Horiso 31:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang, inh ôn kơ'nơp lăm Ih. 'Nĕ ăn kơ inh mơlâu ling-lang. Apinh tơdrong tơpăt Ih tơgŭm dŏng inh.

Horiso 31:1 ပူးပေါင်းရင်းမြစ်များ

Horiso 143:1

Ơ Kră Yang, apinh Ih mơ̆ng nơ̆r inh krao khan, pơgling đon Ih mơ̆ng dôm nơ̆r inh krao apinh Ih mơnat. Lăm tơdrong 'lơ̆ng tơpăt, yua kơ Ih tơpăt sĭt, apinh Ih tơl tơwih nơ̆r inh hơpơi.

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Horiso 43:1

Ơ Kră Yang 'Bok Kei-Dei! Sek tơlang kơ inh bĕ, Păng dŏng inha đơ̆ng lu kon pơlei ưh kơ lui.b Apinh pơklaih inh đơ̆ng lu bơngai hơlĕnh pơm kơnê̆.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Da 9:16

Ơ! Kră Yang 'Bok Kei-Dei, kư̆ kiơ̆ tơdrong tơpăt Ih, inh apinh Ih pơm kơ tơdrong Ih hil weh đơ̆ng pơlei Jêrusalem Ih, wă khan kông rơgoh Ih; yua kơ tơdrong yoch lu nhôn păng tơdrong kơnê̆ lu 'bok yă nhôn, na mă pơlei Jêrusalem păng kon pơlei pơla sư pŭ iŏk tơdrong pơ'brơh đơ̆ng lu bơngai oei tăp dăr kơ lu nhôn.

Rom 10:11

Hla bơar 'Bok Kei-Dei roi gah tơdrong 'Bok Krist thoi âu: “Bu lui kơ Sư, bơngai noh huay kơ hli minh tơdrong kiơ ôh.”

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.