Horiso 25:10 - Sơ̆p Hlabơar Nơ̆r 'Bok Kei-Dei

¹⁰ Lu trong Kră Yang 'mêm mơnat păng tơpăt ngăl Ăn kơ bu mă bơwei nơ̆r Sư pơkă păng tơdrong Sư pơgơ̆p.

Horiso 25:10 ပူးပေါင်းရင်းမြစ်များ

Bl 17:1

Kơplah Abram tơsĭn-jĭt tơsĭn sơnăm, na Kră Yang tơ'bôh kơ Abram păng khan thoi âu: “Inh boih Kră Yang 'Bok Kei-Dei mơsêh mơyang, ih athei oei 'bơ̆t anăp Inh na ih jing minh 'nu bơngai 'lơ̆ng tơpăt.

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

Bl 5:24

Ênok kiơ̆ Kră Yang 'Bok Kei-Dei, na biŏng pă 'bôh hloi, yua kơ Kră Yang 'Bok Kei-Dei sơng iŏk sư boih.

II Sam 15:20

Ih oei hăm inh 'nao năr brei, na năr 'nâu ih wă kiơ̆ chă jăk ah. 'Nhŏ kơdih inh kư̆m ưh kơ băt wă năm tơ yơ? Lei ih jah wih bĕ păng chông lu 'nhŏng oh ih. Apinh tơdrong 'mêm mơnat păng tơdrong 'lơ̆ng tơpăt Kră Yang oei hơdai hăm ih!”

Horiso 138:7

Mă inh oei lăm pơmat-tat, Ih wei tơdrong arih inh, Ih yơ̆r ti tơblah plơ̆ kơ tơdrong mă lu ayăt hil kơ inh, ti 'ma Ih dŏng pơklaih inh.

Horiso 33:4

Yua kơ nơ̆r Kră Yang tơpăt, Lu tơdrong jang Sư pơm tă kơ 'blep trŏ ngăl.

Horiso 40:11

Ơ Kră Yang! 'Nĕ chĭt jơhngơ̆m Ih 'mêm mơnat kơ inh. Apinh tơdrong 'mêm păng mơnat sĭt tơpă Ih wei-lăng inh ling-lang.

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Horiso 57:3

Sư tơjur ăn đơ̆ng plĕnha tơdrong dŏng pơklaih inh. Sư gô hil chrih kơ lu bơngai pơjuă inh. Sêla Kră Yang 'Bok Kei-Dei gơih ăn tơdrong 'mêm mơnat păng tơdrong tơpăt Sư.

Horiso 85:10

Na tơdrong 'mêm mơnat hăm tơdrong 'lơ̆ng tơpăt tơ'bơ̆p băl; Tơdrong tơpăt hăm tơdrong hiôk-hian tơchŭm băl.

Horiso 89:14

Tơdrong 'lơ̆ng tơpăt păng tơdrong tơpăt hơnơ̆ng jing hơnă tăng dŏ pơtao Ih. Tơdrong 'mêm, tơdrong 'lơ̆ng tơpăt năm 'bơ̆t anăp Ih.

Horiso 91:14

Kră Yang khan: “Yua kơ ih 'mêm kơ Inh na Inh gô dŏng pơklaih ih; Yua kơ ih băt anăn Inh. Na Inh gô wei-lăng ih

Horiso 98:3

Sư 'blŏk kơ tơdrong 'mêm mơnat păng tơdrong 'lơ̆ng tơpăt Sư hăm bơngai Isơrael; Đơ̆ng tôch kơ teh đak 'bôh boih tơdrong Kră Yang lu bơ̆n dŏng pơklaih.

Êsai 25:1

Ơ Kră Yang Ih bơih Kră Yang 'Bok Kei-Dei inh! Inh ư-ang kơ Ih, inh bơnê pôk pơư kơ anăn Ih, Ih đei pơm boih tơdrong hlĭch, tơdrong Ih pơkă lê̆ đơ̆ng sơ̆, hăm tơdrong tơpăt sĭt.

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Hôsia 14:9

Bu jing bơngai hơgei, sư athei băt hlôh dôm tơdrong âu? Bu mă băt lăng hơlen, sư athei lăng bĕ lu tơdrong noh. Trong Kră Yang 'lơ̆ng tơpăt, lu bơngai tơpăt gô yak trong noh; mă-lei lu bơngai pơm yoch glăi gô yak kơtơih pơ̆k tơ noh.

Jêphania 2:3

Chơchă bĕ Kră Yang ơ lu bơngai chu yom lăm teh đak, pơm kiơ̆ bĕ nơ̆r Kră Yang tơtă, chơchă tơdrong tơpăt Sư, chơchă bĕ tơdrong gơh găt, dah rŏ lăng đe gô ôn iĕm hlơp lăm năr Kră Yang hil.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Jang 10:35

Lăm rim khŭl bơngai, bơngai bu lui kơkuh kơ 'Bok Kei-Dei păng pơm trŏ thoi Sư wă, 'Bok Kei-Dei kư̆m lăp đon kơ lu sư lei-lăi ngăl.

Rom 2:13

'Bok Kei-Dei jô̆ bơ̆n bơngai 'lơ̆ng, ưh kơ sĭ yua kơ bơ̆n kơtơ̆ng tơdrong Sư pơkă đĕch ôh, yua kơ bơ̆n kiơ̆ tơdrong noh.

Rom 8:28

Bơ̆n 'bôh bơngai bu mă 'mêm kơ 'Bok Kei-Dei, bơngai noh 'Bok Kei-Dei rơih iŏk lui kơ Sư, lu bơngai thoi noh boih, mă sư tơ'bơ̆p tơdrong kiơ, bơ̆n băt kơ 'Bok Kei-Dei ăn kơ sư hiôk ngăl.

Hêbrơ 12:14

Bơ̆n athei adrin pơm jơhngơ̆m đon dim hiôk hơiă kơ đĭ-đăng bơngai. Păng athei adrin pơm 'lơ̆ng tơpăt ling-lang. Tơ̆ng ưh, bơ̆n ưh kơ gơh 'bôh Kră Yang ôh.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.