Horiso 37:31 - Sơ̆p Hlabơar Nơ̆r 'Bok Kei-Dei

³¹ Khôi juăt Kră Yang 'Bok Kei-Dei oei lăm jơhngơ̆m sư; Rim yak sư huay kơ tơpling.

Horiso 37:31 ပူးပေါင်းရင်းမြစ်များ

Jop 23:11

Jơ̆ng inh kiơ̆ jê̆ yak Sư Inh bơwei yak kiơ̆ trong sư, ưh kơ weh-woh.

Horiso 1:2

Mă-lei chơt hiôk lăm tơdrong juăt Kră Yang, păng tơchĕng tơdrong juăt ei măng năr.

Horiso 119:11

Inh răk boih nơ̆r Ih lăm jơhngơ̆m inh Wă kơ inh huay kơ pơm yoch hăm Ih

Horiso 119:98

Dôm nơ̆r Ih tơtă, pơm kơ inh hơgei hloh kơ lu ayăt kơ inh. Yua kơ dôm nơ̆r noh oei hơdai inh ling-lang.

Horiso 121:3

Sư ưh kơ đei lê̆ jơ̆ng ih tơpling. Sư Tơ'ngla wei-lăng ih ưh kơ layơ tep.

Horiso 17:5

Inh yak năm kơjăp lăm trong Ih, Jơ̆ng inh ưh kơ tơpling.

Horiso 37:23

Kră Yang wei kơjăp boih rim yak, Păng Sư lăp đon kơ trong lu sư:

Horiso 40:8

Ơ Kră Yang 'Bok Kei-Dei, inh hiôk tơpă pơm kiơ̆ nơ̆r Ih. Khôi juăt Ih oei tơ lăm jơhngơ̆m inh.

Horiso 40:9

Lăm năr akŭm tih inh ră roi boih kơ tơdrong 'nao 'lơ̆ng tơpăt Ih; to, inh ưh kơ đei ôn 'bơ̆r, Ơ Kră Yang, inh băt boih tơdrong noh.

Horiso 44:18

Jơhngơ̆m lu nhôn ưh kơdŭn, jơ̆ng lu nhôn yak ưh kơ đei cheng oei kiơ̆ trong Ih.

Horiso 73:2

Mă-lei jơ̆ng inh pă 'biơ̆ wă jê̆ kơtơih yak inh wă jê̆ tơsĕr pơ̆k.

Tơdrông Pơđơk 14:15

Bơngai kơhlôh 'bôh kiơ̆ đĭ dôm nơ̆r pơma, Mă-lei lu bơngai hơgei oei lăng rim kơnao sư yak.

Tơdrông Pơđơk 4:4

'Bă inh đei bơtho inh: Wei răk bĕ lăm jơhngơ̆m nơ̆r inh pơma. Chu kơ nơ̆r inh tơtă, na ih gơh arih.

Êsai 51:7

Ơ kon pơlei băt tơdrong 'lơ̆ng tơpăt. Đei răk tơdrong juăt Inh lăm jơhngơ̆m, mơ̆ng bĕ Inh! 'Nĕ hli kơ đe pơjăm, 'nĕ hli kơ lu sư pơma kơnê̆ chrih pơjăm iĕm.

Je 31:33

“'Nâu mă nơ̆r Inh gô pơgơ̆p hăm adrĕch Isơrael đơ̆ng rŏng kơ năr noh kơnh,” Kră Yang khan. “Inh gô 'măn tơdrong juăt Inh tơ lăm kơ̆l 'ngok lu sư; păng chih tơdrong juăt Inh tơ lăm jơhngơ̆m lu sư. Inh Kră Yang 'Bok Kei-Dei lu sư na lu sư jing kon pơlei pơla Inh.”

Êsêkiên 27:6

iŏk 'long kôih đơ̆ng char 'Basan pơm 'long huơ̆r iŏk 'long hơngo hmă đơ̆ng bŏl dơsĭ Kitim lơ̆k hơnă, lom hăm bơla rôih.

Both 6:6

Lu iĕm athei chih răk lăm jơhngơ̆m lu nơ̆r mă inh đei bơtho lu iĕm năr âu.

Hêbrơ 8:10

Păng ning-mônh Inh wă pơjing tơdrong pơgơ̆p 'nao kơ lu bơngai Isơrael thoi âu: Inh wă tah tơdrong juăt Inh pơkă tơ lăm đon tơchĕng lu sư, Inh wă chih tơ'băk tơdrong juăt Inh tơ lăm jơhngơ̆m lu sư, Inh pơm Kră Yang lu sư, lu sư gô jing kon pơlei pơla Inh.