Horiso 42:4 - Sơ̆p Hlabơar Nơ̆r 'Bok Kei-Dei

⁴ Âu inh 'blŏk kơ tơdrong âu, năr bơhngol inh sơ'ngon. Sơ̆ inh năm hăm tơpôl lơ, ba lu sư truh tơ hnam Kră Yang 'Bok Kei-Dei, Đei nơ̆r jreo chơt păng kơkuh bơnê minh tơpôl lơlap pơm giĕng.

Horiso 42:4 ပူးပေါင်းရင်းမြစ်များ

II Pot 18:30

Kŭm 'nĕ ăn kơ sư pơtrŭt lu iĕm lui gơnang kơ Kră Yang khan: Kră Yang gơh pơklaih bơ̆n păng pơlei âu ưh kơ huŏng lăm ti lu đe Asiri ôh.”

II Pot 18:32

dĭng truh tơ inh chông ba iĕm tơ minh pôm dêh char lei-lăi thoi dêh char iĕm, noh dêh char mă đei phe 'ba, đak hơmu, 'bĕng păng pơgar hơmu, minh pôm dêh char đei đak ôliwơ păng đak sut. Thoi noh na iĕm gô arih, huay kơ lôch ôh. “Lei na iĕm 'nĕ kơ mơ̆ng Hesekia, yua kơ sư hơlĕnh kơ lu iĕm 'bơ̆t mă sư pơma khan: Kră Yang gô dŏng pơklaih bơ̆n.

II Ho 7:10

Năr 'bar-jĭt pêng khei tơpơh, sư ăn kơ kon pơlei wih brŏk tơ anih kơdih, jơhngơ̆m lu sư chơt hiôk păng 'nă hal, yua kơ Kră Yang đei ăn boih tơdrong 'lơ̆ng kơ Đawit, kơ Sôlômôn păng ăn kơ kon pơlei pơla Isơrael Sư.

Jop 29:2

Ôi hơpơi rŏ kơ inh gơh arih dơ̆ng thoi lĕ khei 'năr ki sơ̆, 'Bơ̆t mă Kră Yang 'Bok Kei-Dei oei wei-lăng inh;

Horiso 100:4

Athei bơnê na mơ̆t lăm 'măng jang Sư, bơnê ư-ang bĕ na mơ̆t lăm cham Sư. Bơnê bĕ kơ Sư păng hơri ư-ang kơ anăn Sư.

Horiso 102:10

Yua kơ Ih hil mĭl dêh hiŏng klơ̆m lê̆ inh tơ ataih.

Horiso 115:2

Yua kơ kiơ lu bơngai tơmoi pơ̆n khan: “Tơ yơ Kră Yang 'Bok Kei-Dei lu sư?”

Horiso 122:1

Inh hiôk dêh mưh đe khan kơ inh thoi âu: “Bĕ bơ̆n năm tơ hnam Kră Yang.”

Horiso 122:8

Yua kơ lu 'nhŏng oh păng bôl buăl inh. Inh khan: “Ăn tơdrong hiôk-hian tơ lăm ih.”

Horiso 55:14

Lu nhôn đei pơđâu băl 'lơ̆ng tơpă; lu nhôn năm hơdai tơpôl lơ truh tơ hnam Kră Yang 'Bok Kei-Dei.

Horiso 62:8

Ơ kon pơlei, gơnang bĕ đĭ kơ Sư, ling-lang. Tuh bĕ jơhngơ̆m ih kơ Sư Kră Yang 'Bok Kei-Dei Sư boih mă anih bơ̆n kơ'nơp. Sêla

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Horiso 80:6

Ih pơm ăn kơ lu bơngai jih 'ma pơjah tơgar kơ lu nhôn; Păng lu ayăt kơ nhôn lu sư hiĕk pơjăm lu nhôn.

Êsai 30:29

Lu iĕm gô hơri thoi lăm măng iĕm pơm giĕng 'lơ̆ng rơgoh, jơhngơ̆m lu iĕm gô chơt hiôk thoi bơngai hlôm 'lal tŏk tơ kông Kră Yang, truh tơ Tơmo Tih đe Isơrael.

Nhom 2:19

Iung ôr krao bĕ kơmăng, thoi đe pơtơm gak kơmăng. Tuh bĕ jơhngơ̆m iĕm thoi đak 'bơ̆t anăp Kră Yang. Yơ̆r bĕ ti gah Kră Yang yua kơ tơdrong arih lu kon hơ'lơ̆p iĕm, lu sư lôch hơngơ̆t yua kơ pơngot tơ mum kơ̆l trong tih.

Nhom 4:1

Ô! Maih hiong boih rang sư, maih se tơplih boih. Tơmo tơ anih rơgoh pơchah đĭ tơ âu tơ to tơ rim mum trong pơlei tih!

Êsêkiên 46:10

Yŏng pơgơ̆r oei hơdai hăm lu kon pơlei. Tơdah lu kon pơlei mơ̆t sư kư̆m mơ̆t. Tơdah lu kon pơlei lĕch sư kư̆m lĕch hơdai.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Luka 16:25

“Mă-lei Abraham khan kơ sư: ‘Ơ dăm, ih athei 'blŏk mơ̆n kơplah ih oei arih tơ ala teh sơ̆ ih jơnap tơpă, đei tơmam lơ tơpă. Mă-lei Lasarơ ưh kơ đei kiơ păng jĭ ling-lang tăm. Dang ei sư oei tơ âu hiôk dêh, mă-lei ih oei lăm dơnâu ŭnh tŏ hang ling-lang.

Both 16:11

Hơdai hăm kon drŏ-nglo, kon drŏ-kăn, đĭch drŏ-nglo đĭch drŏ-kăn, lu bơngai Lêwi mă oei hơdai lăm pơlei iĕm, bơngai tơmoi, bơngai mơti păng bơngai adro mă oei hơdai hăm iĕm, kư̆m hơdai wang hiôk chơt tơ anih mă Kră Yang 'Bok Kei-Dei gô rơih wă 'măn kơ Anăn Sư.

Ru 1:21

Inh weh đơ̆ng âu sơ̆ inh đei tơm tơdrong, mă-lei inh brŏk âu brŏk tơpang ti hoh. Kră Yang tuh ăn kơ inh tơdrong gleh glăn păng Tơ'ngla mơsêh mơyang pơm kơ inh pơmat-tat.