Horiso 37:26 - Sơ̆p Hlabơar Nơ̆r 'Bok Kei-Dei

²⁶ Rim năr sư hơmrah păng asong ăn đe tŏk iŏk; Kon sâu sư đei pŭn hiôk.

Horiso 37:26 ပူးပေါင်းရင်းမြစ်များ

Horiso 112:5

Pŭn dêh kơ bu băt mơnat păng ăn kơ đe tŏk iŏk. Bơngai 'noh sư jang 'lơ̆ng tơpăt.

Horiso 112:9

Sư hơmrah asong ăn tơmam kơ lu dơnuh hin. Tơdrong tơpăt sư oei oei ling-lang. Đe gô ư-ang kơ tơdrong jei sư

Horiso 147:13

Yua kơ Sư đei pơm kơjăp boih kơ chơkăl 'măng jang ih. Ăn tơdrong pŭn hiôk kơ kon sâu mă oei hơdai ih.a

Horiso 37:21

Lu bơngai kơnê̆ tŏk iŏk, na pơdrâu ưh kơ kĕ. Gah lu bơngai tơpăt hơmrah păng asong tŏk iŏk.

Tơdrông Pơđơk 20:7

Bơngai tơpăt băt oei arih sa 'lơ̆ng tơpăt, Pŭn hiôk dêh kơ lu kon sâu sư!

Tơdrông Pơđơk 21:26

Rim năr bơngai ham hrăn hơpơi kơ tơmam. Mă-lei đei lu bơngai tơpăt băt asong huay kơ 'mêm ôh.

Je 32:39

Inh gô ăn kơ lu sư jing minh đon minh jơhngơ̆m minh trong lei-lăi, wă kơ lu sư hli yom kơ Inh ling-lang, wă kơ lu sư păng kon sâu lu sư đei tơdrong pŭn hiôk.

Mathiơ 5:7

“Pŭn dêh lu bơngai mă băt mơnat kơ đe, 'Bok Kei-Dei kư̆m mơnat kơ lu sư mơ̆n.