Horiso 44:18 - Sơ̆p Hlabơar Nơ̆r 'Bok Kei-Dei

¹⁸ Jơhngơ̆m lu nhôn ưh kơdŭn, jơ̆ng lu nhôn yak ưh kơ đei cheng oei kiơ̆ trong Ih.

Horiso 44:18 ပူးပေါင်းရင်းမြစ်များ

I Pot 15:5

yua kơ Đawit đei pơm bơih 'lơ̆ng tơpăt 'bơ̆t anăp Kră Yang, sư pơm kiơ̆ tôm tơdrong mă Kră Yang tơtă kơ sư lăm đĭ chăl arih sư, lăp minh tơdrong pơm glăi hăm Uri bơngai Hêtit đĕch.

Jop 34:27

Yua kơ lu sư weh achăng lê̆ Kră Yang, Ưh kơ wă lăng ôh trong gơlong Kră Yang.

Horiso 119:157

Lu bơngai ayăt areh păng pơjuă pơđep inh lơ tơpă; Mă-lei inh ưh kơ đei achăng lê̆ nơ̆r Ih bơtho tơtă.

Horiso 119:51

Lu bơngai pơang, blei hiap inh lơ dêh. Mă-lei inh ưh kơ achăng lê̆ khôi juăt Ih.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 78:57

Lu sư plơ̆ pơm kơnê̆ thoi 'bok yă lu sư sơ̆. Lu sư weh thoi 'brơ̆m hră đŏng.

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Luka 17:32

Iĕm hăm 'blŏk kơ akăn Lot lôch kơ kiơ sơ̆?

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

I Tes 2:10

Hơtai ki iĕm kư̆m 'bôh dôm tơdrong nhôn pơm 'lơ̆ng tơpăt kơ lu iĕm bơngai lui kơ Yêsu. Nhôn ưh kơ pơm kơnê̆ ôh. 'Bok Kei-Dei Sư kư̆m 'bôh thoi noh mơ̆n.