Horiso 44:7 - Sơ̆p Hlabơar Nơ̆r 'Bok Kei-Dei

⁷ Mă-lei Ih pơklaih lu nhôn boih đơ̆ng lu bơngai areh kơ nhôn, Pơm ăn kơ lu ayăt kơ nhôn mơlâu,

Horiso 44:7 ပူးပေါင်းရင်းမြစ်များ

II Sam 7:10

Inh gô ăn kơ kon pơlei Isơrael Inh minh anih oei, Inh gô ăn kơ sư chăt rơh lăm anih noh, ăn kơ lu sư oei kơjăp tơ anih noh, huay pă đei hli kơ kiơ dơ̆ng, păng lu bơngai kơnê̆ ưh pă gơh pơjuă pơđep thoi sơ̆ dơ̆ng.

Horiso 132:18

Inh gô pơhrŭk ăn tơdrong mơlâu kơ lu bơngai ayăt kơ sư. Gah môk pơtao tơ kơpal kơ̆l Sư gô rang hơdah.”

Horiso 136:24

Dŏng pơklaih lu nhôn đơ̆ng lu ayăt kơ bơ̆n. Tơdrong 'mêm Sư oei oei ling-lang.

Horiso 140:7

Ơ Kră Yang inh, pran kơtang dŏng pơklaih inh, Kră Yang gom pĕng kơ̆l inh lăm năr tơblah.

Horiso 144:10

Ih ăn tơdrong jei kơ lu pơtao; Pơklaih Đawit đĭch đam Ih đơ̆ng tak đao gưm.

Horiso 40:14

Dôm lu bơngai mă wă pơlôch tơdrong arih inh. Ăn kơ lu sư kơdơ̆ mơlâu păng rŭng răng đĭ-đăng bĕ. Dôm kơ lu bơngai mă wă kơ pơrăm inh Ăn kơ lu sư kơdŭn tơ rŏng mơlâu rŭng răng,

Horiso 53:5

To lu sư hli tơrơ. Mă tơ anih noh ưh kơ đei kiơ hli ră. Yua kơ Kră Yang 'Bok Kei-Dei hŭt lê̆ kơting bơngai blah ih. Ih pơm kơ lu sư mơlâu, yua kơ Kră Yang Kră Yang 'Bok Kei-Dei achăng lê̆ lu sư boih.

Hôsia 1:7

Mă-lei Inh gô 'mêm mơnat kơ adrĕch Juđa; Inh Kră Yang 'Bok Kei-Dei lu sư gô dŏng pơklaih lu sư, Inh ưh kơ pơklaih lu sư hăm hră dah hăm đao gưm ôh; dah tơdrong tơblah, hăm aseh, dah hăm bơngai hao aseh ôh.

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

Jôsuê 10:42

Lăm minh kơchon noh Jôsuê blah rôp lu pơtao păng blah iŏk pơlei tơring char 'nâu, yua kơ Kră Yang 'Bok Kei-Dei Isơrael, tơblah ăn kơ Isơrael.

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.

I Sam 17:47

Đĭ lu bơngai tơ âu gô 'bôh Kră Yang ưh kơ dŏng pơklaih păng đao dah păng tơju yua kơ Kră Yang jơ̆ yŏng kơ tơblah păng Sư gô jao lu iĕm lăm tơpang ti lu nhôn.