Horiso 28:4 - Sơ̆p Hlabơar Nơ̆r 'Bok Kei-Dei

⁴ Apinh Ih phak lu sư kiơ̆ thoi kơ tơdrong jang lu sư pơm, Kiơ̆ thoi tơdrong lu sư pơm kơnê̆ noh; Phak bĕ lu sư kiơ̆ thoi đêl ti lu sư pơm boih. Tơwih ăn kơ lu sư tơdrong kiơ̆ trŏ đêl pơm.

Horiso 28:4 ပူးပေါင်းရင်းမြစ်များ

II Sam 3:39

Mă inh 'nâu đei tuh đak rơmă pôk pơm pơtao, mă-lei inh 'bôh inh rơdu tơrăn pơting hăm lu bơngai 'nâu, lu kon drŏ-nglo Sêruia; lu sư pơm kơtang hloh kơ inh Apinh Kră Yang pơm tơwih kơ lu bơngai pơm kơnê̆ 'nâu, kiơ̆ tơdrong kơnê̆ lu sư!”

Esơra 9:13

Na đơ̆ng rŏng kơ tơdrong truh phak lu nhôn, noh yua kơ đơ̆ng tơdrong lu nhôn pơm yoch tih dêh, Ih 'bôh ơ Kră Yang 'Bok Kei-Dei lu nhôn! Tơpă Ih ưh kơ wă phak lu nhôn trŏ thoi tơdrong yoch lu nhôn đei pơm ôh păng ăn kơ lu nhôn oei klaih klăi thoi âu;

Horiso 103:10

Sư huay pơm kơ lu bơ̆n kiơ̆ thoi yoch lu bơ̆n ôh; Kŭm ưh kơ hil 'mong kiơ̆ kơ tơdrong kơnê̆ lu bơ̆n pơm boih.

Horiso 21:10

Ih gô pơrăm kon sâu lu sư đơ̆ng teh đak, Păng adrĕch adrung lu sư đơ̆ng kon bơngai.

Horiso 5:10

Ơ Kră Yang, phak lu sư bĕ; Ăn kơ lu sư pơ̆k huŏng tơ lăm tơdrong lu sư pơđâu; Pơpuh bĕ lu sư yua kơ tơdrong yoch kơnê̆ lu sư lơ tơpă, Yua kơ lu sư blah Ih.

Horiso 62:12

Ơ Kră Yang tơdrong 'mêm mơnat lăm Ih; Yua kơ Kră Yang apah kơ rim 'nu kiơ̆ thoi đêl lu sư jang.

Nhom 3:64

Ơ Kră Yang, Ih gô pơm tơwih kơ lu sư thoi tơdrong đêl lu sư pơm.

Êsêkiên 38:10

Kră Yang khan: “Lăm năr noh ih đei tơchĕng ih wă chă đon pơm kơnê̆.

Rom 11:22

'Bok Kei-Dei 'mêm tơpă kơ kon bơngai, mă-lei Sư kư̆m hil kơ kon bơngai mơ̆n. Sư hil kơ lu bơngai mă kuă kơ lui kơ Sư. Gah lu iĕm Sư ưh kơ hil ôh yua kơ iĕm oei lui păng gơnang kơ Sư tơpă. Dah iĕm kuă kơ lui, Sư kư̆m chre hŭt dơng iĕm mơ̆n.

II Tim 4:14

'Bok Aleksandrê sư bơngai thơ̆ hơjơ̆m, sư pơm kơnê̆ tơpă kơ inh, mă-lei inh huay kơ ơh ôh. Sư pơm kơnê̆ kơ inh dang yơ 'Bok Kei-Dei phak sư dang noh mơ̆n.

Tơdrông Tơ'bôh 18:6

Mă sư pơm kơnê̆ dang yơ, gô pơm 'mong kơ sư phak sư dang noh, athei pơm tơwih kơ sư 'bar wơ̆t hloh. Sư pơgŏ iĕm et sik kơnê̆, minh tuh 'mong kơ sư, thim 'bar pơnhan hloh kơ sư tuh kơ iĕm.

Tơdrông Tơ'bôh 22:12

Yêsu khan thoi âu: “Inh jê̆ jur boih. Inh chĕp tơmam apah lu sư, rim 'nu kiơ̆ kơ lu sư đei pơm.