Horiso 34:22 - Sơ̆p Hlabơar Nơ̆r 'Bok Kei-Dei

²² Kră Yang huai iŏk bơhngol lu đĭch đam sư. Bu mă gơneh gơnơm lăm Sư, huay pă pŭ tơdrong phak boih.

Horiso 34:22 ပူးပေါင်းရင်းမြစ်များ

Bl 48:16

Linh jang đei dŏng pơklaih inh đơ̆ng tơdrong pơmat-tat, apinh Ih tuh ăn tơdrong pŭn hiôk kơ bre hơ'lơ̆p âu; wă pơtrơp ioi adrĕch inh păng 'bok yă inh Abraham hăm Isăk păng ăn kơ lu sư hrôh rai lơ jơ̆p-jang kơ teh đak!

II Sam 4:9

Đawit tơl bre Rêkap hăm Baanah kon tơdăm Rimmôn pơlei Bêrôt: “Inh pao anăn Kră Yang mă arih ling-lang, Tơ'ngla dŏng inh đơ̆ng dôm tơdrong gleh truh,

I Pot 1:29

Pơtao pơkă pơkăm khan: “Hơpơi Kră Yang mă oei arih, Tơ'ngla pơklaih inh đơ̆ng dôm tơdrong pơmat-tat truh.

Horiso 103:4

Sư dŏng pơklaih tơdrong arih ih đơ̆ng sơlŭng jrŭ. Iŏk tơdrong 'mêm păng tơdrong mơnat na pơm môk pơtao pơyơ̆l ăn kơ ih.

Horiso 130:8

Kơdih kâu Sư gô huai iŏk Isơrael đơ̆ng dôm tơdrong yoch kơnê̆ lu sư.

Horiso 31:5

Inh jao bơhngol ih lăm ti Kră Yang. Ơ Kră Yang, 'Bok Kei-Dei tơpăt sĭt tơpă. Ih huai iŏk inh boih.

Horiso 37:12

Lu bơngai kơnê̆ pơđâu wă pơm kơnê̆ kơ bơngai tơpăt, Păng hơnganh kăp hơnĕnh kơ lu sư.

Horiso 37:15

Đao lu sư gô 'bet jơhngơ̆m lu sư kơdih, Păng hră lu sư gô tơgơ̆.

Horiso 71:23

'Bơ̆r păng bơhngol inh mă Ih đei huai iŏk. Gô ôr chơt, mưh inh hơri bơnê kơ Ih.

Nhom 3:58

Ơ Kră Yang, Ih tơgŭm boih inh, Ih dŏng pơklaih boih tơdrong arih inh.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.