Horiso 41:9 - Sơ̆p Hlabơar Nơ̆r 'Bok Kei-Dei

⁹ Truh tơ buăl inh juăt, d Mă inh gơnang bơngai mă sa boih 'bĕng inh, Kŭm hiŏng kơnơl wă 'lơ̆r inh.

Horiso 41:9 ပူးပေါင်းရင်းမြစ်များ

II Sam 15:12

Kơplah Apsalôm wă pơyơ̆r tơmam soi, wơh đe năm krao Ahithôphel sư bơngai hơgei tơgŭm chă pơđâu kơ Đawit oei tơ pơlei Gilô, pơlei sư hơdai. Lu bơngai chă đon pơm plơ̆ rai pran, păng khŭl kon pơlei năm kiơ̆ Apsalôm rai đunh rai lơ.

Jop 19:13

Sư pơm lê̆ kơ lu 'nhŏng oh inh weh ataih đơ̆ng inh, lu bơngai juăt kơ inh jing tơmoi nai.

Jop 19:19

Đĭ-đăng lu buăl inh juăt dêh 'brơ̆ kơ inh; Lu bơngai mă inh 'mêm kư̆m pơm plơ̆ kơ inh mơ̆n.

Horiso 101:3

Inh ưh kơ ăn minh tơdrong kiơ kơnê̆ 'bơ̆t muh măt inh. Inh areh kơ tơdrong jang lu bơngai achăng lê̆ Ih: Tơdrong noh ưh kơ 'bơm tơ inh.

Je 20:10

Inh kơtơ̆ng đei nơ̆r đơ̆ng lơ bơngai pơma mơmơnh, “Tơdrong tơhli tăp tang. Roi tơbăt bĕ lu bơ̆n athei roi tơbăt tơdrong glăi sư!” Đĭ-đăng buăl juăt inh chang rŏ kơ inh jah pơ̆k huŏng, na khan: “Rŏ lăng đe gô pơhlŭ sư, lu bơ̆n gơh pơm kơ sư, na gô jei bơ̆n.

Ob 1:7

Khŭl đe pôm đon hăm ih pơpuh boih ih dĭng truh tơ anih tôch. Dôm lu bơngai lăp đon hăm ih, na hơlĕnh kơ ih, jei lu sư, gah lu bơngai sa 'bĕng ih; hơ'năk hơđong ala ih, na ih ưh kơ băt hloi.

Mi 7:5

'Nĕ kơ lui kơ bơngai jê̆ iĕm păng kư̆m 'nĕ gan lui gơnang kơ buăl juăt iĕm; athei kơchăng tơdrong ih wă pơma hăm bơngai drŏ-kăn 'bơ̆t kơtơh ih.

Mathiơ 26:23

Yêsu khan: “Bơngai mă chơ̆m sa 'bĕng mi tơ pơnhan đak 'nhot hơdai păng Inh, bơngai noh boih wă plơ̆ plĕch Inh.

Yo 13:18

“Inh pơma tơdrong noh, ưh kơ pơma tôm kơ lu iĕm ôh, yua kơ Inh băt lê̆ hơdrol boih dôm lu bơngai mă Inh rơih. Na lăm sơ̆p hla bơar 'Bok Kei-Dei khan: ‘Đei minh 'nu bơngai sŏng sa hơdai păng Inh, sư wă plơ̆ plĕch kơ Inh.’ Yua kơ chih lê̆ hơdrol sơ̆ lăm sơ̆p hla bơar 'Bok Kei-Dei, na dang ei bơ̆n gô 'bôh tơpă.

Both 32:15

Jêsurunb wă rai bek mơdrŏng pran, wă iŏk jơ̆ng đă plơ̆ akâu sư bek lơluĭnh boih na lu sư achăng lê̆ Kră Yang 'Bok Kei-Dei Tơ'ngla mă pơjing lu sư, păng pơjăm lê̆ Tơmo Tih mă dŏng pơklaih.