Horiso 30:1 - Sơ̆p Hlabơar Nơ̆r 'Bok Kei-Dei

¹ Ơ Kră Yang, inh kơkuh bơnê kơ Ih, yua kơ Ih tơiung inh. Ưh kơ ăn kơ lu ayăt kơ inh chhôk yua kơ inh.

Horiso 30:1 ပူးပေါင်းရင်းမြစ်များ

II Sam 20:3

Lăp Đawit brŏk tơ hnam pơtao sư tơ pơlei Jêrusalem boih pơtao wơh bơngai chă mơjĭt 'nu akăn kơnhŏng pơtao lê̆ kơ lu sư wei-lăng hnam pơtao ki, pơtao ăn kơ lu sư oei minh pôm hnam đei bơngai wei-lăng; pơtao ăn kơ lu sư tơmam sa mă-lei ưh kơ đei oei hơdai hăm lu sư. Lu sư oei adro adrô̆ klo lu sư oei arih ră; păng chĭt lu sư lăm anih hrĕp truh kơ năr lôch.

II Sam 24:25

Đawit pơm minh pôm chơnang soi kơkuh, wă kơkuh kơ Kră Yang, pơtao pơyơ̆r kơ Kră Yang tơmam soi 'buh. Păng tơmam soi hiôk-hian. Kră Yang tơl tơwih nơ̆r pơtao krao apinh ăn kơ teh đak, păng tơdrong jĭ hơbuh pơdơh ưh pă pơrăm kon pơlei Isơrael dơ̆ng.

II Sam 5:11

Hiram pơtao pơlei Tirơ, wơh bơngai năm tơ Đawit, chĕp ba 'long hơngo, chông ba thơ̆ jang 'long, thơ̆ teh tơmo wă man hnam pơtao kơ Đawit.

II Sam 6:20

Đawit kư̆m dai brŏk wă sơkat pŭn hiôk kơ hnam dơnŏ sư kơdih; mă-lei Mikal kon adruh Sôl, năm sơng Đawit, na khan: “Năr 'nâu pơtao đe Isơrael pơm kơdih akâu wă kơ đei ư-ang, mah suang akâu hoh 'bơ̆t anăp lu đam drŏ-kăn sư, pơm thoi bơngai ưh kơ rơ-a kiơ!”

II Sam 7:2

na pơtao khan kơ Nathan bơngai khan lê̆ adrol: “Lăng deh inh oei lăm hnam pơm păng 'long hơngo, gah Hom pơgơ̆p Kră Yang 'Bok Kei-Dei oei lăm bơsŭn pơm hăm che.”

I Pot 8:63

Pơtao Sôlômôn sư, pơyơ̆r tơmam soi kơ Kră Yang, đei 'bar-jĭt 'bar-rơbâu tŏ rơmo tơno, đei minh-hrĕng 'bar-rơbâu tŏ triu, păng bơbe. Đĭ-đăng lu kon pơlei hăm pơtao Sôlômôn chơt hiôk pơyơ̆r pơm keh hnam akŭm Kră Yang.

I Ho 21:6

Mă-lei tam mă đei jô̆ ôh bơngai Lêwi hăm Bênjamin yua kơ Jôap lăng krưp dêh kơ nơ̆r pơtao tơtă.

Horiso 13:4

Hli kơ bơngai ayăt kơ inh khan: “Sư noh jei inh boih.” Lu ayăt kơ inh 'nă hal wă inh pơ̆k huŏng.

Horiso 140:8

Ơ Kră Yang, apinh Ih 'nĕ ăn kơ tơdrong lu bơngai pơm kơnê̆ wă. 'Nĕ ăn tơdrong lu sư pơđâu gơh jing, kơnh lu sư pơang. Sêla

Horiso 145:1

Ơ Kră Yang 'Bok Kei-Dei inh, pơtao inh. Inh gô pôk ư-ang kơ Ih. Păng hơri bơnê kơ anăn Ih ling-lang hlŏng hloi.

Horiso 25:2

Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Horiso 27:6

Dang ei kơ̆l inh gô ngơk kơjung. Hloh kơ lu ayăt mă wang tăp kơ inh. Lăm kơđông Sư inh pơyơ̆r tơmam soi. Hăm nơ̆r ôr chơt hiôk, Inh gô hơri, bơnê kơ Kră Yang.

Horiso 28:9

Apinh ih dŏng pơklaih kon pơlei pơla Ih păng tuh ăn pŭn hiôk kơ tơmam Ih yua. Apinh Ih wei rong păng tơgŭm dŏng lu sư ling-lang hlŏng hloi.

Horiso 35:19

'Nĕ ăn kơ lu bơngai pơm kơnê̆ kơ inh tơdrong kơ đei chơt hiôk. Kŭm 'nĕ kơ lê̆ lu areh kơ inh, kơ'mreh măt tơdrong kơ đei yua kơ Ih.

Horiso 41:11

Tơdah lu ayăt ưh pă kĕ jei đơ̆ng noh boih inh băt kơ Ih lăp đon kơ inh.

Horiso 66:17

'Bơ̆r inh krao apinh Sư, păng hơpiĕt inh ư-ang kơ Sư.

Horiso 79:10

Yua kơ kiơ lu teh đak pơ̆n khan: “Kră Yang 'Bok Kei-Dei lu sư tơ yơ?” 'Bơ̆t anăp lu nhôn ăn kơ kon bơngai băt iung kơting kơ lu đĭch đam Ih, mă đe pơlôch boih.

Horiso 79:4

Lu nhôn jing bơngai pơm pơhiĕk ăn kơ rông 'bôt. Jing bơngai lu dêh char tăp dăr đe che bơle păng pơjăm.

Nhom 2:15

Lu bơngai yak rok trong 'bôh iĕm lu sư tap ti, Hiĕk ăr tơtreh kơ̆l, Yua kơ 'bôh kon adruh Jêrusalem, Hăm trŏ kơ 'nâu pơlei tih mă đe khan pơlei tih pơlei 'lơ̆ng rŏ, đei chơt hiôk kơjăp kơ teh đak?

Da 4:37

Dang ei inh, Nebukatnessar, bơnê kơkuh kơ Kră Yang 'Bok Kei-Dei Pơtao rang mơnhal kơpal plĕnh; dôm tơdrong jang Sư tă kơ sĭt tơpă, lu trong gơlong Sư tơpăt; păng bơngai bu mă yak lăm trong pơang, Kră Yang 'Bok Kei-Dei gô tơjur lê̆ sư.

Both 20:5

Lu yŏng pơgơ̆r linh khan kơ lu linh: Bơngai bu 'nao pơm hnam tam mă et sa pơkeh? Brŏk bĕ tơ hnam sư, kơnh hli kơ lôch lăm năr tơblah, na lê̆ kơ bơngai nai et sa pơkeh.