Horiso 37:25 - Sơ̆p Hlabơar Nơ̆r 'Bok Kei-Dei

²⁵ Sơ̆ inh oei 'lơ̆p, dang ei kră boih, tim 'bôh lu bơngai tơpăt khan đe achăng lê̆, Dah lu kon sâu sư chă apinh sa.

Horiso 37:25 ပူးပေါင်းရင်းမြစ်များ

Bl 17:7

Inh pơgơ̆p pơkă hăm ih păng lu ioi adrĕch adrung ih truh tơ dôm jơhnơr noh pơgơ̆p pơkă ling-lang, Inh boih Kră Yang 'Bok Kei-Dei ih păng lu adrĕch adrung ih.

Jop 15:23

Sư hoang tơ âu tơ to wă chă tơmam sa, khan tơmam sa tơ yơ. Sư băt kơ năr tơdrong răm wă jê̆

Jop 4:7

“Ih athei tơchĕng lăng 'mơ̆i, hăm đei bơngai 'lơ̆ng tơpăt ưh kơ pơm yoch mă wă lôch hiong? Păng hăm đei anih ayơ bơngai 'lơ̆ng tơpăt đe pơrăm?

Horiso 109:10

Ăn kơ lu kon sư jing răm-'băm păng jing ăn-mai. Puh lu sư chă sa ataih đơ̆ng anih hnam đe pơrăm boih.

Horiso 112:2

Kon sâu sư gô pran kơtang tơ kơpal teh. Adrĕch adrung bơngai tơpăt gô đei pŭn hiôk.

Horiso 25:13

Bơhngol sư gô oei tơ anih hiôk-hian. Păng lu kon sâu sư gô đei teh jang sa

Horiso 37:28

Kră Yang lăp đon kơ tơdrong tơpăt, Ưh kơ đei achăng lê̆ lu bơngai 'lơ̆ng rơgoh Sư; Lu sư đei Kră Yang wei-lăng ling-lang: Mă-lei gah lu adrĕch adrung bơngai kơnê̆ gô răm đĭ.

Horiso 59:15

Lu sư chă sa yak tơ âu tơ to; Dah ưh kơ phĭ lu sư grĕnh oei kơtă prăt măng.

Horiso 71:18

Ơ Kră Yang 'Bok Kei-Dei, mă khan inh kră, hăm sŏk ko boih. Apinh Ih 'nĕ achăng lê̆ inh, Dĭng inh đei ră roi kơ rim jơhnơr, tơdrong pran kơtang Ih. Păng tơdrong gơh kĕ mơsêh mơyang Ih kơ lu bơngai.

Horiso 71:9

Apinh Ih 'nĕ pơpuh inh kơplah inh đĭ kră, dah jơhngơ̆m inh pă kĕ.

Horiso 94:14

Yua kơ Kră Yang ưh kơ đei achăng lê̆ kon pơlei Sư. Kŭm ưh kơ lê̆ ôh dôm lu bơngai jing kon pơlei pơla Sư,

Tơdrông Pơđơk 13:22

Bơngai 'lơ̆ng mong tơmam ăn kơ lu kon sâu sư. Mă-lei bơngai kơnê̆ lê̆ tơmam sư kơ lu bơngai tơpăt.

Êsai 13:16

Lu kon hơ'lơ̆p sư đe gô rôp teh pơhĕch 'bơ̆t tơm măt lu sư, hnam lu sư đe tơgar iŏk, akăn lu sư đe tơrôp pơgô̆.

Jang 21:16

Kư̆m đei lu bơngai lui đơ̆ng Pơlei Sêsarê năm hơdai hăm nhôn mơ̆n. Lu sư wă năm ba nhôn tơ hnam Masôn. Masôn sư bơngai đơ̆ng dêh char Chiprơ, lui kơ Kră Yang Yêsu đơ̆ng hơdrol sơ̆ hloi. Nhôn wă năm oei tơ hnam sư.

II Kor 4:9

Đe pơm kơnê̆ pơmat nhôn, mă-lei 'Bok Kei-Dei ưh kơ lê̆ nhôn; đe teh tơpơ̆k nhôn, nhôn kư̆m huay kơ răm.

Hêbrơ 13:5

Iĕm 'nĕ ham kơ mŭk tơmam ala teh, iĕm đei dôm yơ, iĕm hiôk-hiăi dôm noh. Yua kơ 'Bok Kei-Dei khan boih, Sư khan: “Inh ưh kơ đei layơ achăng lê̆ iĕm ôh.”

Jôsuê 1:5

Đĭ lăm chăl arih ih, ưh kơ đei bu kĕ blah ih, Inh gô oei hơdai hăm ih thoi Inh oei hơdai hăm Môis, Inh ưh kơ achăng ih păng ưh kơ lê̆ ih ôh.

I Sam 12:22

Kră Yang yua kơ anăn Sư tih dêh, na Sư ưh kơ achăng lê̆ kon pơlei Sư: Sư wă kơ lu iĕm pơm kon pơlei Sư.