Horiso 31:21 - Sơ̆p Hlabơar Nơ̆r 'Bok Kei-Dei

²¹ Bơnê ư-ang kơ Kră Yang. Yua kơ tơ lăm pơlei kơjăp Sư. Sư tơ'bôh ăn boih kơ inh tơdrong 'mêm mơnat hlĭch chrơp Sư!

Horiso 31:21 ပူးပေါင်းရင်းမြစ်များ

Jop 5:21

Sư pơklaih ih đơ̆ng 'bơ̆r hơpiĕt bơngai pơma kơnê̆, Ih huay kơ hli ôh mă tơdrong răm truh.

Horiso 118:23

'Nâu tơdrong jang Kră Yang đei pơm, Minh tơdrong hlĭch chrơp 'bơ̆t anăp lu bơ̆n.

Horiso 17:7

Ơ Kră Yang Apinh Ih pơdah tơdrong 'mêm hlĭch chrơp Ih, kơ bu mă năm ôn akâu sư tơ ti 'ma Ih. Đơ̆ng lu bơngai mă ayăt kơ lu sư.

Horiso 27:5

Yua kơ lăm năr đei tơdrong truh, Kră Yang gô krôp inh lăm bơsŭn Sư, Ôn inh hlơp lăm kơđông Sư; păng pôk hơtŏk inh tơ kơpal tơmo tih.

Horiso 98:1

Hơri bĕ kơ Kră Yang minh 'bai hơri 'nao; Yua kơ Sư pơm boih tơdrong hlĭch chrơp. Ti 'ma păng kơkŏng ti 'lơ̆ng rơgoh Sư, ăn jei Sư boih.

Je 1:18

Âu, năr 'nâu, Inh ăn kơ ih thoi minh pôm pơlei kơjăp, jrăng hăm mam, man dur hăm kong, wă tơblah hăm đĭ-đăng lu dêh char, hăm lu pơtao dêh Juđa, hăm lu 'bok soi, hăm lu kon pơlei pơla.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.