Horiso 18:27 - Sơ̆p Hlabơar Nơ̆r 'Bok Kei-Dei

²⁷ Yua kơ Ih dŏng tơgŭm lu bơngai iŏk đon ala; Mă-lei Ih gô tơjur lu bơngai pơang.

Horiso 18:27 ပူးပေါင်းရင်းမြစ်များ

II Sam 22:28

Kră Yang dŏng pơklaih lu bơngai iŏk đon ala kơ đe. Mă-lei măt Sư 'bôh lu bơngai pơang, Kră Yang gô tơjur lu sư.

Horiso 10:4

Lu bơngai kơnê̆ pơang, ưh kơ wă chă Kră Yang. Đĭ tơdrong sư tơchĕng khan ưh kơ đei Kră Yang ôh.

Horiso 101:5

Inh gô ngăn hreh kơ lu đe mă pơma roi 'bơm lu rông 'bôt. Gah lu bơngai đei măt pơrŏ păng jơhngơ̆m pơang, Inh ưh kơ lăp ôh.

Horiso 17:10

Lu sư chĭt lê̆ jơhngơ̆m mơnat sư;c 'Bơ̆r lu sư pơma pơang.

Horiso 17:13

Ơ Kră Yang, iung bĕ răp tơpơ̆k tơhuŏng lê̆ lu sư; Iŏk đao gưm han Ih dŏng pơklaih bơhngol inh klaih đơ̆ng lu bơngai kơnê̆.

Horiso 34:19

Lu bơngai 'lơ̆ng tơpăt đei lơ tơdrong pơmat-tat truh. Mă-lei Kră Yang dŏng pơklaih đĭ tơdrong noh.

Horiso 34:6

Lu bơngai pơmat âu ôr krao Kră Yang, Kră Yang mơ̆ng nơ̆r lu sư. Dŏng pơklaih lu sư đơ̆ng dôm tơdrong pơmat-tat.

Horiso 40:17

Gah inh jing dơnuh păng pơmat-tat. Apinh, Kră Yang 'blŏk kơ inh. Ih jơ̆ Kră Yang tơgŭm dŏng inh, Păng Kră Yang pơklaih inh. Ơ Kră Yang 'Bok Kei-Dei apinh Ih 'nĕ pă hiơ̆.

Horiso 9:18

Lu bơngai pơmat-tat đe ưh kơ đei hiơt ling-lang ôh, Păng lu bơngai răm-'băm kư̆m ưh kơ hiong tơdrong hơmĕng ling-lang mơ̆n

Tơdrông Pơđơk 30:12

Đei bơngai mơ'nah tơchĕng khan lu sư rơgoh 'lơ̆ng. Mă-lei tam đei ôp mơgrĭ lu sư.

Êsai 10:12

Mă-lei mưh Kră Yang pơkeh tơdrong jang Sư kơ kông Siôn păng pơlei Jêrusalem, Sư gô phak pơtao Asiri, yua kơ jơhngơ̆m sư pơang păng măt sư lăng pơrŏ.

Êsai 3:9

Muh măt lu sư tơ'bôh pơdah blah plơ̆ kơdih akâu lu sư; lu sư pơdah tơdrong yoch lu sư kơdih thoi pơlei Sôđôm, ưh kơ gơh ôn hlơp ôh, Răm-'băm dêh kơ bơhngol lu sư, yua kơ lu sư ba tơdrong răm kơdih akâu.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 66:2

Dôm tơmam 'nâu tă kơ đơ̆ng ti Inh pơm ngăl, thoi noh đĭ-đăng tơmam gơh đei.” Kră Yang khan thoi noh. “'Nâu đei bơngai mă Inh lăng gĭt: Bơngai iơ̆m dim, đei jơhngơ̆m băt tơbral, păng hli tơtey kơtơ̆ng nơ̆r inh pơma.

Hôsia 4:6

Kon pơlei Inh răm boih yua kơ lu sư ưh kơ hlôh wao. Yua kơ ih sơngah boih kơ tơdrong băt hlôh, Inh kư̆m lei-lăi gô sơngah kơ ih na ih ưh pă jing bơngai khan lê̆ adrol dơ̆ng. Yua kơ ih hiơt boih tơdrong juăt Inh Kră Yang 'Bok Kei-Dei ih, kư̆m lei-lăi thoi noh mơ̆n Inh kư̆m gô hiơt kơ kon sâu ih.

Luka 18:14

Na Yêsu khan dơ̆ng: “Inh khan kơ iĕm tơpă, lăp bơngai mă iŏk jên thuê̆ noh brŏk tơ hnam, 'Bok Kei-Dei jô̆ sư klaih đơ̆ng tơdrong yoch boih. Bơngai Pharisi noh 'Bok Kei-Dei ưh kơ jô̆ kơ sư khan klaih đơ̆ng tơdrong yoch ôh, yua kơ bơngai bu pơang akâu kơdih, sư ei gô mơlâu; bơngai bu pơma sơdrĭ tơ ala kơ 'Bok Kei-Dei, na sư 'nei boih 'Bok Kei-Dei 'brơ̆k mơnat tơiung sư.”

II Kor 8:9

Yua kơ iĕm băt boih Kră Yang Yêsu Krist 'mêm mơnat kơ bơ̆n dang yơ; Sư mơdrŏng tih tơpă, mă-lei Sư jing dơnuh yua kơ tơgŭm bơ̆n, wă kơ bơ̆n jing mơdrŏng.

Ya 2:5

Ơ lu 'nhŏng oh mă inh 'mêm, mơ̆ng bĕ: 'Bok Kei-Dei rơih lu bơngai dơnuh hin mă oei tơ ala teh âu, wă kơ lu sư mơdrŏng kơ tơdrong lui gơh oei tơ dêh char Sư, kư̆m thoi Sư wă ăn kơ dôm lu bơngai mă 'mêm kơ Sư.