Horiso 27:6 - Sơ̆p Hlabơar Nơ̆r 'Bok Kei-Dei

⁶ Dang ei kơ̆l inh gô ngơk kơjung. Hloh kơ lu ayăt mă wang tăp kơ inh. Lăm kơđông Sư inh pơyơ̆r tơmam soi. Hăm nơ̆r ôr chơt hiôk, Inh gô hơri, bơnê kơ Kră Yang.

Horiso 27:6 ပူးပေါင်းရင်းမြစ်များ

Bl 40:13

Pă pêng năr dơ̆ng Pharaôn gô tơlĕch ih đơ̆ng hnam phak, hơlơ̆k ăn kơ ih jang thoi đêl, ih gô pôk kơchŏk Pharaôn tơpơng tơ ti sư thoi so, thoi ih đei jang pơm bơngai lăng hơmet đak nhă sơ̆.

Bl 40:20

Truh tơ năr mă pêng, trŏ năr tơpŭ kơ Pharaôn, sư hơmet et sa chơt hiôk krao đĭ lu 'bok tih păng tơlĕch hloi 'bok lăng hơmet đak nhă hăm 'bok pơm 'bĕng đơ̆ng hnam phak.

II Sam 22:1

Pơtao Đawit pơyơ̆r kơ Kră Yang lu nơ̆r hơri 'nâu, đơ̆ng rŏng kơ Kră Yang dŏng pơklaih sư đơ̆ng ti bơngai ayăt păng đơ̆ng ti pơtao Sôl.

II Sam 22:49

Ih dŏng pơklaih inh đơ̆ng lu bơngai ayăt, ăn kơ inh kĕ jei blah lu bơngai ayăt. Dŏng pơklaih inh đơ̆ng lu bơngai pơm kơnê̆.

II Sam 7:9

Inh đei oei hơdai hăm ih, lăm rim anih ih năm pơrăm lê̆ lu ayăt kơ ih đơ̆ng anăp ih; Inh gô ăn kơ anăn ih đe ư-ang tih kư̆m thoi anăn bơngai yŏng mơng lăm teh đak.

II Pot 25:27

Lăm sơnăm mă pêng-jĭt tơpơh, jô̆ đơ̆ng sơnăm đe rôp phak Jêhôiachin pơtao đe Juđa. Lăm năr 'bar-jĭt tơpơh, khei mơjĭt-'bar, Êwil Mêrôđak tŏk pơm pơtao Babilôn, na sư tơlĕch hĭ Jêhôiachin đơ̆ng hnam phak.

I Ho 22:18

Đawit khan: “Ưh kơ trŏ Kră Yang 'Bok Kei-Dei iĕm oei hơdai hăm lu iĕm hă? Sư ăn kơ iĕm tơdrong rơnŭk rơnua puăn pah yua kơ Sư ăn kơ inh kon pơlei oei lăm char 'nâu păng tơring 'nâu, chu kiơ̆ 'bơ̆t anăp Kră Yang păng 'bơ̆t anăp lu kon pơlei pơla Sư.

Horiso 107:22

Ăn kơ sư pơyơ̆r tơmam soi bơnê iŏk 'bai hơri chơt hiôk na roi pơdah tơdrong jang Sư.

Horiso 110:7

Sư gô nhă đak hơbong ro rok trong, yua kơ thoi noh sư gơh ngơk kơ̆l.

Horiso 119:108

Ơ Kră Yang! Apinh Ih iŏk tơdrong bơnê pơyơ̆r kơ Ih đơ̆ng 'bơ̆r inh. Păng bơtho inh tơdrong juăt Ih.

Horiso 138:5

Lu sư gô hơri bơnê kơ trong Kră Yang. Yua kơ tơdrong ư-ang 'lơ̆ng rŏ Kră Yang tih-tin tơpă.

Horiso 21:1

Ơ Kră Yang, hăm pran kơtang Ih, pơtao gô chơt hiôk, Đơ̆ng tơdrong Ih dŏng pơklaih, sư gô chhôk hal pă băt dang yơ!

Horiso 21:13

Ơ Kră Yang, anăn Ih ư-ang lăm pran kơtang Ih! Lu nhôn gô hơri bơnê kơkuh tơdrong mơsêh Ih.

Horiso 3:3

Mă-lei, Ơ Kră Yang! Ih boih khêl pĕng tăp kơ inh; Ih jing tơdrong mă inh ư-ang, păng Ih ăn kơ inh gơh ngơk kơ̆l.

Horiso 3:4

Inh krao ôr Kră Yang! Đơ̆ng kông rơgoh Sư tơl nơ̆r inh. Sêla

Horiso 47:1

Ơ kon pơlei pơla, tap ti bĕ, iŏk nơ̆r jei tih na jreo chhôk kơ Kră Yang 'Bok Kei-Dei.

Horiso 57:8

Hơđơ̆r bĕ ơ bơhngol inh! Ơ tĭng-nĭng păng brŏ tơlei, hơdơ̆r bĕ! Inh kư̆m hơdơ̆r đơ̆ng hrôih.

Horiso 81:1

Hơri chơt hiôk bĕ kơ Kră Yang 'Bok Kei-Dei jơ̆ tơdrong pran kơtang lu bơ̆n; Athei ôr chơt hiôk bĕ kơ Kră Yang 'Bok Kei-Dei Jakôp.

Horiso 95:1

Bĕ bơ̆n hơri bơnê kơ Kră Yang. Bĕ bơ̆n hơri chơt hiôk kơ Tơmoa Sư dŏng pơklaih bơ̆n;

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Je 31:7

Kră Yang khan: “Bĕ bơ̆n hơri chơt hiôk kơ Jakôp; tơkĕch tơjroh bĕ kơ lu adrĕch adrung gĭt kăl, pôk bơnê pơyom bĕ na khan: ‘Kră Yang dŏng pơklaih boih kon pơlei pơla Sư, lu kon pơlei Isơrael mă oei arih.’

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Hêbrơ 13:15

Thoi noh na bĕ bơ̆n gơnang kơ Yêsu, pơyơ̆r kơ 'Bok Kei-Dei akâu bơ̆n hăm nơ̆r pơma ư-ang Sư ling-lang.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

Tơdrông Tơ'bôh 15:3

hơri tơdrong Môis đam 'Bok Kei-Dei sư bơnê kơ 'Bok Kei-Dei ăn jei sư sơ̆; păng hơri tơdrong Kon Triu mơ̆n. Tơdrong lu sư hơri ei thoi âu: “Ơ 'Bok Kei-Dei Kră Yang Tih Hloh, tôm tơdrong Ih pơm mơsêh mơyang tih-tin ngăl. Ơ 'Bok Pơtao mă pơgơ̆r ling-lang, tôm tơdrong Ih pơm tă ling tơpăt ngăl.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.