Horiso 37:9 - Sơ̆p Hlabơar Nơ̆r 'Bok Kei-Dei

⁹ Yua kơ lu bơngai kơnê̆ gô răm đĭ; Mă-lei gah lu bơngai chang gô Kră Yang gô đei teh jang sa.

Horiso 37:9 ပူးပေါင်းရင်းမြစ်များ

Horiso 25:13

Bơhngol sư gô oei tơ anih hiôk-hian. Păng lu kon sâu sư gô đei teh jang sa

Horiso 37:29

Lu bơngai tơpăt gô đei teh, Păng oei hloi tơ noh ling-lang.

Horiso 55:23

Ơ Kră Yang 'Bok Kei-Dei ih boih gô. Klơ̆m lu bơngai pơm kơnê̆ chă pơhlŭ đe. Lu sư ưh pă đei arih truh minh puăt chăl đêl pơkă. Gah inh gô lui gơnang kơ Ih.

Tơdrông Pơđơk 2:21

Yua kơ lu bơngai tơpăt gô oei tơ lăm teh đak đêl pơkă, păng lu bơngai arih sa 'lơ̆ng gô oei tơ noh ling-lang.

Êsai 57:13

Mưh iĕm krao ôr wă kơ dŏng, gô lê̆ kơ lu rup yang 'noh dŏng pơklaih iĕm. Lăp minh hơyuh kial gô dơhlu pơđông lu rup yang iĕm 'noh. Lăm minh 'măng hơyuh kial tơthu đĕch gô hiong đĭ-đăng, mă-lei bơngai bu kơ'nơp lăm Inh, gô đei yua teh 'nâu păng đei iŏk kông rơgoh Inh.

Êsai 58:14

Kơplah noh iĕm gô đei chơt hiôk lăm Kră Yang, păng Inh gô ăn kơ iĕm tŏk hao lu anih kơjung hloh kơpal teh đak. Inh gô 'me rong iĕm hăm mŭk tơmam Jakôp 'bok iĕm.” 'Bơ̆r Kră Yang pơma thoi noh.

Êsai 60:21

Na đĭ-đăng kon pơlei ih gô jing 'lơ̆ng tơpăt; lu sư gô đei dêh char 'nâu ling-lang; Lu sư bơih bluh tơmơ̆ng đơ̆ng Inh pơtăm, đơ̆ng ti Inh pơm wă kơ Inh đei ư-ang.

Malachi 4:1

“Yua kơ âu, năr truh thoi ŭnh sa khơ̆ng lăm tơnuh đe tơkuh. Dôm lu bơngai pơang, lu bơngai pơm yoch kơnê̆ lu sư nhen thoi hơnong 'ba, 'nhĕt kro;” Kră Yang Tih Hloh khan: “Truh năr ei kơnh, Inh gô soh pơđĭ lu sư, ưh pă lê̆ mă dơng mă rơh.

Jo 26:65

Yua kơ Kră Yang đei khan boih gah lu bơngai noh thoi âu: Lu sư gô lôch lăm char glă ưh kơ đei bu oei arih, lăp bre Kalep kon drŏ-nglo Jêphunê păng Jôsuê kon drŏ-nglo Nun đĕch oei arih.

Both 5:33

Lu iĕm athei yak kiơ̆ đĭ trong mă Kră Yang 'Bok Kei-Dei lu iĕm tơtă, wă kơ lu iĕm gơh đei pŭn hiôk păng oei arih sot lăm dêh mă iĕm gô iŏk.

Hêbrơ 11:16

Mă-lei lu sư ưh ôh, lu sư wă chă minh pôm teh đak hiôk hloh kơ noh dơ̆ng, teh đak ei tơ plĕnh ti. Thoi noh na lu sư krao kơ 'Bok Kei-Dei Kră Yang, 'Bok Kei-Dei lăp đon kơ lu sư, ăn hloi kơ lu sư minh pôm teh đak tơ plĕnh ti wă pơjing pơlei lu sư.

Jôsuê 14:9

Lăm năr ei Môis đei pơkăm pơkă khan: Tơpă teh mă ih đêl ih juă noh jing teh ih hăm kon sâu ih jang sa ling-lang, yua kơ ih chu kiơ̆ Kră Yang 'Bok Kei-Dei inh đĭ jơhngơ̆m.

Tơdrông Tơ'bôh 5:10

Păng Ih ăn kơ kon bơngai jing pơlei pơla 'Bok Kei-Dei wei-lăng păng pơgơ̆r. Ih ăn kon bơngai pơm thoi 'bok soi wă kơ chă pơjing tơdrong jang 'Bok Kei-Dei, păng Ih ăn kơ kon bơngai gơh chă pơgơ̆r tơduă lu sư tơ ala teh.”