Horiso 40:6 - Sơ̆p Hlabơar Nơ̆r 'Bok Kei-Dei

⁶ Ih ưh kơ wă ôh tơmam soi pơyơ̆r dah tơmam soi 'buh. Ih pơih đon inh boih. Ih ưh pă wă tơmam soh 'buh dah tơmam soi huai yoch.

Horiso 40:6 ပူးပေါင်းရင်းမြစ်များ

Jop 33:16

Kră Yang pơih đon wă kơ lu sư mơ̆ng. Pơsĭt nơ̆r chrih bơtho tơhli lu sư wă kơchăng.

Jop 5:9

Sư pơm dôm tơdrong tih-tin, ưh kơ đei bu hlôh, Tơdrong hlĭch chrơp ưh pă kĕ jô̆.

Horiso 139:17

Ơ Kră Yang 'Bok Kei-Dei, dôm tơdrong tơchĕng Ih gĭt kăl dêh kơ inh. Jô̆ lu sư lơ dêh tơpă

Horiso 139:18

Tơdah inh jô̆ dôm tơdrong tơchĕng noh lơ hloh kơ găr chuơh. Wă inh hơđơ̆r inh oei oei hăm Ih.

Horiso 50:8

Inh ưh kơ chrih ôh tơmam soi ih pơyơ̆r wă khan tơmam soi 'buh ih juăt pơyơ̆r 'bơ̆t anăp Inh.

Horiso 51:16

Yua kơ Ih ưh kơ wă tơmam soi ră mă-lei inh pơyơ̆r boih. Lu tơmam soi 'buh Ih kư̆m ưh kơ lăp đon.

Horiso 71:15

Rim năr 'bơ̆r inh gô ră roi tơdrong tơpăt păng tơdrong Ih dŏng pơklaih. Mă inh ưh kơ băt jô̆ lơ dôm yơ.

Le 21:6

lei yŏng tơ'ngla sư gô chông ba sư năm 'bơ̆t anăp 'bok sek tơlang đơ̆ng Kră Yang 'Bok Kei-Dei, na athei sư năm jê̆ tơ 'măng dah năm jê̆ jrăng 'măng, đơ̆ng noh tơ'ngla sư athei iŏk kơnho tôt đon sư; na sư gô bơ̆jang kơ tơ'ngla sư dĭng đĭ chăl arih.

Êsai 1:11

Kră Yang khan: “Hơdôm yơ tơmam mă iĕm soi sơmah hăm yua kiơ kơ Inh? Inh bơ̆l bơih dôm tơmam soi 'buh păng triu tơno hăm rơmă lu kon sem dơrong bek. Inh ưh kơ lăp đon ôh kơ pham rơmo tơno, triu kon păng bơbe tơno.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Hôsia 6:6

Inh wă kơ iĕm 'mêm mă sĭt, hloh kơ wă iĕm pơyơ̆r tơmam soi. Wă kơ iĕm băt kơ Kră Yang 'Bok Kei-Dei hloh, kơ wă ôh iĕm pơyơ̆r tơmam soi 'buh.

Am 5:22

Mă khan iĕm pơyơ̆r kơ inh dôm tơmam soi phe 'ba, dah tơmam soi 'buh, inh ưh kơ iŏk ôh; Inh ưh kơ wă lăng ôh dôm lu tơmam soi bơnê hăm rơmo bek đơ̆ng lu iĕm.

Mathiơ 12:7

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl 'noh kăl hloh kơ tơdrong iĕm soi sơmah kơ Inh.’ ” Yêsu khan dơ̆ng: “Dah iĕm hlôh tơdrong noh, lei iĕm ưh kơ đei jô̆ kơ lu bơngai 'lơ̆ng pơm yoch ôh.

Mathiơ 9:13

Lăm sơ̆p hla bơar 'Bok Kei-Dei khan sơ̆ thoi âu: ‘Tơdrong iĕm soi sơmah kơ Inh ưh kơ kăl ôh, Inh wă kơ iĕm 'mêm mơnat dih băl, noh kăl hloh kơ tơdrong iĕm soi sơmah kơ Inh.’ Na iĕm tơchĕng lăng tơdrong 'noh bĕ, wă kơ iĕm băt 'mêm mơnat kơ đĭ-đăng bơngai. Inh jur tơ âu ưh kơ sĭ chă wơ̆n lu bơngai 'lơ̆ng ôh. Inh năm tơ âu wă wơ̆n chă lu bơngai yoch wă kơ sư tơbral kơdih tơdrong yoch sư.”

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.