Horiso 38:20 - Sơ̆p Hlabơar Nơ̆r 'Bok Kei-Dei

²⁰ Lu bơngai 'mong tơdrong kơnê̆, đêl inh pơm 'lơ̆ng. Noh kư̆m jâu inh, yua kơ inh kiơ̆ trong 'lơ̆ng.

Horiso 38:20 ပူးပေါင်းရင်းမြစ်များ

Horiso 142:7

Apinh Ih dui iŏk bơhngol inh đơ̆ng anih phak pơmat. Wă kơ inh bơnê kơ anăn Ih lu bơngai tơpăt gô oei tăp kơ inh. Yua kơ Ih pơm 'lơ̆ng kơ inh.

Horiso 25:19

Lăng bĕ tơ lu ayăt kơ inh, yua kơ lu sư lơ dêh; Lu sư areh kơ inh dêh tơpă.

Horiso 35:12

Lu sư iŏk tơdrong kơnê̆ mong đêl inh pơm 'lơ̆ng Achăng lê̆ bơhngol inh pă đei hơmĕng kiơ.

Horiso 35:19

'Nĕ ăn kơ lu bơngai pơm kơnê̆ kơ inh tơdrong kơ đei chơt hiôk. Kŭm 'nĕ kơ lê̆ lu areh kơ inh, kơ'mreh măt tơdrong kơ đei yua kơ Ih.

Horiso 7:4

Dah inh tơtông iŏk đơ̆ng bơngai mă oei hiôk-hian hăm inh, păng pơm kơnê̆ boih, bu pơm kơnê̆ kơ inh tơdrong ưh kơ đei.

Je 18:20

Đe pơm 'lơ̆ng hăm trŏ apah tơdrong kơnê̆? Lei liơ lu sư sir boih sơlŭng wă tơhuŏng inh. Apinh Ih 'blŏk kơ inh ngăl dơ̆ng 'bơ̆t anăp Ih apinh Ih ăn kơ lu sư tơdrong 'lơ̆ng, apinh Ih 'nĕ pă hil kơ lu sư.

Mathiơ 5:10

“Pŭn dêh lu bơngai mă đe pơmat sư yua kơ sư pơm 'lơ̆ng thoi 'Bok Kei-Dei wă, bơngai noh 'Bok Kei-Dei gô pơgơ̆r sư ling-lang.

Yo 10:32

Na Yêsu khan hloi: “Iĕm 'bôh Inh pơm lơ tơdrong mơsêh 'lơ̆ng ngăl boih. 'Bă Inh ăn kơ Inh pơm dôm tơdrong noh. Na iĕm wă klơ̆m Inh păng tơmo yua kơ Inh pơm dôm tơdrong 'lơ̆ng mă 'Bă Inh ăn kơ Inh pơm noh hă?”

I Pet 3:13

Dah bơ̆n pơm 'lơ̆ng ling-lang, ưh kơ đei bu pơm kơnê̆ kơ bơ̆n ôh.

I Yo 3:12

Bơ̆n ưh kơ gơh pơm thoi Kain ôh. Kain sư kiơ̆ yang Satan, sư pơlôch oh sư pôm mĕ 'bă. Kơlih kơ kiơ Kain pơlôch oh sư? Kơlih kơ sư pơm tơdrong kơnê̆ ling-lang, gah oh sư pơm tơdrong 'lơ̆ng tơpăt.

I Sam 23:12

Đawit apinh dơ̆ng: Lu kon pơlei Kêila gô jao inh păng lu bơngai kiơ̆ inh lăm tơpang ti Sôl hă? Kră Yang tơl: Lu sư gô jao lu iĕm.

I Sam 23:5

Đawit jur năm hăm bơngai kiơ̆ sư truh tơ pơlei Kêila, tơblah hăm kon pơlei bơngai Philistin, pơm ăn kơ lu sư kĕ jei tih, 'noh boih, Đawit dŏng pơklaih kon pơlei Kêila thoi noh.

I Sam 25:16

Lu sư bơwei lu nhôn mă kơ'năr păng kơmăng lu sư nhen thoi dur pĕng lu nhôn, kơplah lu nhôn wei triu jê̆ tơ lăm tơring lu sư.

I Sam 25:21

Đawit đei pơma khan: Tơpă pih pang gleh lap đĕch lu nhôn hlôi bơwei dôm tơmam bơngai 'nâu lăm char glă, sư huay kơ'bah dah hiong minh tơdrong kiơ, mă-lei sư iŏk tơdrong kơnê̆ 'mong tơdrong 'lơ̆ng inh pơm.