Horiso 36:3 - Sơ̆p Hlabơar Nơ̆r 'Bok Kei-Dei

³ Lu nơ̆r lĕch đơ̆ng 'bơ̆r sư tă kơnê̆ hơlĕnh ngăl ưh pă pơm tơdrong tơpăt pơm 'lơ̆ng trŏ.

Horiso 36:3 ပူးပေါင်းရင်းမြစ်များ

II Sam 22:22

Inh wei răk kiơ̆ trong Kră Yang bơtho. Ưh kơ đei pơm kơnê̆ achăng lê̆ Kră Yang 'Bok Kei-Dei inh.

II Ho 20:32

Sư yak pơm kiơ̆ trong 'bă sư Asa, sư ưh kơ weh yak trong nai ôh; sư pơm 'lơ̆ng trŏ 'bơ̆t anăp Kră Yang.

Horiso 10:7

'Bơ̆r sư 'bĕnh kơ blei hiap, hơlĕnh pơdăr pơjăm pơjuă. Lăm hơpiĕt sư băt pơdăr păng pơm kơnê̆.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 140:3

Lu sư pat hơpiĕt suĕng thoi hơpiĕt 'bih. Đei bih hơkăm 'bih dong lăm hơkŭng lu sư. Sêla

Horiso 5:9

Yua kơ lăm 'bơ̆r lu sư ưh kơ đei tơdrong tơpă; Jơhngơ̆m lu sư tă kơnê̆ ngăl. Hơlŏng lu sư thoi bơsat tơpơih Hơpiĕt lu sư 'bĕnh hăm tơdrong pơdăr.

Horiso 55:21

'Bơ̆r lu sư pơma rơbơ̆r hloh kơ rơmă. Mă-lei lăm jơhngơ̆m lu sư chă tơdrong tơblah. Nơ̆r lu sư rơngơp hloh kơ rơmă, mă-lei nhen đao toh boih đơ̆ng hơnglop.

Horiso 58:3

Lu bơngai pơm kơnê̆ đei đơ̆ng oei lăm klak mĕ sư. Lu sư pơma hơlĕnh plêl iŏk đơ̆ng 'nao tơpŭ.

Horiso 94:8

Ơ lu bơngai bơlŭk lăm kon pơlei kơchăng bĕ; Ơ lu bơngai kơtul kơwao, dang yơ mă iĕm gơh hơgei?

Tơdrông Pơđơk 4:16

Tơdah lu sư ưh tam mă pơm kơnê̆, lu sư ưh kơsŭk tep; Tơdah lu sư ưh tam mă pơm kơ đe, lu sư kral ưh kơ tep.

Je 4:22

“Tơpă kon pơlei Inh bơlŭk, lu sư ưh kơ băt kơ Inh. Lu sư oei 'lơ̆p nge kơhlôh, lu sư ưh kơ wao, lu sư nŏng kơ pơm kơnê̆, mă ưh kơ băt pơm minh tơdrong 'lơ̆ng.

Hôsia 8:3

Mă-lei lu bơngai Isơrael sơngah boih kơ tơdrong 'lơ̆ng, na lu ayăt gô druh lu sư.

Jêphania 1:6

hăm lu bơngai mă weh achăng lê̆ đơ̆ng Kră Yang păng lu bơngai mă ưh kơ chơchă Kră Yang, ưh kơ krao apinh Sư.

Mathiơ 22:35

Na đei minh 'nu bơngai khŭl Pharisi, sư pơm thây bơtho tơdrong juăt đe Juđê, sư năm jet pơlong lăng Yêsu thoi âu:

Luka 11:25

Lăp sư brŏk, sư 'bôh bơngai đêl sư oei noh thoi hnam đe sơpuih hơmet lê̆ 'lơ̆ng boih mă-lei ưh kơ đei Yang Bơhngol 'Lơ̆ng oei.

Hêbrơ 10:39

Mă-lei bơ̆n ưh kơ sĭ kơ bơngai mă lêl kơdŭn tơ rŏng wă kơ hiong tơdrong arih ôh, bơ̆n bơngai nuih, bơngai lui kơjăp wă dŏng akâu kơdih gơh arih ling-lang.

I Yo 2:19

Lu bơngai ayăt kơ Yêsu Krist dang ei, tơm hmơm sơ̆ sư khan sư wă bôl lu bơngai lui tơpă, mă dang ei sư achăng tŭk lu bơ̆n bơngai lui. Dah sư bôl bơ̆n bơngai lui tơpă lei sư bôl bơ̆n ling-lang ưh kơ đei layơ tŭk. Na dang ei sư achăng tŭk bơ̆n tơpă boih, noh bơ̆n băt lơ̆m lu sư ưh kơ đei bu buăl bơ̆n.

I Sam 15:26

Samuel khan hăm Sôl: Inh ưh pă wih tơ jê̆ ih dơ̆ng; yua kơ ih achăng lê̆ nơ̆r Kră Yang, na Kră Yang kư̆m achăng lê̆ ih, ưh kơ pă wă ih pơm pơtao lu bơngai Isơrael dơ̆ng.

I Sam 16:14

Yang Bơhngol 'Lơ̆ng Kră Yang lĕch đơ̆ng Sôl; Kră Yang wơh minh 'nu yang kơnê̆ pơm kơ đon sư hơwơ̆l hơwang hli tơrơ.

I Sam 18:21

Sư tơchĕng khan: Inh gô ăn sư oei kơ Đawit, pơm thoi hơđong wă kơ Đawit 'leh lăm ti bơngai Philistin. Thoi noh Sôl pơma dơnuh 'măng mă 'bar hăm Đawit: Ih gô pơm ŏng inh.

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.