Horiso 33:2 - Sơ̆p Hlabơar Nơ̆r 'Bok Kei-Dei

² Iŏk bĕ tĭng-nĭng bơnê kơ Kră Yang, Yua bĕ brŏ mam mơjĭt dăng tơlei na hơri bơnê kơ Sư,

Horiso 33:2 ပူးပေါင်းရင်းမြစ်များ

II Sam 6:5

Đawit hăm đĭ-đăng bơngai Isơrael hơri ư-ang 'bơ̆t anăp Kră Yang hăm dôm tơmam brŏ reh pơm păng 'long dơnơ̆ng, thoi brŏ tĭng-nĭng, hơgơ̆r iĕ chhar, huan lak.

I Ho 15:16

Đawit pơkă ăn kơ lu bơngai pơgơ̆r lăm lu bơngai Lêwi, athei rơih iŏk lăm 'nhŏng oh lu sư, lu bơngai hơri, reh brŏ dung, tĭng-nĭng, preh chhar hơri chơt hiôk.

I Ho 15:28

Na đĭ-đăng bơngai Isơrael năm tung Hom Pơgơ̆p Kră Yang hăm nơ̆r jreo tơkĕch hiôk chơt, kơtơ̆ng jơwa hlôm keng păng jơwa tơgiĕp preh chhar reh tĭng-nĭng păng brŏ dung.

I Ho 25:3

Gah kon drŏ-nglo Jêđuthun đei Gêđalia, Sêri, Jêsaia, Simêi, Hasabia păng Matithia, lu sư tơdrâu 'nu bơ̆jang ala kơ 'bă lu sư wei-lăng, krao Jêđuthun, yua brŏ dung na pơma khan lê̆ adrol bơyong bơnê păng hơri ư-ang kơ Kră Yang.

I Ho 25:6

Đĭ-đăng lu bơngai noh tă kơ bơngai Jang ala kơ 'bă lu sư kơdih wei-lăng gah tơdrong hơri wă hơri lăm hnam Kră Yang, hăm chhar brŏ dung păng tĭng-nĭng bơ̆jang tơ lăm hnam Kră Yang 'Bok Kei-Dei. Asap, Jêđuthun păng Hêman kiơ̆ kơ pơtao athei.

Horiso 144:9

Ơ Kră Yang 'Bok Kei-Dei, inh gô hơri kơ Ih minh 'bai hơri 'nao. Reh brŏ dung mơjĭt dăng tơlei.

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 71:22

Ơ Kră Yang 'Bok Kei-Dei! Inh gô yua tĭng-nĭng reh hơri bơnê kơ Ih. Inh gô hơri kơ tơdrong tơpăt Ih; Ơ Kră Yang 'lơ̆ng rơgoh đe Isơrael, Inh gô yua tĭng-nĭng dơ̆ng hơri bơnê kơ Ih.

Horiso 92:3

Lăm Brŏ mơjĭt dăng tơlei păng tĭng-nĭng. Reh tơmơ̆t hăm brŏ dung.

Horiso 92:4

Ơ Kră Yang, Ih pơhiôk ăn kơ inh boih lăm tơdrong jang Ih; Inh gô hơri hiôk chơt kơ tơdrong jang đơ̆ng ti Ih pơm.

Le 15:20

Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

Tơdrông Tơ'bôh 14:2

Inh đei kơtơ̆ng dơ̆ng 'bơ̆r pơma jơwa đơ̆ng plĕnh thoi lĕ kơ jơwa đak chơkơi păng thoi jơwa grơ̆m glaih, jơwa noh thoi jơwa bơngai tơpôl reh brŏ kư̆m đei.

Tơdrông Tơ'bôh 5:8

Lăp Kon Triu ei iŏk hla bơar noh boih, na puăn anăn lu sem brem noh păng 'bar-jĭt puăn 'nu lu đe kră, lu sư 'nap kơkuh kơ Kon Triu. Klaih kơ noh rim 'nu kơ lu sư chĕp brŏ reh păng chĕp pơnhan maih, lăm pơnhan ei 'bĕnh kơ đak pơgang 'bâu phu. Đak pơgang 'bâu phu ei wă pơtih gia kơ lu kon 'Bok Kei-Dei krao khan kơ Sư kơtơ̆ng truh tơ Sư tơpă.