Horiso 40:17 - Sơ̆p Hlabơar Nơ̆r 'Bok Kei-Dei

¹⁷ Gah inh jing dơnuh păng pơmat-tat. Apinh, Kră Yang 'blŏk kơ inh. Ih jơ̆ Kră Yang tơgŭm dŏng inh, Păng Kră Yang pơklaih inh. Ơ Kră Yang 'Bok Kei-Dei apinh Ih 'nĕ pă hiơ̆.

Horiso 40:17 ပူးပေါင်းရင်းမြစ်များ

Horiso 109:22

Yua kơ inh pơmat-tat păng dơnuh hin, Na jơhngơ̆m inh jing jĭ jăn

Horiso 34:4

Inh krao apinh boih Kră Yang, Sư tơl boih nơ̆r inh. Sư pơklaih inh đơ̆ng tơdrong hli hlơt.

Horiso 34:6

Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.

Horiso 35:27

Ăn kơ đe bu mă chơt hiôk kơ tơdrong tơpăt inh, gô ôr chơt, hiôk-hian. Ăn kơ lu sư pơư ưh kơ pơdơh, “Kră Yang tih hloh tơpă! Sư hiôk tơpă ăn kơ lu đĭch đam Sư đei tơdrong hiôk-hian.”

Horiso 40:5

Ơ Kră Yang, 'Bok Kei-Dei inh, tơdrong jang hlĭch chrơp Ih đei pơm boih, Păng lu tơdrong Ih tơchĕng kơ lu nhôn. Ưh kơ gơh pơting bu hăm Ih.b Tơdah inh wă ră roi dah tơbăt. Tơpă lơlap dêh ưh kơ kĕ kơ jô̆,

Horiso 54:4

'Nâu, Kră Yang 'Bok Kei-Dei boih tơgŭm dŏng inh; Kră Yang boih Tơ'ngla wei bơhngol inh.

Horiso 69:33

Yua kơ Kră Yang mơ̆ng lu bơngai dơnuh hin. Ưh kơ đei areh ôh kơ lu bơngai mă đe pơm bơnă.

Horiso 70:5

Gah inh tơnat pat, Kră Yang 'Bok Kei-Dei! Mă kuăng bĕ năm tơ inh. Ih boih Tơ'ngla dŏng tơgŭm inh păng pơklaih inh; Ơ Kră Yang 'nĕ kơ pơhiơ̆.

Horiso 86:1

Ơ Kră Yang, apinh Ih pơgling đon mơ̆ng păng tơl tơwih kơ inh, Yua kơ inh pơmat-tat păng dơnuh hin.

Êsai 25:9

Lăm năr noh kơnh, đe gô khan: “Âu bơih Kră Yang 'Bok Kei-Dei bơ̆n, mă lu bơ̆n đei chang gô Sư dŏng pơklaih bơ̆n. 'Nâu bơih Kră Yang mă lu bơ̆n chang gô Sư. Bĕ lu bơ̆n 'nă hal chơt hiôk kơ tơdrong Sư dŏng pơklaih!”

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Mathiơ 8:20

Yêsu khan kơ sư: “Mơja đei anih tep, sem păr kư̆m đei tơpu. Inh Kon Bơngai ră mă-lei ưh kơ đei anih tep ôh.”

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Hêbrơ 13:6

Thoi noh na bơ̆n athei lui kơ tơdrong Sư khan noh, bơ̆n athei khan kơdih thoi âu: “Inh đei Kră Yang tơgŭm inh, inh ưh kơ hli kơ đe ôh, ưh kơ đei bu kĕ pơm kơ inh.”

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.

I Pet 2:23

Đe pơma kơnê̆ kơ Sư, Sư ưh kơ pơma kơnê̆ kơ đe; đe pơm pơmat Sư, mă-lei Sư ưh kơ pơma tơwih kơ đe. Sư gô mơ̆ng kơ 'Bok Kei-Dei đĕch, yua kơ Sư băt kơ 'Bok Kei-Dei sek tơlang tơpăt.

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.

Tơdrông Tơ'bôh 22:20

'Bok mă pơm kơdranh kơ dôm tơdrong âu Sư khan: “Inh wă jê̆ jur tơpă.” Tơpă, ơ Kră Yang Yêsu, dah jur bĕ.