Horiso 34:5 - Sơ̆p Hlabơar Nơ̆r 'Bok Kei-Dei

⁵ Lu bơngai lăng tơ Kră Yang na Kră Yang pơchrang hơdah kơ lu sư. Muh măt lu sư ưh kơ mơlâu.

Horiso 34:5 ပူးပေါင်းရင်းမြစ်များ

II Sam 19:5

Jôap mơ̆t lăm hnam pơtao păng khan: “Năr 'nâu pơtao pơm ăn kơ đĭ-đăng lu đĭch đam ih mơlâu, jơ̆ lu bơngai noh boih mă dŏng pơklaih tơdrong arih pơtao, lu kon drŏ-nglo drŏ-kăn pơtao, hăm dŏng pơklaih đĭ-đăng tơdrong arih lu akăn tơm păng lu akăn kơnhŏng ih hai mơ̆n.

Esther 8:16

Adrĕch Juđa chơt hiôk chhôk 'nă hal hơdah hơdong. Kŭm đei tơdrong đe pơyom kơ lu sư.

Horiso 13:3

Ơ Kră Yang, Kră Yang 'Bok Kei-Dei inh apinh Ih lăng inh păng tơl nơ̆r inh, Pơih ăn măt inh hơdah, Hli kơ inh tep lăm lôch răm;

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Horiso 18:28

Kră Yang tơ̆k ŭnh kơđeng inh khơ̆ng: Kră Yang 'Bok Kei-Dei inh, Pơchrang ăn lăm anih măng mu inh.

Horiso 25:3

Tơpă, dôm lu bơngai gơnang kơ Ih. Ưh kơ đei mơlâu, Ăn bĕ kơ lu bơngai ưh kơ chu lui gô mơlâu.

Horiso 3:5

Inh 'bĭch đơ̆ng noh tep hiôk; Inh hơđơ̆r, yua kơ Kră Yang râu tơiung inh.

Horiso 36:9

Yua kơ tơm tơdrong arih oei tơ Ih, Lăm tơdrong hơdah Ih nhôn 'bôh hơdah,

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Horiso 83:16

Ơ Kră Yang, apinh Ih pơm ăn kơ muh măt lu sư kơdơ̆ mơlâu, wă kơ lu sư krao chă Ih.

Horiso 97:11

Tơdrong hơdahb pơchrang kơ lu bơngai tơpăt. Păng chơt hiôk kơ lu bơngai đei jơhngơ̆m tơpăt.

Êsai 45:22

Ơ đĭ-đăng lu bơngai oei jơ̆p anih tôch kơ teh. Wih brŏk bĕ tơ Inh na lu iĕm gơh klaih! Yua kơ Inh bơih Kră Yang 'Bok Kei-Dei, ưh kơ đei yang nai ôh.

Êsai 60:5

Kơplah noh kơnh ih gô 'bôh đei tơdrong hơdah hơdong, jơhngơ̆m ih gô mơn hiôk chơt; đĭ-đăng tơmam đơ̆ng đak dơsĭ gô tuh tơ ih, tơdrong mơdrŏng rim kơ teh đak gô truh tơ ih.

Hêbrơ 12:2

Bơ̆n athei lăng Yêsu ling-lang, yua kơ Sư pơih trong kơ bơ̆n lui kơ 'Bok Kei-Dei kơjăp truh tôch. Sơ̆ Sư băt tôm tơdrong 'Bok Kei-Dei wă ăn kơ Sư gô hiôk, na Sư chu iŏk đe pơ̆ng pơlôch Sư tơ 'long pơglang. Sư ưh kơ tơchĕng kơ đe pơm kơnê̆ pơ'brơh kơ Sư ôh. Na dang ei Sư oei gah 'ma kơ 'Bok Kei-Dei.

I Sam 23:13

Đawit hăm lu bơngai kiơ̆ sư, dang tơdrâu-hrĕng 'nu bơngai lu sư iung lĕch đơ̆ng pơlei Kêila păng năm tơ anih ayơ mă gơh oei. Sôl băt kơ Đawit lĕch hlôi boih đơ̆ng Kêila, na ưh pă năm blah dơ̆ng.