Horiso 22:23 - Sơ̆p Hlabơar Nơ̆r 'Bok Kei-Dei

²³ Ơ lu bơngai băt hli yom kơ Kră Yang, bơnê bĕ kơ Sư, Ơ đĭ-đăng adrĕch Jakôp, kơkuh ư-ang bĕ kơ Sư, Ơ đĭ-đăng adrĕch adrung Isơrael hli yom bĕ kơ sư.

Horiso 22:23 ပူးပေါင်းရင်းမြစ်များ

Horiso 106:5

Wă kơ inh 'bôh tơdrong pŭn hiôk lu bơngai mă Ih đei rơih. Wă kơ wang chơt hiôk thoi lăm teh đak Ih, Păng hơri bơnê hơdai hăm kon pơlei Ih.

Horiso 109:30

'Bơ̆r inh gô bơnê kơ Kră Yang hăm đĭ jơhngơ̆m, Hơri ư-ang kơ Sư lăm tŏk-bŏk bơngai lơ;

Horiso 111:1

Halêluya! Inh hơri bơnê kơ Kră Yang hăm đĭ jơhngơ̆m. Lăm năr lu bơngai 'lơ̆ng tơpăt akŭm tih.

Horiso 115:11

Ơ lu bơngai mă hli yom kơ Kră Yang, lui gơnang kơ sư bĕ, Sư boih Tơ'ngla dŏng tơgŭm păng khêl pĕng lu sư.

Horiso 115:13

Sư gô ăn tơdrong pŭn hiôk kơ lu đe bu mă hli yom kơ Kră Yang. Mă lu iĕ dah tih kư̆m lei-lăi.

Horiso 145:19

Sư ăn tôm mah kơ lu đe bu hli yom kơ Sư. Kŭm mơ̆ng nơ̆r lu sư krao apinh păng dŏng pơklaih lu sư.

Horiso 22:30

Minh adrĕch adrung gô bơ̆jang kơ Sư; Đe gô roi tơdrong Kră Yang kơ adrĕch adrung đơ̆ng rŏng.

Horiso 26:12

Jơ̆ng inh dơ̆ng 'bơ̆t trong dơhnă; Inh gô bơnê ư-ang kơ Kră Yang lăm năr akŭm tih.

Horiso 33:8

Jơ̆p kơ teh đak hli yom bĕ kơ Kră Yang Đĭ kon bơngai lăm teh đak hli bĕ kơ Sư.

Horiso 35:18

Inh gô bơnê ư-ang kơ Ih lăm năr akŭm tih, Ư-ang kơ Ih 'bơ̆t tŏk-bŏk kon pơlei pơla lơ.

Horiso 50:23

Bu pơyơ̆r nơ̆r bơnê tơmam soi kơkuh ư-ang kơ Inh; păng sư kiơ̆ trong Inh; Inh gô tơ'bôh tơdrong dŏng pơklaih đơ̆ng Kră Yang 'Bok Kei-Dei.”

Horiso 86:12

Ơ Kră Yang 'Bok Kei-Dei inh. Inh kơkuh bơnê kơ Ih hăm đĭ jơhngơ̆m. Inh gô ư-ang anăn Ih ling-lang.

Êsai 25:3

Noh bơih na lu kon pơlei đơ̆ng dêh char pran kơtang gô ư-ang kơ Ih, pơlei tih lu adrĕch adrung bơngai pơm kơnê̆ krưp gô hli yom kơ Ih.

Luka 1:50

Sư mơnat kơ đĭ-đăng bơngai mă lui yom kơ Sư, mă đơ̆ng sơ̆ khơ̆ ning-mônh.

Luka 2:20

Lu bơngai wei triu wih, bơnê kơkuh kơ 'Bok Kei-Dei yua kơ lu sư kơtơ̆ng hăm 'bôh tơdrong noh lei-lăi thoi linh jang 'lơ̆ng đei khan kơ lu sư.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

Tơdrông Tơ'bôh 15:4

Ơ Kră Yang, đĭ-đăng bơngai băt hli kơ Ih, păng ư-ang anăn Ih, yua kơ pôm Ih đĕch pơm 'lơ̆ng tơpăt. Đĭ rim khŭl bơngai băt năm kơkuh 'bơ̆t anăp Ih, yua kơ Ih sek tơlang tơpăt ngăl.”