Horiso 25:2 - Sơ̆p Hlabơar Nơ̆r 'Bok Kei-Dei

² Ơ Kră Yang 'Bok Kei-Dei inh! Jơhngơ̆m inh lui gơnang kơ Ih; 'nĕ ăn kơ inh mơlâu, 'Nĕ ăn jei lu ayăt kơ inh.

Horiso 25:2 ပူးပေါင်းရင်းမြစ်များ

II Ho 13:18

Thoi noh, kơplah noh, lu linh Isơrael thuơ răm, jei lu linh păng kon pơlei Juđa, yua kơ lu sư gơnang kơ Kră Yang 'Bok Kei-Dei yă 'bok lu sư.

Horiso 13:5

Mă-lei inh gơnang kơ tơdrong 'mêm Ih. Jơhngơ̆m inh chhôk hal kơ tơdrong Ih dŏng pơklaih

Horiso 142:6

Apinh Ih mơ̆ng nơ̆r inh krao khan. Yua kơ inh pơmat-tat dêh; Apinh Ih dŏng pơklaih inh đơ̆ng lu bơngai pơmat inh. Yua kơ lu sư pran hloh kơ inh.

Horiso 18:2

Kră Yang thoi tơmo pĕng inh, jing kơđông inh, Kră Yang dŏng pơklaih inh; Kră Yang 'Bok Kei-Dei thoi tơmo pĕng inh, inh gô kơ'nơp tơ lăm Sư; khêl inh, hơke dŏng pơklaih inh păng anih kơjăp inh.

Horiso 22:1

Ơ Kră Yang 'Bok Kei-Dei! Kră Yang 'Bok Kei-Dei ơi! Liơ Ih achăng lê̆ inh? Yua kơ kiơ Ih dơ̆ng tơ ataih, Ưh kơ tơgŭm dŏng inh, ưh kơ mơ̆ng nơ̆r inh ôr krao?

Horiso 22:5

Lu sư krao apinh Ih, na Ih dŏng pơklaih lu sư. Lu sư gơnang kơ Ih huay kơ mơlâu.

Horiso 22:8

“Sư gơnang kơ Kră Yang, wă kơ Kră Yang dŏng pơklaih sư; Tơpă Kră Yang gô pơklaih sư; Yua kơ Kră Yang 'mêm kơ sư.”

Horiso 31:1

Ơ Kră Yang, inh ôn kơ'nơp lăm Ih. 'Nĕ ăn kơ inh mơlâu ling-lang. Apinh tơdrong tơpăt Ih tơgŭm dŏng inh.

Horiso 31:15

Chăl arihf inh, lăm ti Ih, Apinh Ih dŏng pơklaih inh dơ̆ng ti lu bơngai ayăt păng đơ̆ng lu bơngai pơmat inh,

Horiso 31:2

Apinh Ih pơgling đon mơ̆ng inh, mă kuăng kuăng dŏng pơklaih inh; Pơm bĕ thoi tơmo tih kơjăp ăn kơ inh kơ'nơp, Păng thoi kơđông kơjăp dŏng pơklaih inh.

Horiso 34:8

Pơlong lăng bĕ Kră Yang na 'bôh Sư 'lơ̆ng tơpăt dang yơ! Pŭn dêh kơ bu băt kơ'nơp lăm Sư!

Horiso 37:40

Kră Yang tơgŭm pơklaih lu sư; Sư pơklaih lu sư dơ̆ng lu bơngai kơnê̆ păng tơgŭm dŏng lu sư, Yua kơ lu sư kơ'nơp boih lăm Kră Yang.

Horiso 41:11

Tơdah lu ayăt ưh pă kĕ jei đơ̆ng noh boih inh băt kơ Ih lăp đon kơ inh.

Horiso 56:1

Ơ Kră Yang 'Bok Kei-Dei! Apinh Ih mơnat kơ inh; Yua kơ đe wă pơjuăa inh; Rim năr lu sư blah inh.

Horiso 7:1

Ơ Kră Yang Kră Yang 'Bok Kei-Dei inh, inh kơ'nơp lăm Ih; Apinh Ih dŏng pơklaih inh đơ̆ng lu bơngai kơnê̆ druh,

Horiso 71:1

Ơ Kră Yang! Inh kơ'nơp lăm Ih; 'Nĕ ăn kơ inh kơdơ̆ mơlâu.

Horiso 91:2

Inh gô khan gah Kră Yang: “Sư boih anih mă inh kơ'nơp păng kơđông kơjăp mă inh hơđơ̆ng. Sư boih Kră Yang 'Bok Kei-Dei mă inh gơnang.”

Horiso 94:3

Ơ Kră Yang! Lu bơngai pơm kơnê̆ dĭng truh dang yơ? Lu bơngai pơm kơnê̆ oei wă pơang dĭng dang yơ?

Êsai 26:3

Bơngai bu đei đon gơnang đĭ tơdrong sư tơchĕng. Kră Yang gô ăn kơ sư hiôk-hian lăm tôm tơdrong. Yua kơ sư gơnang kơ Kră Yang.

Êsai 28:16

Na Kră Yang khan thoi âu: “Inh dan tơ Siôn minh pôm tơmo tih, minh pôm tơmo đe pơlong lăng bơih, jơ̆ tơmo mum hnam gĭt kăl dêh, pơm hơnă jrăng kơjăp, bu lui gơnang jơhngơ̆m sư gô huay kơ hli ôh.

Êsai 37:10

Lu iĕm roi bĕ kơ Hesekia pơtao Juđa khan: 'Nĕ ăn ôh Kră Yang 'Bok Kei-Dei mă ih gơnang hơlĕnh kơ ih, khan: Pơlei Jêrusalem gô ưh kơ đei jao lăm ti pơtao dêh Asiri.

Êsai 37:20

Ơ Kră Yang, Kră Yang 'Bok Kei-Dei lu nhôn, dang ei apinh Ih dŏng pơklaih lu nhôn đơ̆ng ti Senakêrip, wă kơ rim teh đak băt kơ minh Ih đĕch Kră Yang!

Êsai 37:35

Inh gô dŏng tơgŭm pơlei tih âu păng dŏng pơklaih sư, yua kơ Inh khan boih păng yua kơ Inh pơkă boih hăm Đawit đĭch đam Inh.

Êsai 41:16

Lu iĕm gô um sư na gô tơthu pơđông lu sư, phŭt gô huơ̆r lu sư tơklah hiong đĭ, mă-lei gah lu iĕm gô chơt hiôk lăm Kră Yang gô ư-ang kơ Tơ'ngla 'Lơ̆ng Rơgoh Isơrael.

Êsai 49:23

Lu pơtao gô pơm 'bă wei rong iĕm, lu akăn pơtao gô pơm bơngai wei rong tơmŏm iĕm. Lu sư gô kŭp drap tơ teh chu kơ iĕm; liah 'mui teh tơ jơ̆ng iĕm; kơplah noh iĕm gô băt kơ Inh bơih Kră Yang, păng lu bơngai gơnang kơ Inh gô ưh kơ đei mơlâu.”

Je 17:18

Apinh Ih pơm kơ lu bơngai rôp pơmat inh mơlâu, mă-lei 'nĕ ăn kơ inh mơlâu; ăn kơ lu sư hli tơrơ, mă-lei 'nĕ ăn kơ inh hli tơrơ! Ăn kơ năr gleh pơmat truh kơ lu sư; apinh Ih pơrăm lu sư hloh kơ 'bar wơ̆t.”

Rom 10:11

Hla bơar 'Bok Kei-Dei roi gah tơdrong 'Bok Krist thoi âu: “Bu lui kơ Sư, bơngai noh huay kơ hli minh tơdrong kiơ ôh.”

Rom 5:5

Bơ̆n băt kơ tơdrong bơ̆n chang gô noh ưh kơ jor ôh, yua kơ 'Bok Kei-Dei ăn kơ bơ̆n Yang Bơhngol 'Lơ̆ng Sư, na Yang Bơhngol 'Lơ̆ng Sư ăn kơ bơ̆n băt 'Bok Kei-Dei 'mêm kơ bơ̆n tơpă.

I Pet 2:6

Tơdrong noh thoi đe chih nơ̆r 'Bok Kei-Dei tơ lăm sơ̆p hla bơar Sư thoi âu: “Iĕm lăng Inh đei man minh pôm tơmo gĭt tơ Pơlei Siôn wă pơm hnam, tơmo noh gĭt tơpă na Inh iŏk Sư. Bu lui kơ tơmo noh huay kơ hli minh tơdrong kiơ ôh.”