Horiso 18:26 - Sơ̆p Hlabơar Nơ̆r 'Bok Kei-Dei

²⁶ Hăm lu bơngai 'lơ̆ng rơgoh, Ih boih Tơ'ngla 'lơ̆ng rơgoh; Gah lu bơngai ưh kơ chu, Ih gô phak tơpă.

Horiso 18:26 ပူးပေါင်းရင်းမြစ်များ

Tơdrông Pơđơk 3:34

Hăm lu bơngai blei hiap Sư blei hiap lu bơngai juăt kơ blei hiap đe, Mă-lei sư ăn pŭn hiôk kơ bơngai bu băt pơyom.

Mi 2:7

Ơ hnam Jakôp! Hăm trŏ đe khan tơdrong 'nâu Yang Bơhngol 'Lơ̆ng Kră Yang ưh kơ gơh pơm tôm tơdrong hă? 'Nâu hăm trŏ tơdrong Sư pơm? Hăm trŏ kơ nơ̆r Inh pơma pơyua kơ lu bơngai mă kiơ̆ tơdrong tơpăt.

Rom 2:9

Mă bơngai Juđê, mă bơngai nai, dah ưh kơ chu yom kơ nơ̆r 'Bok Kei-Dei, oei wă pơm kơnê̆ ling-lang, lu bơngai thoi noh 'Bok Kei-Dei wă phak lu sư pơmat-tat tơpă ning-mônh.

Ya 2:13

Truh năr 'Bok Kei-Dei sek tơlang ning-mônh, Sư sek tơlang tơpăt, Sư ưh kơ mơnat ôh kơ lu bơngai mă ưh kơ băt mơnat kơ đe. Bơngai bu mơnat kơ đe, 'Bok Kei-Dei kư̆m mơnat kơ sư mơ̆n, kơplah năr Sư sek tơlang ning-mônh.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.