Horiso 31:23 - Sơ̆p Hlabơar Nơ̆r 'Bok Kei-Dei

²³ Ơ lu bơngai 'lơ̆ng rơgoh Kră Yang, 'mêm bĕ kơ Sư. Kră Yang wei-lăng lu bơngai tơnen tơnăp. Mă-lei pơm 'mong tơpă kơ lu đe bu mă oei sa pơang.

Horiso 31:23 ပူးပေါင်းရင်းမြစ်များ

Horiso 145:10

Ơ Kră Yang, lu tơmam đêl Ih pơjing gô bơnê ư-ang kơ Ih; Dôm lu bơngai rơgoh gô hơri bơnê kơ Ih.

Horiso 145:20

Kră Yang wei-lăng lu bơngai mă 'mêm kơ Sư, Mă-lei gô pơlôch pơrăm lu bơngai pơm kơnê̆.

Horiso 30:4

Ơ lu bơngai 'lơ̆ng rơgoh Kră Yang, hơri bơnê bĕ kơ Sư. Bơnê kơ anăn 'lơ̆ng rơgohc Sư.

Horiso 34:9

Ơ lu bơngai 'lơ̆ng rơgoh lăm Kră Yang, hli yom bĕ kơ Sư! Yua kơ bơngai bu mă hli yom kơ Sư ưh kơ đei kơ'bah kiơ.

Horiso 54:5

Sư gô pơm tơwihc kơ lu bơngai ayăt kơ inh; Apinh pơlôch bĕ lu sư, kiơ̆ thoi tơdrong 'lơ̆ng tơpăt Ih.

Horiso 89:7

Kră Yang 'Bok Kei-Dei trŏ kơ hli yom tơpă lăm khŭl Yang 'lơ̆ng rơgoh. Sư Kră Yang Tih Hloh. Trŏ kơ hli krưp hloh kơ lu Yang tăp dăr kơ Sư.

Horiso 94:2

Iung bĕ, ơ Yŏng Sek Tơlang kơ teh đak. Pơm tơwih bĕ kơ lu bơngai pơang kiơ̆ trŏ thoi lu sư pơm.

Horiso 97:10

Ơ lu bơngai mă 'mêm kơ Kră Yang areh bĕ kơ tơdrong kơnê̆; Sư wei wêr tơdrong arih bơngai 'lơ̆ng rơgoh Sư. Păng dŏng pơklaih lu sư đơ̆ng ti lu bơngai pơm kơnê̆.

Êsai 38:10

Inh khan “'Nao minh puăt chăl arih inh. Na inh năm 'măng jang dêh atâu boih, dôm lu khei sơnăm inh oei arih pă đei boih.

Êsai 56:6

Dôm Lu bơngai tơmoi mă đei pơgơ̆p hăm Kră Yang bơih, wă chu kiơ̆ kơ Sư 'mêm kơ anăn Kră Yang păng wă pơm đĭch đam Sư; lu bơngai noh wei răk năr pơdơh Sa'bat huay kơ pơm glăi, păng chĕp kơjăp nơ̆r pơgơ̆p Inh.

Êsêkiên 37:11

Kră Yang khan kơ inh: “Ơ kon bơngai, lu kơting âu boih đĭ kơ adrĕch Isơrael. To, lu sư khan: ‘Kơting lu bơ̆n kro boih, tơdrong hơmĕng lu bơ̆n hiong đĭ boih, lu bơ̆n lôch răm đĭ boih!’

Markôs 12:23

Ih khan kon bơngai gô iung arih, na mưh lu sư iung arih đơ̆ng lôch ning-mônh, akăn lu sư noh jing akăn bu kơ lu sư mă tơpă, yua kơ tơpơh 'nu drŏ-nglo iŏk minh 'nu drŏ-kăn?”

Both 10:12

Ơ bơngai Isơrael, dang ei Kră Yang 'Bok Kei-Dei iĕm tơtă athei pơm kiơ? Athei băt hli yom kơ Kră Yang 'Bok Kei-Dei iĕm, yak kiơ̆ đĭ trong Sư, 'mêm kơ Sư păng bơ̆jang kơ Kră Yang 'Bok Kei-Dei iĕm hăm đĭ jơhngơ̆m, đĭ bơhngol iĕm,

Both 30:16

Năr 'nâu inh athei iĕm 'mêm kơ Kră Yang 'Bok Kei-Dei, yak kiơ̆ trong Sư păng wei răk dôm lu nơ̆r tơtă, khôi juăt Sư păng nơ̆r Sư athei, wă kơ iĕm arih sot hrôh ngôh, Kră Yang 'Bok Kei-Dei ăn pŭn hiôk kơ lăm dêh char mă iĕm gô mơ̆t iŏk.

Both 32:41

Kơplah inh pat đao rang mơnhal Ti Inh chĕp đao, Inh hơ-oei sek tơlang. Inh gô pơm 'mong kơ lu bơngai ayăt păng pơm tơwih kơ lu bơngai areh kơ Inh.

Both 33:3

Sư 'mêm kơ kon pơlei pơla Sư tơpă; đĭ-đăng lu linh jang oei lăm tơpang ti Sư; Sơtơ̆p kŭl-tăng kơkuh 'bơ̆t jơ̆ng Sư. Sơng iŏk nơ̆r bơtho khan đơ̆ng Sư.

I Tes 4:1

Ơ 'nhŏng oh, âu dơ̆ng: Hơtai ki nhôn bơtho iĕm khan bơ̆n athei kiơ̆ tôm tơdrong 'Bok Kei-Dei wă kơ Sư lăp đon. Mă-lei dang ei iĕm kư̆m kiơ̆ thoi noh boih. Bơ̆n 'nhŏng oh yua kơ bơ̆n lui kơ Kră Yang Yêsu, na nhôn bơtho khan kơ iĕm, wă kơ iĕm pơm kiơ̆ tôm tơdrong 'Bok Kei-Dei khŏm khŏm, na tơdrong lui bơ̆n rai đunh rai kơjăp.

Ju 1:1

Inh Jut, oh Yakơ, hăm đĭch đam Yêsu Krist, chih hơpong kơ lu bơngai mă 'Bă tơm bơ̆n 'Bok Kei-Dei 'mêm rơih iŏk sư boih, wă khan lu bơngai mă Yêsu Krist wei-lăng.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

I Sam 2:9

Sư wei-lăng jơ̆ng lu bơngai kiơ̆ Sư tơpăt; Mă-lei lu bơngai kơnê̆ sư gô tơlơ̆ lê̆ lăm măng mu. Kon bơngai ưh kơ kĕ ôh yua tơdrong pran kơdih.