Horiso 33:3 - Sơ̆p Hlabơar Nơ̆r 'Bok Kei-Dei

³ Hơri bĕ Kơ Sư minh 'bai hơri 'nao, reh brŏ tơlei mă hiôk păng hơri nơ̆r re chơt hiôk.

Horiso 33:3 ပူးပေါင်းရင်းမြစ်များ

I Ho 13:8

Pơtao Đawit păng đĭ-đăng bơngai Isơrael đĭ jơhngơ̆m chơt hiôk 'bơ̆t anăp Kră Yang 'Bok Kei-Dei, hơri, reh brŏ, ot brŏ, teh hơgơ̆r iĕ, preh chhar păng hlôm keng hiôk chơt.

I Ho 15:22

Kênania yŏng pơgơ̆r bơngai Lêwi, wei-lăng tơdrong hơri păng noh tơdrong jang sư, yua kơ sư gơh hơgei gah tơdrong noh.

I Ho 25:7

Hơdai hăm 'nhŏng oh sư đĭ-đăng đei pơhrăm hơgei lăm tơdrong hơri ăn kơ Kră Yang, lu sư đei 'bar-hrĕng tơhngam-jĭt tơhngam 'nu bơngai.

II Ho 34:12

Lu bơngai thơ̆ noh jang đĭ jơhngơ̆m. Lu kai wei-lăng lu thơ̆ noh Jahat, Ôbađia, bơngai Lêwi adrĕch Mêrari; Sachari păng Mêsulam đơ̆ng lăm adrĕch Kôhat. Kŭm đei lu bơngai Lêwi nai hai, lu bơngai gơh reh brŏ hơgei.

Horiso 144:9

Ơ Kră Yang 'Bok Kei-Dei, inh gô hơri kơ Ih minh 'bai hơri 'nao. Reh brŏ dung mơjĭt dăng tơlei.

Horiso 149:1

Halêluya! Hơri bĕ kơ Kră Yang minh 'bai hơri 'nao! Hơri bĕ kơ Sư lăm khŭl bơngai 'lơ̆ng rơgoh Sư akŭm.

Horiso 40:3

Sư ăn kơ 'bơ̆r inh đei 'bai hơri 'nao, Hơri bơnê kơkuh kơ Kră Yang 'Bok Kei-Dei lu bơ̆n. Lơ bơngai gô 'bôh păng hli, Păng gơnang kơ Kră Yang.

Horiso 40:4

Pŭn dêh kơ đe bu mă gơnang kơ Kră Yang. Ưh kơ kiơ̆ lu bơngai pơang Păng lu bơngai chă yang glăi!a

Horiso 96:1

Hơri bĕ kơ Kră Yang; minh tơdrong hơri 'nao Ơ đĭ-đăng kon bơngai jơ̆p-jang kơ teh đak hơri bĕ kơ Kră Yang.

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Êsai 42:10

Hơri bơnê bĕ kơ Kră Yang 'bai hơri 'nao. Hơri bơnê bĕ kơ Sư đơ̆ng anih tôch kơ teh đak. Ơ Lu bơngai năm tơ đak dơsĭ, hăm lu sem brem arih lăm noh, ơ lu bŏl đak dơsĭ păng đĭ-đăng lu bơngai oei lăm noh.

Êphêsô 5:19

Păng bơ̆n athei hơri bơnê kơ Kră Yang hăm đĭ jơhngơ̆m, mă bơ̆n hơri tơdrong 'Bok Kei-Dei hơdai hăm bơngai tơpôl, mă bơ̆n hơri tơdrong lu bơngai kră sơ̆, mă bơ̆n hơri tơdrong lu bơngai dang ei, mă bơ̆n hơri kiơ̆ kơ đon bơ̆n tơchĕng kơdih.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

Tơdrông Tơ'bôh 14:3

Lu sư hơri minh tơdrong 'nao 'bơ̆t anăp tang-dŏ 'Bok Kei-Dei, 'bơ̆t anăp puăn anăn păng 'bơ̆t anăp lu đe kră. Pôm lu minh-hrĕng puăn-jĭt puăn-rơbâu 'nu noh đĕch gơh hơri tơdrong 'nao ei, lu nai ưh kơ đei bu gơh ôh, yua kơ lu bơngai noh 'Bok Kei-Dei huai iŏk lu sư đơ̆ng khŭl bơngai ala teh âu boih.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.