Horiso 27:12 - Sơ̆p Hlabơar Nơ̆r 'Bok Kei-Dei

¹² 'Nĕ jao inhb tơ lu ayăt kơ inh kiơ̆ thoi lu sư wă, Yua kơ nơ̆r pơm kơdranh hơlĕnh Păng lu bơngai trĕn wă pơm kơnê̆ kơ inh.

Horiso 27:12 ပူးပေါင်းရင်းမြစ်များ

Horiso 140:8

Ơ Kră Yang, apinh Ih 'nĕ ăn kơ tơdrong lu bơngai pơm kơnê̆ wă. 'Nĕ ăn tơdrong lu sư pơđâu gơh jing, kơnh lu sư pơang. Sêla

Horiso 25:19

Lăng bĕ tơ lu ayăt kơ inh, yua kơ lu sư lơ dêh; Lu sư areh kơ inh dêh tơpă.

Horiso 31:8

Ih ưh kơ đei jao inh tơ lu ayăt. Mă-lei ăn kơ jơ̆ng inh dơ̆ng tơ anih rơhơi.

Horiso 35:11

Lu bơngai hơlĕnh pơdăr lu sư iung apinh dôm tơdrong mă inh ưh kơ băt

Horiso 35:25

'Nĕ ăn kơ lu sư khan lăm jơhngơ̆m: “Ơ! To, tơdrong mă lu bơ̆n wă,”e Dah khan: “Lu bơ̆n luăn đĭ sư boih.”

Horiso 38:16

Inh khan: “'Nĕ ăn kơ lu sư chơt hiôk yua kơ inh! Pơư hloi kơ lu sư kơdih, mưh jơ̆ng inh tơpling.”

Horiso 41:11

Tơdah lu ayăt ưh pă kĕ jei đơ̆ng noh boih inh băt kơ Ih lăp đon kơ inh.

Horiso 41:2

Kră Yang gô wei-lăng păng wei wêr tơdrong arih sư. Sư gô đei pŭn hiôk kơpal teh păng Kră Yang ưh kơ đei lê̆ bơngai noh kiơ̆ thoi lu ayăt kơ sư wă,

Le 20:16

'Nĕ pơm kơdranh hơlĕnh kơ bôl buăl.

Jang 26:11

Sơ̆ inh kư̆m ling-lang năm jơ̆p tơ lu hnam akŭm chă teh lu sư wă kơ lu sư achăng lê̆ gah tơdrong lui kơ Yêsu. Inh areh tơpă kơ lu sư na inh kư̆m năm tơ pơlei dêh char nai wă pơm kơnê̆ kơ lu sư.

Jang 9:1

Sôl sư oei kơnam wă pơlôch lu bơngai lui kơ Kră Yang Yêsu. Sư năm apinh tơ 'bok soi tơm pơm ăn kơ sư hla bơar wă kơ gơh rôp lu bơngai lui. Na 'bok soi pơm ăn kơ Sôl hla bơar gơh năm rôp đe tơ rim hnam akŭm đe Juđê tơ Pơlei Đamas, anhăk tơ Pơlei Jêrusalem dôm lu bơngai lui kiơ̆ Yêsu mă drŏ-nglo mă drŏ-kăn.

Both 19:16

Tơdah đei minh 'nu roi sơlam hơlĕnh wă jâu kư̆ kă kơ minh 'nu khan pơm yoch glăi,

I Sam 26:19

Dang ei apinh inh mơ̆ng bĕ nơ̆r đĭch đam ih roi. Tơdah Kră Yang pơdrŭt ih pơrăm inh, hơpơi kơ Sư iŏk tơmam soi pơyơ̆r 'bâu phu; mă-lei dah đơ̆ng kon bơngai đĕch pơdrŭt Kră Yang gô hiap pơtê̆ lu sư; yua kơ năr 'nâu lu sư druh puh tơweh inh, ưh kơ ăn inh lăm teh đak mă Kră Yang ăn kơ lu kon pơlei pơla sư bơ̆jang sa păng lu sư khan: Năm, kơkuh kơ yang nai bĕ.