Horiso 31:3 - Sơ̆p Hlabơar Nơ̆r 'Bok Kei-Dei

³ Yua kơ Ih boih thoi tơmo tih păng anih kơjăp inh gơnang, yua kơ Anăn Ih Apinh chông ba inh.

Horiso 31:3 ပူးပေါင်းရင်းမြစ်များ

Ne 9:12

Kơ'năr Ih yua hơmơ̆l chông anhăk lu sư păng kơmăng Ih yua jrăng ŭnh, wă pơchrang hơdah kơ lu sư yak năm rok trong.

Ne 9:19

Mă-lei Ih yua tơdrong Ih 'mêm, ưh kơ đei achăng lê̆ lu sư lăm char glă, jrăng hơmơ̆l chông anhăk rok trong kơ'năr, ưh kơ weh đơ̆ng lu sư ôh, kơmăng jrăng ŭnh pơchrang hơdah păng tơ'bôh trong kơ lu sư yak kiơ̆.

Horiso 102:3

Yua kơ khei năr inh oei arih hiong hach thoi 'nhui, Kơting inh ngŭr thoi ŭnh sa ngar.

Horiso 116:2

Inh gô krao apinh Kră Yang đĭ chăl arih inh. Yua kơ Sư pơgling đon mơ̆ng inh.

Horiso 139:24

Apinh Ih lăng lăng inh hăm đei yoch kơnê̆ kiơ ưh? Apinh Ih chông anhăk inh lăm trong arih ling-lang. Anih jrŭ wă khan lăm tơpu kon.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 25:11

Yua kơ anăn Ih, Ơ Kră Yang, Mơnat ăn tơdrong yoch kơnê̆ inh, mă khan yoch noh tih dêh.

Horiso 25:5

Apinh chông ba inh lăm trong tơpăt Ih păng bơtho tơ'bôh kơ inh, Yua kơ Ih boih Kră Yang 'Bok Kei-Dei dŏng pơklaih inh. Rim năr inh chang gô Ih.

Horiso 25:9

Sư gô ba lu iơ̆m dim, lăm trong tơpăt, Bơtho tơ'bôh trong Sư kơ lu bơngai chu yom.

Horiso 43:3

Apinh Ih pơchrang tơdrong hơdah păng tơdrong tơpăt Ih. Chông ba inh, truh tơ kông 'lơ̆ng rơgoh păng anih Ih oei.

Horiso 71:3

Ih thoi tơmo tih, anih inh kơ'nơp; tơ lăm noh ling-lang; Ăn nơ̆r tơtă wă pơklaih inh. Yua kơ Ih jơ̆ kơđông păng tơmo pĕng inh.

Horiso 79:9

Ơ Kră Yang 'Bok Kei-Dei Tơ'ngla dŏng pơklaih nhôn, yua kơ wă ư-ang anăn Ih apinh Ih tơgŭm nhôn. Yua kơ anăn Ih, apinh Ih dŏng pơklaih lu nhôn, păng mơnat ăn kơ tơdrong yoch lu nhôn.

Êsai 49:10

Lu sư gô ưh kơ đei pơngot, ưh kơ đei ol kơ đak, hơyuh tŏ dah măt 'năr ưh kơ đei pơm kơ lu sư tŏ. Yua kơ Tơ'ngla 'mêm mơnat lu sư, gô chông anhăk ba lu sư năm truh tơ jê̆ cheng đak glung.

Je 14:7

Ơ Kră Yang mă khan tơdrong kơnê̆ lu nhôn plơ̆ tơbăt kơ lu nhôn, apinh Ih tơgŭm nhôn yua kơ anăn Ih! Tơpă lu nhôn pơm kơnê̆ tih dêh; lu nhôn pơm yoch hăm Ih boih.

Yo 16:13

Mă-lei lăp Yang Bơhngol 'Lơ̆ng mă tơbăt ăn kơ iĕm tơdrong 'Bok Kei-Dei ei truh, Sư bơtho ăn kơ iĕm tôm tơdrong 'Bok Kei-Dei. Sư ưh kơ bơtho tơdrong Sư kơdih ôh, Sư bơtho iĕm dôm tơdrong Sư kơtơ̆ng đơ̆ng 'Bă Inh. Sư kư̆m bơtho gah tơdrong ning-mônh mơ̆n.

Êphêsô 1:12

Sư pơm thoi noh, Sư wă kơ bơ̆n ư-ang tơdrong Sư 'mêm mơnat kơ bơ̆n tơpă, na mă nhôn bơngai Juđê lui kơ 'Bok Krist hơdrol kơ lu bơngai nai kư̆m thoi iĕm, iĕm thoi nhôn.

Jôsuê 7:9

Tơdah kon pơlei Kanaan păng đĭ-đăng kon pơlei oei lăm char âu, gô kơtơ̆ng tơdrong âu, lu sư gô wang nhôn păng sŭt lê̆ anăn lu nhôn đơ̆ng teh âu, lei Ih wă pơm thoi yơ, yua kơ Anăn Ih Tih hloh.