Horiso 18:29 - Sơ̆p Hlabơar Nơ̆r 'Bok Kei-Dei

²⁹ Đơ̆ng Ih tơgŭm inh gô kĕ đơ̆ng lu tơpôl linh ayăt. Gơnang kơ Kră Yang 'Bok Kei-Dei inh, đei pơplŏng hlôi kơ dur.

Horiso 18:29 ပူးပေါင်းရင်းမြစ်များ

II Sam 22:30

Hăm jơhngơ̆m pran Ih inh blah drŭt lu ayăt, gơnang kơ Kră Yang 'Bok Kei-Dei inh plŏng hlôi kơ dur pơlei.

II Sam 5:25

Đawit kiơ̆ tôm tơdrong Kră Yang bơtho pơkă kơ sư; sư blah druh bơngai Philistin đơ̆ng Gibeôn truh tơ Geser.

Jop 29:3

Lăm kơplah ŭnh kơđeng Kră Yang oei pơchrang hơdah kơpal kơ̆l inh. Đơ̆ng tơdrong hơdah Kră Yang na inh năm hlôi kơ măng mu.

Horiso 144:1

Kơkuh bơnê bĕ kơ Kră Yang jơ̆ Tơmo Tih inh! Sư pơjuăt ti inh wă kơ tơblah, pơhrăm hơnglâu ti inh gơh tơblah.

Horiso 144:10

Ih ăn tơdrong jei kơ lu pơtao; Pơklaih Đawit đĭch đam Ih đơ̆ng tak đao gưm.

Horiso 27:1

Kră Yang boih tơdrong hơdah păng tơdrong dŏng pơklaih inh: Inh wă hli kơ bu dơ̆ng? Kră Yang anih kơjăp kơ tơdrong arih inh: Inh wă hli kơ bu dơ̆ng?

I Kor 15:10

Mă-lei 'Bok Kei-Dei mơnat kơ inh. 'Bok Kei-Dei mơnat kơ inh ưh kơ sĭ Sư mơnat đĕch ôh, Sư tơgŭm ăn kơ inh bơ̆jang lơ hloh kơ lu đe nai. Mă-lei ưh kơ trŏ kơ inh kơdih ôh, 'noh yua kơ đơ̆ng 'Bok Kei-Dei mơnat na Sư tơgŭm ăn kơ inh.

Kôlôsê 2:15

Kơplah Yêsu Krist oei tơ 'long pơglang noh sơ̆ Sư blah rôp lu yŏng pơgơ̆r yang kơnê̆, iŏk đĭ lu khêl đao lu sư păng dui anhăk lu sư na tơ'bôh kơ đe tơdrong tơblah jei Sư boih.

Tơdrông Tơ'bôh 3:21

‘Gah tơdrong tơblah păng yang kơnê̆ jei bơngai bu, Inh gô ăn kơ sư oei hơdai tơ tang-dŏ Inh, thoi Inh blah yang kơnê̆ jei Inh, na 'Bă Inh ăn kơ Inh oei hơdai tơ tang-dŏ Sư.

I Sam 17:49

Đawit 'bot ti lăm kơdŭng sư, iŏk minh găr tơmo tah tơ lăm tơlei akar tơ'bla sư tăr wăr tơmo, 'bơm 'bơ̆t klĕng bơngai Philistin, tơmo mơ̆t đom lăm klĕng, Gôliat pơ̆k kơmŭ brum muh măt tơ teh.

I Sam 23:2

Đawit krao apinh Kră Yang: Inh hăm gơh blah lu bơngai Philistin 'nâu? Kră Yang tơl Đawit khan: Năm bĕ, blah bơngai Philistin păng dŏng kon pơlei Kêila.

I Sam 30:8

Đawit krao apinh Kră Yang: Inh hăm gơh druh 'moi bơngai blah tơtông tơgar iŏk 'nâu ưh? Inh druh 'moi lu sư hăm tam? Kră Yang khan: Năm bĕ druh 'moi lu sư, tơpă ih druh 'moi gô tam păng dŏng pơklaih đĭ-đăng bơngai đêl lu sư rôp.