Horiso 37:6 - Sơ̆p Hlabơar Nơ̆r 'Bok Kei-Dei

⁶ Sư gô pơdah tơdrong tơpăt ih thoi hơdah hơdong Păng sek tơ'bôh tơdronga trŏ ih thoi 'năr dơ̆ng.

Horiso 37:6 ပူးပေါင်းရင်းမြစ်များ

Jop 11:17

Chăl arih ih gô hơdah hơdong hloh kơ 'năr dơ̆ng; măng mu gô hơdah thoi pơgê.

Horiso 31:20

Ih ôn lu sư tơ anih hlơp 'bơ̆t anăp Ih. Klaih đơ̆ng lu đe wă pơm kơnê̆, Ih ôn lu sư lăm bơsŭn. Klaih đơ̆ng hơpiĕt lu bơngai blah tơgar.

Êsai 54:17

Mă dôm tơmam tơblah sư pơm wă pơrăm Ih gô ưh kơ kĕ păng dôm nơ̆r lu bơngai pơma jâu ih gô glăi đĭ. Noh bơih tơdrong Inh ăn kơ lu đĭch đam Kră Yang, păng tơdrong lăng pơsĭt đơ̆ng Inh ăn, Kră Yang khan thoi noh.

Êsai 58:10

Tơdah iĕm đĭ jơhngơ̆m rong lu bơngai pơmat-tat păng asong ăn sa phĭ kơ lu bơngai pơngot, lei tơdrong hơdah ih gô pơchrang lăm măng mu, kơplah noh măng ih thoi lĕ kơ 'năr dơ̆ng.

Êsai 58:8

Na tơdrong ih pơm gô rang hơdah thoi pơgê hrôih; rơka ih gơh klaih 'bônh. Tơdrong 'lơ̆ng tơpăt ih gô năm adrol kơ ih tơdrong ư-ang Kră Yang gô wei-lăng đơ̆ng rŏng ih.

Je 51:10

Kră Yang pơm tơwih ăn boih kơ bơ̆n. Năm bĕ bơ̆n athei ră roi tơ lăm Siôn, Tơdrong Kră Yang 'Bok Kei-Dei bơ̆n pơm!

Malachi 3:18

Dang ei lu iĕm gô wih brŏk păng Inh klah lu bơngai tơpăt hăm lu bơngai pơm yoch kơnê̆ pha; lu bơngai bơ̆jang kơ 'Bok Kei-Dei hăm lu bơngai ưh kơ bơ̆jang kơ Sư pha.”

Mathiơ 13:43

Gah lu bơngai mă 'lơ̆ng tơpăt, năr noh kơnh lu sư oei hiôk hơđơ̆ng tơ dêh char 'Bă bơ̆n, dang lu sư pơchrang hơdah thoi lĕ kơ măt 'năr. Bu đei đon athei tơchĕng kơdih bĕ.

I Kor 4:5

Thoi noh mă bu bu bơngai thoi yơ bơ̆n 'nĕ chă sek pơma tơdrong sư, gô mơ̆ng kơ Kră Yang jur đĕch, Sư gô tơbăt hơdah ăn tôm tơdrong kon bơngai mă oei ôn pơhrĕp păng tôm tơdrong kon bơngai tơchĕng wă. Hơtai ei kơnh đĭ-đăng rim 'nu kơ bơ̆n mă pơm kiơ̆ kơ Sư wă gô đei nơ̆r Kră Yang bơnê.