Horiso 33:10 - Sơ̆p Hlabơar Nơ̆r 'Bok Kei-Dei

¹⁰ Kră Yang pơrăm lê̆ lu dêh char chă đon wă pơm kơnê̆. Tơhiong lê̆ tơdrong kon bơngai pơđâu wă pơm.

Horiso 33:10 ပူးပေါင်းရင်းမြစ်များ

Bl 11:8

Đơ̆ng noh, Kră Yang pơm ăn kơ lu sư tơklah tơklang jơ̆p-jang kơ teh păng lu sư ưh pă đei man pơjing pơlei noh dơ̆ng.

II Sam 15:31

Đe roi ăn kơ Đawit: “Ahithôphel kư̆m minh khŭl iung blah hơdai hăm Apsalôm.” Đawit krao apinh: “Ơ Kră Yang! Apinh Ih pơm ăn lu tơdrong tơchĕng Ahithôphel wă pơm jing kơtul kơwao.”

II Sam 15:34

Mă-lei tơdah ih brŏk tơ pơlei, roi ăn kơ Apsalôm: ‘Ơ pơtao! Inh jơ̆ bơngai đĭch đam ih, adrol sơ̆ inh bơ̆jang kơ pơtao Đawit, 'bă ih, dang ei inh đĭch đam ih,’ lei na apinh ih tơgŭm inh pơm tơhiong lê̆ tơdrong Ahithôphel chă đon.

II Sam 17:14

Apsalôm păng đĭ-đăng kon pơlei Isơrael tă kơ lăp ngăl khan tơdrong tơchĕng chă đon Husai, bơngai Arkit, hơgei hloh kơ tơdrong tơchĕng Ahithôphel. Yua kơ Kră Yang pơrăm lê̆ tơdrong tơchĕng gơh hơgei Ahithôphel, wă tuh tơdrong pơmat-tat ăn kơ Apsalôm.

II Sam 17:23

Ahithôphel 'bôh đe ưh kơ wă kiơ̆ tơdrong sư pơđâu, na hao hloi aseh iĕ sư brŏk tơ hnam pơlei sư kơdih tơ Gilô. Đang kơ sư hơmet dôm tơdrong jang lăm hnam dơnŏ sư keh boih, sư hrek hơlŏng kơdih lôch. Đe 'bŭ sư hơdai tơ lăm bơsat 'bă sư.

II Pot 6:9

Êlisê bơngai Kră Yang 'Bok Kei-Dei yua, năm roi ăn kơ pơtao đe Isơrael thoi âu: “Kơchăng hŏ 'nĕ kơ năm rok anih noh, đei lu linh đe Aram oei răp tơ noh.”

Ne 4:9

Mă-lei lu nhôn krao khan apinh Kră Yang 'Bok Kei-Dei lu nhôn păng rơih chă bơngai kral gak kơmăng kơ'năr wă găn lu sư.

Horiso 140:8

Ơ Kră Yang, apinh Ih 'nĕ ăn kơ tơdrong lu bơngai pơm kơnê̆ wă. 'Nĕ ăn tơdrong lu sư pơđâu gơh jing, kơnh lu sư pơang. Sêla

Horiso 21:11

Mă lu sư wă pơm kơnê̆ kơ Ih ră Lu sư pơđâu chă đon ưh kơ jing ôh.

Horiso 9:15

Lu kon pơlei pơla huŏng boih lăm sơlŭng đơ̆ng lu sư sir; Jơ̆ng lu sư đom boih lăm hơnhuăl đêl lu sư dăng

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Êsai 19:3

Lu đe Êyiptơ gô rơdu, inh gô pơrăm lê̆ tơdrong tơdă lu sư hơmet wă pơm, lu sư gô krao chă lu rup yang, lu pơjâu, lu pơjâu pơma dơnuh hăm bơhngol bơngai lôch, lu pơjâu tơwir.

Êsai 44:23

Ơ lu plĕnh, hơri chơt hiôk bĕ! Yua kơ Kră Yang pơm bơih tơdrong âu, Ơ teh đak ôr jreo bĕ, Ơ lu kông, ơ lu bri hăm lu 'long lăm noh hơri ôr bĕ! Yua kơ Kră Yang huai iŏk bơih Jakôp păng gô đei ư-ang lăm Isơrael.

Êsai 44:25

Inh pơm pơglăi lê̆ tơdra lu bơngai khan lê̆ adrol hơlĕnh, pơm kơ lu pơjâu jing kơwao; pơm kơ lu bơngai hlôh jing kơtul pơm tơplơ̆ tơdrong hlôh băt sư jing kơtul kơwao dơ̆ng.

Je 19:7

Lăm anih âu Inh gô tơhiong lê̆ dôm tơdrong lu bơngai Juđa hăm lu bơngai pơlei Jêrusalem chă đon wă pơm. Inh gô ăn kơ kon pơlei lu sư lôch kơ đao 'bơ̆t anăp lu bơngai ayăt kơ lu sư đơ̆ng ti lu bơngai 'maih pơrăm tơdrong arih lu sư; Inh gô jao ăn kơ kon sem bri sem păr sa akâu lôch lu sư.

Êsêkiên 20:32

Lu iĕm khan: Lu nhôn wă gô kơkuh kơ 'long păng tơmo, kiơ̆ thoi adrĕch adrung lu dêh char âu. Tơdrong lu iĕm tơchĕng lăm đon tơdrong noh ưh kơ đei truh ôh,

Malachi 1:4

Tơdah bơngai Eđôm khan thoi âu: “Lu bơ̆n đe pơrăm đĭ boih, mă-lei lu bơ̆n gô brŏk pơjing dơ̆ng dôm lu anih đêl đe pơrăm,” thoi noh Kră Yang Tih Hloh khan: “Lu sư gô pơdơ̆ng ming, mă-lei Inh gô tơlơ̆ lê̆, dĭng mah đe krao anăn lu sư dêh char kơnê̆ păng jing kon pơlei pơla mă Kră Yang hil areh ling-lang.”