Horiso 33:14 - Sơ̆p Hlabơar Nơ̆r 'Bok Kei-Dei

¹⁴ Sư lăng đơ̆ng anih Sư oei. Tơ đĭ-đăng bơngai oei lăm teh đak,

Horiso 33:14 ပူးပေါင်းရင်းမြစ်များ

I Pot 8:27

Mă-lei Kră Yang, tơpă Ih wă oei tơ lăm teh âu? Mă đĭ-đăng lu plĕnh jơ̆p-jang kơpal plĕnh kư̆m tam mă mah kơ oei, pơma kơ kiơ Hnam akŭm âu đơ̆ng inh pơjing ăn kơ Ih.

I Pot 8:30

Mơ̆ng bĕ tơdrong kiơ mă lu đĭch đam Ih păng kon pơlei Ih krao khan tơ anih 'nâu, apinh Ih mơ̆ng bĕ đơ̆ng anih Ih oei đơ̆ng plĕnh ti; apinh Ih mơ̆ng mă nhen păng mơnat ăn.

I Pot 8:39

apinh Ih đơ̆ng kơpal plĕnh ti, anih mă Ih oei Ih mơ̆ng păng mơnat ăn kơ yoch lu sư, tơgŭm rim 'nu kơ lu sư kiơ̆ kơ tơdrong jang sư pơm, yua kơ Ih băt jơhngơ̆m lu sư, lăp minh 'nu Ih đĕch băt lăm jơhngơ̆m kon bơngai.

I Pot 8:43

Apinh Ih đơ̆ng kơpal plĕnh anih Ih oei mơ̆ng păng tơl tơwih nơ̆r lu sư krao apinh, wă kơ đĭ-đăng bơngai jơ̆p teh đak, băt kơ anăn ih, hli yom kơ anăn Ih, lei-lăi thoi lu kon pơlei Isơrael wă kơ Ih tơbăt tơ'bôh ăn kơ lu bơngai krao apinh lăm hnam âu, đơ̆ng Inh pơm.

II Ho 16:9

Măt Kră Yang lăng jơ̆p kơ teh đak, wă tơgŭm jơhngơ̆m pran kơ lu đe bu mă đei jơhngơ̆m gơnang kơ Sư. Tơpă lăm tơdrong 'nâu ih đei pơm kư̆ kă, na đơ̆ng âu tơ anăp ih gô đei tơ'bơ̆p tơdrong tơblah hơnơ̆ng.”

Horiso 113:6

Sư nger lăng plĕnh păng teh

Horiso 123:1

Inh ngơk muh măt tơ Ih ơ Tơ'ngla mă oei tơ kơpal tang-dŏ pơtao tơ plĕnh.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 66:1

Kră Yang khan thoi âu: “Plĕnh noh Tang-dŏ pơtao Inh, teh noh hơnă jơ̆ng Inh juă. Lu iĕm gô man ăn kơ Inh hnam tơ yơ? Anih ayơ pơm anih Inh pơdơh?

Je 32:19

Ih đei tơdă tih, mơsêh mơyang gơh pơm tôm tơdrong. Măt Ih lăng 'bôh đĭ-đăng kơ trong kon bơngai. Ih phak apah kơ rim 'nu kiơ̆ tơdrong arih sa sư păng kiơ̆ đêl tơdrong jang lu sư pơm.

Sa 4:10

Yua kơ bu pơ̆n pơjăm kơ năr tơdrong iĕ âu? Sư gô chơt hiôk 'bôh tơlei dăng pơtŏ 'bơ̆t ti Sôrôbabel.* Đei tơpơh tŏ măt 'nâu măt Kră Yang năm tơmang lăng jơ̆p kơ teh đak.

Luka 11:2

Na Yêsu khan: “Iĕm krao khan thoi âu: ‘Ơ 'Bă, ăn anăn Ih jing ư-ang. Ăn kơ dêh char Ih tĕnh truh.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.