Horiso 36:10 - Sơ̆p Hlabơar Nơ̆r 'Bok Kei-Dei

¹⁰ Apinh oei 'mêm mơnat kơ lu bơngai băt kơ Ih. Păng ăn tơdrong tơpăt Ih kơ lu bơngai đei jơhngơ̆m tơpăt.

Horiso 36:10 ပူးပေါင်းရင်းမြစ်များ

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 9:10

Bơngai bu băt anăn Ih gô gơnang kơ Ih; Yua kơ Ih ưh kơ achăng lê̆ ôh, bơngai bu chơchă Ih.

Êsai 2:5

Ơ adrĕch Jakôp, bĕ lu bơ̆n yak kiơ̆ lăm tơdrong hơdah Kră Yang.

Je 22:16

Sư sek tơdrong tơpăt kơ lu bơngai dơnuh hin hăm lu bơngai pơmat-tat, na sư đei tơdrong pŭn hiôk. Hăm trŏ sư pơm thoi noh wă khan sư băt kơ Inh? Noh Kră Yang khan:

Je 24:7

Inh gô ăn kơ lu sư đei jơhngơ̆m băt kơ Inh boih Kră Yang. Lu sư gô jing kon pơlei Inh, Inh boih Kră Yang 'Bok Kei-Dei lu sư, yua kơ lu sư gô đĭ jơhngơ̆m wih brŏk tơ Inh.’ ”

Je 31:3

Sơ̆ Kră Yang tơ'bôh boih kơ bơ̆n khan: “Inh 'mêm mơnat kơ iĕm hăm tơdrong 'mêm ling-lang hlŏng hloi, Thoi noh na Inh oei wei kơjăp 'mêm kơ iĕm.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Hêbrơ 8:11

Ning-mônh lu sư ưh pă kăl kơ pơtơm băl lui kơ Inh boih, yua kơ đĭ-đăng lu sư đơ̆ng 'lơ̆p truh tơ kră băt kơ Inh ngăl boih.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.