n pơm tơ'bôh kơ đe tơdrong Sư lôch tang bơ̆n.