Horiso 45:12 - Sơ̆p Hlabơar Nơ̆r 'Bok Kei-Dei

¹² Kon adruhh Tir gô năm ba ăn tơmam, Păng lu bơngai mơdrŏng hloh lăm kon pơlei gô năm apinh tơdrong mơnat ih.

Horiso 45:12 ပူးပေါင်းရင်းမြစ်များ

Horiso 22:29

Đĭ kơ lu bơngai mơdrŏng tih lăm teh đak kư̆m gô sŏng sa păng kơkuh; Đĭ-đăng lu bơngai brŏk tơ 'mui teh, gô drap kơkuh 'bơ̆t anăp Sư Păng dôm lu bơngai mă ưh kơ gơh bơwei tơdrong arih sư,

Horiso 68:29

Yua kơ Hnam akŭm Ih tơ pơlei Jêrusalem. Lu pơtao gô pơyơ̆r Tơmam Soi kơ Ih.

Horiso 72:10

Lu pơtao Tarêsi păng lu bŏl đak dơsĭ gô ăn thuê̆ kơ sư. Pơtao Seba păng Seba gô pơyơ̆r ăn kơ sư.

Hơri Hiôk 2:14

Ơ sem kơtơp inh, tơ sơlam tơmo, Păng lăm hơgơp kông. Tơ'bôh bĕ kơ inh muh măt ih. Asong bĕ inh mơ̆ng nơ̆r ih, Yua kơ nơ̆r pơma ih hơbôn rơngơp. Muh măt ih 'lơ̆ng hơiă.

Hơri Hiôk 7:11

Năm tơ âu bĕ, ơ bơngai inh hơyuh, bĕ ba năm tơ mir. Păng 'bĭch hloi kơmăng tơ pơlei iĕ;

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Mathiơ 2:11

Lu sư mơ̆t lăm hnam na 'bôh hloi kon nge 'noh hăm mĕ Sư Mari. Lu sư sơtơ̆p kŭl-tăng kơkuh kơ Yêsu păng iŏk 'bar anăn pơgang 'bâu phu hăm maih đơ̆ng lăm kơdŭng lu sư pơyơ̆r kơ Yêsu.