Horiso 39:6 - Sơ̆p Hlabơar Nơ̆r 'Bok Kei-Dei

⁶ Tơpă rim 'nu yak năm, thoi lĕ kơ yơ̆p. Sư bơ̆jang gleh lap, tơdrong kơ đei. Bơngai mă mong mŭk tơmam, mă-lei ưh kơ băt bu wă iŏk yua.

Horiso 39:6 ပူးပေါင်းရင်းမြစ်များ

Jop 14:1

Kon bơngai đơ̆ng bơngai drŏ-kăn rơneh, arih 'nao tŏ sĕt năr đĕch ră, mă-lei 'bĕnh kơ tơdrong pơmat-tat.

Jop 7:16

Inh đĭ hăl bơih tơdrong arih inh; Inh đĭ ưh pă 'maih arih bơih. Apinh ih 'nĕ pă hiơ̆k kơ inh, yua kơ chăl arih âu thoi minh hơyuh kial dui jơhngơ̆m đĕch.”

Jop 7:7

Apinh Kră Yang 'Bok Kei-Dei 'blŏk chăl arih inh thoi minh hơyuh kial dui jơhngơ̆m; Măt inh ưh pă đei 'bôh tơdrong pŭn hiôk bơih.

Horiso 127:2

Ưh kơ đei yua ôh kơ lu iĕm iung đơ̆ng hrôih, năm tep măng, Đơ̆ng gleh hrat chă tơmam sa. Kră Yang kư̆m ăn kơ lu bơngai mă Sư 'mêm kơeng đei pơdơh tep.

Horiso 144:4

Kon bơngai thoi hơyuh dui jơhngơ̆m. Chăl kon bơngai thoi yơ̆p đông.

Horiso 89:48

Bu gơh arih hloi mă ưh kơ đei lôch? Bu gơh dŏng pơklaih bơhngol sư kơdih dơ̆ng dêh atâu pơgơ̆r.

Tơdrông Pơđơk 13:22

Bơngai 'lơ̆ng mong tơmam ăn kơ lu kon sâu sư. Mă-lei bơngai kơnê̆ lê̆ tơmam sư kơ lu bơngai tơpăt.

Tơdrông Pơđơk 23:5

Măt ih nŏng kơ lăng 'bloh tơ mơdrŏng hă? Ưh pă đei boih! Yua kơ sư đĭ chăt pơnăr păr tŏk tơ plĕnh thoi sem kring.

Tơdrông Pơđơk 27:24

Tơdrong mơdrŏng ưh kơ đei oei ling-lang ôh, Mă jing pơtao kư̆m ưh kơ ling-lang mơ̆n.

Bôk Bơthô 1:14

Inh 'bôh boih dôm tơdrong đei jang tơ ala teh âu; đĭ-đăng tơdrong kơ đei ngăl, mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 11:10

Thoi noh, puh tơweh bĕ dôm tơdrong sơ'ngon đơ̆ng lăm jơhngơ̆m păng hiơt bĕ lu tơdrong chhŭr nuih jĭ jăn lăm akâu, yua kơ chăl hơmuh hơmŏng păr hiong kiơ̆ kơ khei 'năr ưh kơ đei yua kiơ.

Bôk Bơthô 12:13

Ih đei mơ̆ng boih dôm tơdrong bơtho 'nâu thoi ei: Hli yom bĕ kơ Kră Yang 'Bok Kei-Dei păng wei răk pơm kiơ̆ dôm nơ̆r sư tơtă; yua kơ tơdrong đĭ-đăng kon bơngai athei pơm.

Bôk Bơthô 12:8

'Bok mă bơtho noh khan: Đĭ-đăng tôm tơdrong jơ̆ tơdrong kơđei tơdrong kơđei, tơdrong kơđei, kơ̆l 'ngok kon bơngai ưh kơ đei bu hlôh băt tôm tơdrong đei truh tơ kơpal teh âu.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Bôk Bơthô 2:8

Inh kư̆m mong 'măn hu maih păng dôm tơmam gĭt lu pơtao tơ lăm, lu pơlei tih. Inh kư̆m chă pơlung ăn kơ inh kơdih iŏk bơngai drŏ-nglo drŏ-kăn hơri, hăm tơdrong hiôk bơngai drŏ-nglo, wă iŏk akăn, akăn kơnhŏng lơ.

Bôk Bơthô 5:14

Dah đei tơdrong răm truh, dôm lu mŭk tơmam 'nâu hiong đĭ; sư đei kon hơ'lơ̆p, mă-lei pă đei ăn kơ kon sư kiơ.

Êsai 55:2

Liơ lu iĕm pơhuach jên wă răt tơmam mă ưh kơ trŏ kơ tơmam sŏng sa ôh. Ăn jơhngơ̆m gleh lap tơplih iŏk tơmam ưh kơ phĭ? Adrin mơ̆ng bĕ Inh athei sa tơmam mă 'lơ̆ng. Na jơhngơ̆m lu iĕm hiôk kơ tơmam sa bek 'lơ̆ng.

Luka 12:26

Tơ̆ng iĕm nŏng kơ tơchĕng dang noh ră mă-lei ưh kơ tơgŭm iĕm arih đunh 'biơ̆ hơya minh năr, lei iĕm mah nŏng kơ kiơ kơ tơchĕng gah tơdrong nai dơ̆ng.

Luka 12:29

“Iĕm 'nĕ pă tơchĕng khan: Bơ̆n wă sa kiơ, nhă kiơ? Iĕm 'nĕ kơ mah hăt kơ tơdrong noh.

I Kor 7:31

Lu bơngai hăt kơ tơdrong ala teh âu 'nĕ pă tơchĕng dêh gah tơdrong ala teh âu yua kơ đĭ dôm tơdrong ala teh âu gô hiong hiach hach răm tôch đĕch.

Ya 4:14

Mă-lei iĕm ưh kơ băt kơ năr dơning iĕm thoi yơ, băt kơ iĕm oei arih băt kơ thoi yơ. Tơdrong arih bơ̆n thoi lĕ kơ tŭk, dang ei bơ̆n oei 'bôh sư gom kông, pă 'biơ̆ kơ 'noh ưh pă 'bôh kiơ dơ̆ng.

Ya 5:3

tơmam hu maih iĕm gô đĭ kơ gơsang sa, noh na đe băt kơ iĕm bơngai hưch kơ mŭk tơmam dêh, tơmam iĕm gô hiong đĭ. Gơsang noh kư̆m wă sa akâu iĕm mơ̆n thoi lĕ kơ ŭnh. Iĕm chă mong mŭk tơmam lơ, mă-lei ưh kơ yua kiơ kơlih kơ wă jê̆ truh năr tôch boih.

I Pet 1:24

Tơdrong noh kư̆m thoi đe chih lê̆ tơ lăm sơ̆p hla bơar Sư thoi âu: “Đĭ-đăng kon bơngai thoi lĕ kơ hla 'nhĕt, tơdrong 'lơ̆ng rŏ sư thoi lĕ kơ pơkao 'nhĕt. 'Nhĕt sư jing jô, pơkao sư gô đum hơlŭng,

I Pet 5:7

Bơ̆n athei pơjao kơ Sư dôm tơdrong bơ̆n sơ'ngon jơ̆l hăt phăt-ol, yua kơ Sư wei-lăng bơ̆n.