Horiso 38:12 - Sơ̆p Hlabơar Nơ̆r 'Bok Kei-Dei

¹² Lu bơngai wă pơlôch inh, lu sư hơ'năk kơ inh hơđong. Lu bơngai chơchă wă pơrăm inh tă kơ pơma kơnê̆, Păng prăt năr chă hơlĕnh pơdăr.

Horiso 38:12 ပူးပေါင်းရင်းမြစ်များ

Jop 19:13

Sư pơm lê̆ kơ lu 'nhŏng oh inh weh ataih đơ̆ng inh, lu bơngai juăt kơ inh jing tơmoi nai.

Horiso 10:9

Sư ôn lăm anih hlơp thoi dăm-brang oei lăm trôm sơlŭng sư, Sư oei răp wă rôp lu bơngai dơnuh răm. Sư răp bơngai dơnuh răm puh lăm hơnhuăl sư, na rôp hloi lu sư.

Horiso 119:110

Lu bơngai pơm kơnê̆ hơ'năk hơđong wă pơrăm inh; Mă-lei inh ưh kơ achăng lê̆ nơ̆r Ih bơtho khan.

Horiso 140:5

Lu bơngai pơang đăk boih hơđong kơ inh dăng tơlei hơnhuăl wă kơ 'leh inh. Lu sư đăk kap rok trong; wă pơrăm inh.

Horiso 141:9

Apinh Ih pơklaih inh đơ̆ng hơđong lu sư mă đăk boih kơ inh păng đơ̆ng kap lu bơngai pơm kơnê̆.

Horiso 31:12

Inh jing bơngai lu sư hiơt, d thoi lôch boih, Inh thoi minh pôm ge pơchah pơchek.

Horiso 35:20

Yua kơ lu sư ưh kơ đei nơ̆r hiôk 'biơ̆ Mă-lei tă kơ pơma hơlĕnh pơdăr. Blah lu bơngai dim iơ̆m lăm teh đak.

Horiso 35:4

Ăn kơ lu bơngai chă pơlôch tơ rŏng arih inh gô mơlâu păng hlơ̆l lĕm. Rŏ kơ pơm ăn kơ lu bơngai chă pơrăm inh kơdŭn tơ rŏng păng mơlâu.

Horiso 41:5

Lu bơngai ayăt kơ inh, hiap inh: “Sư gô lôch layơ? Anăn sư gô hiong layơ?”

Horiso 54:3

Yua kơ bơngai tơmoia blah inh; Bơngai kơnê̆ chă wă pơrăm tơdrong arih inh.b Lu sư ưh kơ tơchĕng kơ Kră Yang 'Bok Kei-Dei ôh, Sêla

Horiso 69:9

Yua kơ tơdrong hưch hanh kơ Hnam Ih dang luăn sa inh. Tơdrong đe hiĕk pơjăm Ih 'bơm boih tơ inh.

Horiso 88:9

Măt inh đĭ hrŏ, yua kơ ơh sơ'ngon pơmat. Ơ Kră Yang, rim năr inh krao apinh Ih, Inh yơ̆r ti apinh Ih.

Tơdrông Pơđơk 19:7

Đĭ-đăng 'nhŏng oh bơngai dơnuh kư̆m areh kơ sư; Pơma kiơ lu buăl juăt đĕch kư̆m achăng lê̆ sư. Sư druh chă wă pơlung, tơ yơ pă 'bôh dơ̆ng lu sư.