Horiso 18:35 - Sơ̆p Hlabơar Nơ̆r 'Bok Kei-Dei

³⁵ Kră Yang ăn kơ inh khêl tơdrong dŏng pơklaih;d Ti gah 'ma Ih tơiung inh, Đơ̆ng tơdrong Ih dŏng na inh jing tih mơng.

Horiso 18:35 ပူးပေါင်းရင်းမြစ်များ

II Sam 22:36

Kră Yang thoi khêl dŏng pơklaih inh; Kră Yang tơjur akâu Sư tơ ala wă hơtŏk inh tơ kơpal.

Horiso 144:1

Kơkuh bơnê bĕ kơ Kră Yang jơ̆ Tơmo Tih inh! Sư pơjuăt ti inh wă kơ tơblah, pơhrăm hơnglâu ti inh gơh tơblah.

Horiso 17:7

Ơ Kră Yang Apinh Ih pơdah tơdrong 'mêm hlĭch chrơp Ih, kơ bu mă năm ôn akâu sư tơ ti 'ma Ih. Đơ̆ng lu bơngai mă ayăt kơ lu sư.

Horiso 28:7

Kră Yang jơ̆ jơhngơ̆m pran păng thoi khêl inh, Jơhngơ̆m inh gơnang boih kơ Sư, na inh mă gơh klaih, Yua kơ thoi noh jơhngơ̆m inh chơt hiôk tơpă. Inh gô iŏk nơ̆r hơri bơnê kơ Sư.

Horiso 5:12

Ơ Kră Yang, yua kơ Ih gô ăn tơdrong pŭn hiôk kơ lu bơngai tơpăt, Iŏk đon 'mêm mơnat pĕng lu sư thoi khêl.

Êsai 22:3

Đĭ-đăng lu kră pơgơ̆r lu iĕm lu sư wang kơdâu chă ôn, đe rôp chô̆ lu sư, ưh kơ đei yua hră ôh. Đe rôp đĭ bơih lu kon pơlei iĕm, mă đe đei chă 'bôh, mă khan lu sư kơdâu ataih bơih ră.

Êsai 40:11

Sư gô wei rong khŭl triu Sư nhen thoi bơngai wei triu, akŭm lu triu kon lăm ti Sư, păng kơ'mĭn kuăr sư tơ kơtơh, chông hơdar hơdêh lu triu yŏng đei kon iĕ.

II Kor 10:1

Inh Pôl wă pơma păng iĕm tơdrong âu. Lơliơ lu bơngai mơ'nah jô̆ kơ inh khan kơplah inh oei ataih đơ̆ng iĕm, inh chih kơthơ, inh pơma nuih; mưh inh oei jê̆ iĕm khan inh pơma lêl? Yêsu Krist Sư dim gơh găt dêh, na Sư wă kơ bơ̆n kư̆m thoi noh.

Both 33:29

Ơ bơngai Isơrael ih pŭn hiôk dêh, kon pơlei Kră Yang dŏng pơklaih bơih, Kră Yang. Sư thoi khêl pĕng tơgŭm ih, thoi đao gưm pơm ăn kơ ih kĕ jei jơnei tih. Lu bơngai ayăt gô năm chă pơm lung, na ih gô pơjuă bơhlơ̆r anih kơjung lu sư.