Horiso 19:7 - Sơ̆p Hlabơar Nơ̆r 'Bok Kei-Dei

⁷ Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Horiso 19:7 ပူးပေါင်းရင်းမြစ်များ

II Sam 23:5

Kră Yang 'Bok Kei-Dei sĭt gô tuh ăn tơdrong pŭn hiôk kơ adrĕch adrung inh thoi noh! Yua kơ Sư đei pơjing boih hăm inh tơdrong pơgơ̆p khŏm khŏm. Tơdrong đei pơkă tôm, ưh kơ đei tơplih dôm tơdrong inh hơpơi, sư gô ăn tơdrong noh bluh chăt.

Jop 23:12

Inh ưh kơ tơklah kơ nơ̆r tơtă đơ̆ng 'bơ̆r Sư. Inh răk lăm jơhngơ̆m inh nơ̆r đơ̆ng 'bơ̆r Kră Yang hloh kơ tơmam sŏng sa.a

Horiso 111:7

Tơdrong jang đơ̆ng ti Sư sĭt tơpă păng tơpăt; Lu nơ̆r Sư bơtho pơkă trŏ gơnang tơpă.

Horiso 119:105

Nơ̆r Ih jing ŭnh kơđeng kơ jơ̆ng inh. Nhơk pơchrang ăn kơ trong inh.

Horiso 119:111

Nơ̆r Ih bơtho khan jing mŭk tơmam inh ling-lang. Yua kơ noh jơhngơ̆m inh chơt hiôk,

Horiso 119:130

Tơdrong bơtho tơblang nơ̆r Ih pơchrang ăn hơdah. Sư ăn tơdrong hlôh wao kơ lu bơngai tơpăt.

Horiso 119:14

Inh hiôk chơt kiơ̆ nơ̆r Ih đei tơtă. Thoi chhôk 'nă kơ mơdrŏng tih.

Horiso 119:152

Kư̆ kiơ̆ kơ nơ̆r Ih bơtho, inh băt boih đơ̆ng sơ̆: Ih pơjing nơ̆r tơtă noh oei oei ling-lang.

Horiso 119:24

Dôm nơ̆r Ih tơpăt, jơ̆ nơ̆r mă inh lăp đon, Lu nơ̆r noh boih tơ'bôh tơbăt ăn kơ inh.

Horiso 119:72

Khôi juăt đơ̆ng 'bơ̆r Ih pơma jing 'lơ̆ng kơ inh. Hloh kơ đei rơbâu tơpei hu maih.

Horiso 119:9

Bơngai oei hơmuh hơmŏng pơm liơ wă kơ trong sư 'lơ̆ng rơgoh? Athei arih pơm kiơ̆ nơ̆r Kră Yang.

Horiso 18:30

Gah Kră Yang 'Bok Kei-Dei rim trong Sư 'lơ̆ng tơpăt ngăl; Nơ̆r Kră Yang hlôi hơmet rơgoh boih. Sư boih khêl kơ đe bu wă kơ'nơp tơ Sư.

Horiso 23:3

Sư ăn kơ bơhngol inh pran dơ̆ng.a Dui ba inh lăm trong tơpăt, yua kơ anăn Sư.

Horiso 93:5

Ơ Kră Yang, dôm tơdrong Ih tơtă kơjăp sĭt; Hnam Ih 'lơ̆ng rơgoh tơpă truh tơ ning-mônh hloi.

Tơdrông Pơđơk 1:4

Wă ăn kơ lu bơngai kơtul kơwao gơh kơchăng, bơngai hơmuh hơmŏng băt hlôh păng băt tơchĕng.

Êsai 8:16

Chô̆ kơjăp bĕ nơ̆r tơbăt âu păng pơklep mă kơjăp tơdrong juăt lăm lu đĭch đam Inh.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Yo 5:39

“Lu iĕm đŏk lăng sơ̆p hla bơar 'Bok Kei-Dei ling-lang, khan wă kơ đei tơdrong arih ling-lang. Sơ̆p hla bơar 'Bok Kei-Dei boih roi tơdrong Inh,

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Rom 12:2

Bơ̆n 'nĕ pă pơm yoch tôm tơdrong kơnê̆ thoi lu bơngai tơ teh âu juăt kơ pơm. Bơ̆n athei pơjao akâu bơ̆n kơ 'Bok Kei-Dei tơplih jơhngơ̆m đon bơ̆n jing 'nao wă kơ bơ̆n băt tôm tơdrong Sư, tơdrong trŏ tơdrong 'lơ̆ng tơpăt ngăl.

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

Rom 3:2

Lu bơngai Juđê tih hloh kơ lu bơngai nai 'biơ̆ mơ̆n yua kơ 'Bok Kei-Dei chih pơkă kơ lu sư tơdrong juăt Sư hơdrol kơ lu bơngai nai păng pơkă khan wă tơgŭm lu sư tơpă.

Both 32:4

Kră Yang thoi Tơmo Tih 'lơ̆ng tôm; lu tơdrong Sư jang keh dang 'lơ̆ng tôm, trong Kră Yang tơpăt hơnơ̆ng. Sư boih Kră Yang 'Bok Kei-Dei sĭt, 'lơ̆ng tơpăt ưh kơ đei hơlĕnh. Sư tơpăt ling-lang 'lơ̆ng hơnơ̆ng.

Kôlôsê 3:16

Bơ̆n athei pơm kiơ̆ dôm nơ̆r Yêsu Krist ling-lang wă kơ bơ̆n bơtho dih băl hơgei 'blep trŏ thoi Sư wă. Mă tơdrong hơri kư̆m lei-lăi wă kơ bơtho dih băl tơdrong Sư, wă kơ bơ̆n hơri bơnê kơ 'Bok Kei-Dei, mă hơri tơdrong kră sơ̆, mă hơri tơdrong lu bơngai dang ei, mă hơri kiơ̆ kơ đon bơ̆n tơchĕng, mă tôm kơ tơdrong hơri nai wă kơ bơ̆n hơri bơnê kơ 'Bok Kei-Dei ngăl.

II Tim 1:8

Ih 'nĕ mơlâu kơ bơtho đe tơdrong Kră Yang Yêsu păng ih 'nĕ mơlâu kơ đe phak inh lăm hnam phak. Đe phak inh yua kơ inh lui kơ Kră Yang Yêsu. 'Bok Kei-Dei tơgŭm ih tơpă, na mă ih đei tơdrong gleh pơmat-tat, ih kư̆ adrin bơtho tơdrong 'nao 'lơ̆ng Sư, thoi lĕ kơ inh đei tơdrong pơmat-tat dang ei, inh kư̆m oei adrin mơ̆n.

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Jôsuê 1:8

Sơ̆p hla bơar khôi juăt âu 'nĕ kơ ataih đơ̆ng 'bơ̆r ih, athei tơchĕng măng năr, lei athei pơ'lơ̆ng pơm kiơ̆ kơ nơ̆r đei chih lăm noh, thoi noh na lăm trong ih năm gô đei tơdrong pŭn hiôk.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”