Horiso 31:24 - Sơ̆p Hlabơar Nơ̆r 'Bok Kei-Dei

²⁴ Ơ lu bơngai mă chang gô Kră Yang. Chơ̆n jơhngơ̆m, hơđơ̆ng đon bĕ.

Horiso 31:24 ပူးပေါင်းရင်းမြစ်များ

II Ho 34:31

Pơtao dơ̆ng 'bơ̆t anih sư, pơm tơdrong pơgơ̆p dơ̆ng 'bơ̆t anăp Kră Yang, pơkă pơkăm kiơ̆ Kră Yang đĭ jơhngơ̆m klơm klak wei răk nơ̆r tơtă, tơdrong pơkă khan păng khôi juăt, wă pơm kiơ̆ trŏ thoi nơ̆r pơgơ̆p mă đei chih lăm sơ̆p hla bơar âu.

Esther 6:10

Pơtao khan kơ Haman, năm tĕnh tĕnh bĕ! Iŏk ao păng aseh thoi ih đei khan, na pơhrŭk ăn kơ Morđêkai, bơngai Juđa, mă oei ngôi 'bơ̆t 'măng jang hnam pơtao. Ih 'nĕ kơ hŭt minh tơdrong kiơ lăm dôm nơ̆r ih đei pơma noh.

Horiso 138:3

Lăm năr inh krao apinh, Ih tơl tơwih, Ăn kơ jơhngơ̆m inh rai nuih pran kơtang.

Horiso 146:5

Pŭn dêh kơ bơngai bu đei Kră Yang 'Bok Kei-Dei Jakôp tơgŭm Sư. Bơngai bu hơmĕng kơ Kră Yang 'Bok Kei-Dei sư!

Horiso 27:14

Chang gô bĕ Kră Yang Athei chơ̆n jơhngơ̆m păng hơđơ̆ng đon! Tơpă, chang gô bĕ Kră Yang.

Horiso 29:11

Kră Yang gô ăn tơdrong kơtang kơ kon pơlei pơla Sư. Kră Yang gô ăn pŭn hiôk, rơnŭk rơnua kơ kon pơlei pơla sư.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

Kôlôsê 1:11

Na nhôn apinh tơdrong mơsêh mơyang 'Bok Kei-Dei ăn kơ iĕm jơhngơ̆m pran adrin kiơ̆ tôm tơdrong Sư, wă kơ iĕm huay kơ achăng lê̆ Sư, mă đe pơm pơmat kơ iĕm dang yơ, ăn kơ iĕm oei hiôk oei kơjăp lăm tơdrong lui khŏm khŏm.

I Pet 1:21

'Bok Kei-Dei boih tơiung arih Sư đơ̆ng lôch păng ăn kơ Sư tŏk pơgơ̆r tơ plĕnh. Yua kơ Yêsu Krist jur huai iŏk bơ̆n boih, na bơ̆n băt lui kơ 'Bok Kei-Dei hăm băt kơ Sư gô atŏk lu bơ̆n tơ kơpal plĕnh.