Horiso 28:5 - Sơ̆p Hlabơar Nơ̆r 'Bok Kei-Dei

⁵ Yua kơ lu sư ưh kơ wă mơ̆ng kơ tơdrong jang Kră Yang. Mă đơ̆ng ti Kră Yang pơm. Na Kră Yang gô pơrăm lê̆ lu sư, Ưh pă pơdơ̆ng ming lu sư dơ̆ng.

Horiso 28:5 ပူးပေါင်းရင်းမြစ်များ

II Sam 7:13

Sư noh kơnh gô pơm hnam kơ anăn Inh oei păng Inh gô ăn kơ tang-dŏ dêh char pơtao sư kơjăp ling-lang.

II Sam 7:27

Kơkuh kơ Ih, ơ Kră Yang Tih Hloh jơ̆ Kră Yang 'Bok Kei-Dei bơngai Isơrael, kơdih Ih 'mơ̆i đei tơ'bôh tơbăt nơ̆r 'nâu hăm đĭch đam Ih khan, Ih gô pơjing pơdơ̆ng hnam đĭch đam Ih kơjăp, na mă đĭch đam Ih âu jing pơ̆n pơyơ̆r kơ Ih dôm nơ̆r apinh 'nâu.

I Pot 11:38

Tơdah ih chu kiơ̆ nơ̆r Inh pơkă, năm lăm trong Inh, pơm 'lơ̆ng tơpăt 'bơ̆t anăp Inh, hăm wei răk khôi juăt Inh păng nơ̆r Inh tơtă thoi Đawit đĭch đam Inh đei pơm, lei Inh gô oei hơdai ih. Inh gô pơm kơ adrĕch hnam ih kơjăp thoi Inh đei pơm kơ Đawit păng Inh gô ăn bơngai Isơrael kơ ih.

Horiso 10:5

Trong sư đei jinga ling-lang; Tơdrong Ih sek tơlang Kră Yang tih tơpă hloh kơ, măt lu sư 'bôh; Sư hiĕk pơjăm đĭ-đăng lu ayăt kơ sư.

Horiso 104:24

Ơ Kră Yang, tơdrong jang Ih lơ tơpă. Hăm tơdrong gơh hơgei Ih pơjing tôm tơmam. Kơpal teh 'bĕnh-'bang kơ tơmam Ih.

Horiso 8:3

Dah inh lăng tơ plĕnh đơ̆ng lu hơnglâu ti Ih pơjing Măt khei păng lu sơnglŏng mă Ih đei pơjing boih.

Êsai 22:11

Lu iĕm pơm sơlŭng dơnâu plah sơlam dur pơlei wă mong iŏk đak đơ̆ng đak dơnâu so. Mă-lei iĕm ưh kơ gơnang ôh kơ Tơ'ngla pơm tơdrong noh, iĕm kư̆m ưh kơ lăng ôh tơ Tơ'ngla hơmet lê̆ wă pơm tơdrong noh đơ̆ng sơ̆.

Êsai 40:26

Ngơk bĕ măt tơ kơpal plĕnh, na lăng bu pơjing bơih lu tơmam âu? Bu Tơ'ngla ba lu sơnglŏng đei dôm noh păng krao anăn rim kơ lu noh, yua kơ Sư pran tih dêh păng Sư mơsêh mơyang. Ưh kơ đei hơnglŏng kiơ ưh kơ đei.

Êsai 45:12

Inh bơih Tơ'ngla pơjing teh đak păng pơjing kon bơngai oei kơpal teh. Đơ̆ng ti Inh kơdih pơm, bơlang lu plĕnh păng pơjing lu sơnglŏng.

Êsai 45:18

'Nâu Kră Yang khan: Inh bơih Tơ'ngla pơjing lu plĕnh, Sư bơih Kră Yang 'Bok Kei-Dei sư pơjing plei teh. Sư pơjing plei teh ưh kơ lê̆ hoh bơbông đĕch ôh, sư pơjing wă kơ đei kon pơlei oei, Kră Yang pơma thoi âu: Inh bơih Kră Yang, ưh kơ đei yang nai ôh.

Êsai 45:8

Ơ lu plĕnh tơ kơpal ti, ăn bĕ hơmơ̆l tuh tơdrong 'lơ̆ng tơpăt thoi 'mi. Ơ teh pơih bĕ mă să, wă kơ găr tơdrong dŏng pơklaih, păng găr tơdrong 'lơ̆ng tơpăt chăt bluh tơmơ̆ng! Inh bơih Kră Yang Tơ'ngla pơjing tơdrong noh.

Êsai 5:12

Lăm năr et sa lu sư reh brŏ, hlôm lillul teh hơgơ̆r hăm et tơdrô, mă-lei lu sư ưh kơ tơchĕng tơdrong Kră Yang pơm; lu sư kư̆m ưh kơ 'bôh đêl dôm tơdrong đơ̆ng ti Kră Yang pơjing.

Je 31:4

Inh gô pơdơ̆ng ming iĕm, na lu iĕm gô đei dơ̆ng, ơ bơngai Isơrael 'lơ̆ng rơgoh Lu iĕm gô iŏk hơgơ̆r iĕ tơdŭ suang thoi sơ̆ hơdai hăm lu bơngai chơt hiôk.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Jo 23:23

Ưh kơ đei bơngai pơjâu lăm Jakôp. Lăm Isơrael kư̆m ưh kơ đei bơngai tơwir hơlĕnh yua kơ dang ei trŏ boih đe gô pơma khan gah Jakôp păng Isơrael thoi âu: Lăng đei tơdrong Kră Yang pơm hlĭch tơpă! Pă băt dang yơ.

Yo 12:37

Yêsu pơm lơ tơdrong mơsêh mơyang 'bơ̆t anăp lu sư ră, mă-lei lu sư ưh kơ lui kơ Sư.

Rom 1:20

Đơ̆ng Sư pơjing plĕnh teh sơ̆ khơ̆ dang ei kon bơngai băt tôm tơmam đơ̆ng 'Bok Kei-Dei ngăl. Thoi noh kon bơngai băt nhên kơ 'Bok Kei-Dei Sư Yang tơm mơsêh mơyang ưh kơ tôch. Mă-lei kon bơngai bơ̆n oei khan ưh kơ đei 'Bok Kei-Dei 'mơ̆i, kon bơngai bơ̆n hơlĕnh dêh tơpă.

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.