Horiso 37:7 - Sơ̆p Hlabơar Nơ̆r 'Bok Kei-Dei

⁷ Oei hreh bĕ 'bơ̆t anăp Kră Yang păng chang gô Sư. 'Nĕ kơ ơh klai yua kơ lu đe đei pŭn hiôk lăm trong lu sư. Dah yua kơ bơngai noh pơm keh lu tơdrong kơnê̆.

Horiso 37:7 ပူးပေါင်းရင်းမြစ်များ

Esther 3:15

Lu bơngai chĕp hla bơar noh hăt hot pơm kiơ̆ kơ tơdrong pơtao tơtă. Nơ̆r tơtă âu kư̆m roi tơbăt lăm kon pơlei Susa. Pơtao păng Haman oei et tơdrô, mă-lei lăm lu kon pơlei Susa hli tơrơ dêh.

Jop 35:14

Pơma kiơ kơ ih, liơ mă 'bôh Kră Yang 'Bok Kei-Dei gơh mơ̆ng ih. Mưh ih khan ih ưh kơ 'bôh Kră Yang. Tơdrong ih kêng truh 'bơ̆t anăp Kră Yang bơih, păng ih oei răp gô Kră Yang sek tơlang!

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 40:1

Inh adrin chang gô Kră Yang. Sư pơgling đon mơ̆ng nơ̆r inh krao ôr.

Horiso 50:8

Inh ưh kơ chrih ôh tơmam soi ih pơyơ̆r wă khan tơmam soi 'buh ih juăt pơyơ̆r 'bơ̆t anăp Inh.

Horiso 62:1

Bơhngol inh pơdơh hiôk lăm minh Kră Yang 'Bok Kei-Dei đĕch; Tơdrong dŏng pơklaih inh đơ̆ng Sư.

Horiso 62:5

Ơ bơhngol inh pơdơh bĕ tơ anih Kră Yang 'Bok Kei-Dei; Yua kơ inh chang hơmĕng kơ Sư.

Tơdrông Pơđơk 20:22

'Nĕ pơma khan, tơan wă pơm kơ đe kơnê̆. Lê̆ gô mơ̆ng đơ̆ng Kră Yang, na Sư gô dŏng pơklaih ih.

Bôk Bơthô 5:8

Dah ih 'bôh lăm tơring ih đei bơngai mă đe pơjuă pơđep sư dah 'bôh pơm ưh kơ trŏ, ưh kơ tơpăt hơnơ̆ng, lei ih 'nĕ kơ chrêu kơ đon; yua kơ đei bơngai pơm tih kư̆m đei bơngai tih hloh kơ sư oei răp lăng, đơ̆ng noh oei đei 'bok mă tih hloh đĭ kơ bre noh dơ̆ng.

Êsai 30:15

'Nâu Kră Yang, Tơ'ngla 'Lơ̆ng Rơgoh đe Isơrael khan: “Lu iĕm gơh klaih đơ̆ng lu iĕm wơ̆t brŏk dơ̆ng păng pơdơh lăm Inh. Lu iĕm gô đei jơhngơ̆m pran, yua kơ lu iĕm oei hơđơ̆ng păng gơnang kơ Inh. Mă-lei lu iĕm ưh kơ wă kơ thoi noh.

Êsai 8:17

Inh gô gơnang kơ Kră Yang păng chang gô Sư, jơ̆ Kră Yang mă ôn muh măt Sư đơ̆ng adrĕch Jakôp.

Je 12:1

Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?

Da 11:36

Pơtao âu gô pơm kiơ̆ kơ sư wă; pơư pơang pôk hơtŏk sư kơdih jing kơjung hloh kơ lu yang, pơma nơ̆r hlĭch chrơp blah plơ̆ 'Bok Kei-Dei Kră Yang lu yang. Sư gô đei tơdrong pŭn hiôk dĭng truh tơ năr Kră Yang 'Bok Kei-Dei hil, yua kơ dôm tơdrong kiơ mă đei pơkă boih gô đei trŏ 'blep.

Jôna 1:11

Na lu sư khan: Lu bơ̆n pơm liơ wă kơ đak dơsĭ huay pă tơdrŏ, yua kơ đak dơsĭ poh-yă rai dêh.

Habakuk 2:3

Yua kơ tơdrong tơ'bôh gô 'blep trŏ lăm năr đêl pơkă, gô keh thoi noh, ưh kơ đei pơngiĕl ôh; tơdah sư hiơ̆ 'biơ̆, ih kư̆ gô; yua kơ gô truh tơpă, ưh kơ hiơ̆ ôh.

Galati 6:9

Mă-lei bơ̆n athei chu kơ Sư khŏm khŏm wă kơ bơ̆n gơh pơm đon 'lơ̆ng. Thoi noh dah bơ̆n huay kơ achăng lê̆ Sư na mưh trŏ kơ năr 'Bok Kei-Dei pơkă ning-mônh Sư gô ăn kơ bơ̆n tơdrong apah na bơ̆n oei hơdai hăm Sư ling-lang. Kư̆m thoi bơ̆n pơtăm găr, dah bơ̆n ưh kơ hŭt lê̆ tơdrong jang bơ̆n, lei trŏ bơyan plei, bơ̆n đei phĕ iŏk tơpă.

Jôsuê 10:12

Lăm năr Kră Yang jao kon pơlei Amôrit lăm ti bơngai Isơrael, Jôsuê pơma dơnuh hăm Kră Yang 'bơ̆t anăp lu kon pơlei Isơrael: Ơ Măt 'năr, dơ̆ng bĕ 'bơ̆t pơlei Gibeôn; Ơ Măt khei, dơ̆ng bĕ 'bơ̆t Thŭng Aijalôn!