Horiso 28:2 - Sơ̆p Hlabơar Nơ̆r 'Bok Kei-Dei

² Apinh ih mơ̆ng inh krao apinh. Mưh inh yơ̆r ti tơ Anih 'Lơ̆ng rơgoh Ih. Mưh inh krao apinh ih dŏng tơgŭm.

Horiso 28:2 ပူးပေါင်းရင်းမြစ်များ

I Pot 6:19

Pơtao kư̆m pơm hơmet Anih 'Lơ̆ng Rơgoh hloh wă tah hom tơdrong pơgơ̆p Kră Yang lăm noh.

I Pot 6:5

Tơ rok tơnăr Hnam akŭm, sư pơm anih tăp dăr păng anih rơgoh, sư kư̆m pơm lơ anih tăp dăr.

I Pot 8:38

Mưh đei minh 'nu dah đĭ-đăng lu bơngai Isơrael, lu sư băt kơ tơdrong lu sư pơm ưh kơ trŏ, lu sư yơ̆r ti tơklă hnam âu, lu sư krao khan hơdrĭ tơdrong kiơ,

II Ho 6:13

Sư pơm boih minh pôm hơdrơ̆l hăm kong, tor sư pơđăm hơgăt, wơ̆l pơđăm hơgăt, kơjung pêng hơgăt, dan 'bơ̆t tŏk-bŏk cham; sư dơ̆ng tơ noh sơtơ̆p kŭl-tăng 'bơ̆t anăp lu bơngai Isơrael akŭm, yơ̆r ti tơ plĕnh.

Horiso 125:5

Mă gah lu bơngai hơlơ̆k kiơ̆ lu trong kơnê̆, Kră Yang gô puh lu sư hơdai lu bơngai pơm kơnê̆. Ăn tơdrong hiôk-hian kơ lu bơngai Isơrael!

Horiso 130:2

Ơ Kră Yang! Apinh Ih mơ̆ng nơ̆r inh; Apinh Ih pơgling đon mơ̆ng nơ̆r inh krao apinh.

Horiso 134:2

Yơ̆r bĕ ti iĕm tơ gah anih rơgoh, kơkuh bơnê bĕ kơ Kră Yang!

Horiso 138:2

Inh gô drap kơkuh 'bơ̆t anih rơgoh Ih. Bơnê kơ anăn Ih yua kơ tơdrong 'mêm păng tơdrong sĭt tơpăt Ih. Yua kơ Ih đei pơm ăn kơ anăn păng nơ̆r Ih đei pơyom tih hloh kơ đĭ-đăng,

Horiso 140:6

Inh pơma hăm Ih, ơ Kră Yang: “Ih boih Kră Yang 'Bok Kei-Dei inh. Ơ Kră Yang! Apinh Ih mơ̆ng nơ̆r inh krao apinh.”

Horiso 141:1

Ơ Kră Yang, inh krao apinh Ih jah năm tơ inh. Apinh Ih pơgling đon mơ̆ng nơ̆r inh, mưh inh krao apinh Ih.

Horiso 141:2

Ăn kơ nơ̆r inh krao khan thoi tơmam 'bâu phu 'bơ̆t anăp Ih. Ăn kơ tơdrong inh yơ̆r ti thoi tơmam soi drơ̆m kơsơ̆!

Horiso 143:6

Inh yơ̆r ti inh gah Ih; Jơhngơ̆m inh rơhing kơ Ih thoi teh hrĕng kro. Sêla

Horiso 5:7

Gah inh gơnang kơ tơdrong 'mêm tih Ih, inh gô mơ̆t tơ lăm hnam Ih. Iŏk jơhngơ̆m hli yom kơ Ih na drap kơkuh 'bơ̆t anih 'lơ̆ng rơgoh Ih.

Horiso 63:4

Thoi noh, inh gô hơri bơnê kơ Ih đĭ chăl arih inh; Hăm anăn Ih inh gô yơ̆r ti krao khan.

Nhom 2:19

Iung ôr krao bĕ kơmăng, thoi đe pơtơm gak kơmăng. Tuh bĕ jơhngơ̆m iĕm thoi đak 'bơ̆t anăp Kră Yang. Yơ̆r bĕ ti gah Kră Yang yua kơ tơdrong arih lu kon hơ'lơ̆p iĕm, lu sư lôch hơngơ̆t yua kơ pơngot tơ mum kơ̆l trong tih.

Da 6:10

Kơplah Đaniel kơtơ̆ng tơdrong pơkăm noh pơtao kĭ anăn sư boih, na sư brŏk tơ hnam sư, lu 'măng-'mŏk iĕ gah Jêrusalem sư pơih đĭ. 'Bơ̆t noh, kư̆ rim năr pêng wơ̆t, sư hơtơ̆p kŭl-tăng krao khan, kơkuh bơnê kơ Kră Yang 'Bok Kei-Dei sư. Sư kư̆m pơm thoi sư juăt kơ pơm ki hmă.

Da 6:11

Kơplah dang ei lu đe noh pơtơm băl akŭm, 'bôh Đaniel oei krao khan kơ Kră Yang 'Bok Kei-Dei.

I Tim 2:8

Tơ rim anih akŭm tơduă iĕm, inh wă kơ lu drŏ-nglo krao khan kơ 'Bok Kei-Dei, lu bơngai drŏ-nglo bu mă đei jơhngơ̆m 'lơ̆ng tơpăt ưh kơ hil kơ đe.