Horiso 19:13 - Sơ̆p Hlabơar Nơ̆r 'Bok Kei-Dei

¹³ Apinh Kră Yang bơwei lu đĭch đam Ih huay kơ pơrơ̆ng pơm yoch,d 'Nĕ ăn tơdrong yoch noh pơgơ̆r inh; na Ih huay chrih kơ inh, Păng huay kơ pơm tơdrong yoch tih.

Horiso 19:13 ပူးပေါင်းရင်းမြစ်များ

Bl 20:6

Lăm sư apo 'bôh, Kră Yang 'Bok Kei-Dei khan dơ̆ng thoi âu: “Inh kư̆m băt kơ ih yua kơ jơhngơ̆m tơpăt na pơm tơdrong noh; yua kơ thoi ei, na Inh găn ih hli kơ ih pơm yoch păng Inh; Inh ưh kơ wă kơ ih hơtŭt 'bơm bơngai noh.

Jop 34:32

Tơdrong kiơ inh ưh kơ 'bôh, apinh Kră Yang bơtho tơ'bôh ăn kơ inh; Tơdah inh đei pơm kơnê̆, inh gô ưh pă pơm dơ̆ng?”

Horiso 11:7

Yua kơ Kră Yang 'Lơ̆ng tơpăt; Sư 'mêm kơ tơdrong tơpăt: Lu bơngai mă tơpăt gô lăng 'bôh muh măt Sư.

Horiso 119:133

Apinh Ih ăn kơ rim yak inh kơjăp lăm nơ̆r Ih. 'Nĕ ăn tơdrong kơnê̆ kiơ̆ pơgơ̆r inh.

Horiso 18:23

Inh oei 'lơ̆ng hơiă 'bơ̆t anăp Sư, Bơwei kơdih akâu huay kơ pơm kơnê̆

Horiso 7:10

Kră Yang 'Bok Kei-Dei jơ̆ khêl inh, Sư dŏng pơklaih lu bơngai đei jơhngơ̆m tơpăt.

Horiso 84:11

Kră Yang 'Bok Kei-Dei jơ̆ măt 'năr păng khêl; Kră Yang ăn tơdrong mơnat păng ư-ang, Sư ưh kơ đei sơngah ôh ăn tơdrong 'lơ̆ng rŏ. Kơ bu mă oei arih sa tơpăt.

Le 21:14

Tơdah bơngai bu pơrơ̆ng chă đon wă 'maih pơlôch đe. Mă đơ̆ng sư ôn tơ anih chơnang soi kơ Inh, kư̆m athei rôp păng pơlôch sư.

Lêwi 4:13

Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Lêwi 4:22

Tơdah đei yŏng pơgơ̆r ayơ mă yua kơ hơch 'bơm pơm yoch minh tơdrong lăm nơ̆r tơtă Kră Yang 'Bok Kei-Dei Sư khă ưh kơ ăn pơm, mă đei pơm yoch boih.

Lêwi 4:27

Tơdah minh 'nu bơngai lăm lu kon pơlei hơch 'bơm pơm yoch, minh tơdrong lăm nơ̆r tơtă Kră Yang păng pơm tơdrong Sư khă ưh kơ ăn pơm noh na jing yoch boih.

Jang 24:16

Inh ling-lang adrin wă kơ đei jơhngơ̆m 'lơ̆ng 'bơ̆t anăp 'Bok Kei-Dei hăm kon bơngai.

II Pet 2:10

Mă loi lu bơngai mă hưch hanh kơ pơm tơdrong kơnê̆ kư̆ kă, lu sư ưh kơ băt chu yom kơ yŏng tơ'ngla kơdih, lu bơngai noh Sư hil dêh. Lu 'bok bơtho mơ'nah lu sư juăt kơ pơm thoi noh. Lu sư pơma kư̆ kă ưh kơ băt hli kơ đe păng ưh kơ băt mơlâu kơ đe. Lu sư kư̆m ưh kơ hli kơ pơma kơnê̆ kơ lu linh jang mơ̆n.

I Sam 25:39

Đawit kơtơ̆ng ang Nabal lôch boih, sư khan: Trŏ kơkuh bơnê ư-ang kơ Kră Yang. Sư dŏng tơgŭm inh pơm mong kơ Nabal yua kơ sư pơm kơnê̆ kơ inh păng bơwei inh đĭch đam Sư wă kơ huay kơ pơm kơnê̆! Kră Yang tuh boih tơdrong kơnê̆ Nabal tơ kơ̆l sư kơdih! Na, Đawit wơh bơngai năm apinh Abigail pơm akăn sư